السلام عليكم البنات الكل
راكم الكل غاطسين في الكوجينة وشي حتى انا غاطسة فيها اما نحك في الحيوط موش نطيب خذيت كونجي بجمعة مالتطييب صحا ليا وشي
امي خديجة هاك حتي انت مرتاحة صحا ليك استغل الفرصة
ام شيما ربي يعينك انا تو وليت نحس بامي قبل كنت نبخر بريحة الكوجينة ما ندخللها كان بش ناكل و هي مسكينه تقعد تحوس فيها وحدها عشية كاملة اما توا هاني حتى انا تحطيت في نفس situation وفا وقت الدلال عاد تو مبروك عليك طهور فارس بالمسبق حتى انا ان شاء الله دوب ما نهبط نطهر عبد الله و يوسف ربي يوصلو سالم حمزه طهرتو عمناول في الصيف هوني يقولو قد ما يكون اصغر قد ما يكون خير
يعيشك على وصفة المحاجب اما الي نعرفها انا تكون كيما الخبز المحشي تو نجربها هذه زادة اما كيف نكمل الدار
انا نحب على وصفة اليويو يعيشك يمكن نعملو كيف تجي حماتي يوم السبت ان شاء الله .......نهندس من قبل بجمعة اشنوة نطيب نهارة الي تجي............. اما التسكيره متع الكعكعة هي الي منجمتهاش ديما يتحلي و يتشقق موش عارفة مالوصفة ولا مني انا ما نعملهاش بالباهي
tunisienne الحمد لله على سلامتك العقبة ليا انا زادة اسم ولدك كيف اسم ولدي الكبير ربي يفضلهولك و يكون مالذريه الصالحة
بنت تونس ربي يرجعهم سالمين امك و بوك مالعمرة صحا ليهم العقبة لينا احنا زادة اماله انت تو مش تولي تطيب و تصنف وشي وصيهم يدعيولي ولو ما يعرفونيش امان ماني اختك ما تنساش
tunsia19هاك طلعت اصغر مني خذيتلي بلاصتي ادلل يا للا تو اشنوة احوال فطومة ان شاء الله تكون لاباس اش عاملة فيك تو

ام شيما هاهو الرابط متع الريقوته انا ما جربتهاش اما تظهر باهية
http://forum.hawaaworld.com/showthread.php?t=219424&page=4&pp=15
المقادير هي من بعد في الردود قالت راهي غلطت في عوض نصف كوب خل ربع كوب
جربها وقلي

اهلا يسورة ربي يعاونك علي التنضيف
اليويو باش مايتحلش خوذي العجينة وعمليها في شكل دوائر ونقبيها في الوسط

اهلا سرورة راني اليويو جربتو كيما قلت انت يطلع منظرو خايب ما يشهيش يتنفخ من جيهة وحدة اما الي في التصويرة مقدي ماشاء الله . تبارك الله عليها ام شيما ان درا كيفاش عملتو
ايا ام شيما اعطينا سر المهنة خلي حماتي تقول الحمد الله عملت حاجة باهية و انا ديما الحاجة تعكس عليا تجي ما تشبه لشي لازمني نتحوذق تو و نعمل حاجة بالقدى

يسورة مالا خوذي لعجينة و حليها وخوذي مثال كاس ماء وشكلي بيه دوائر وبعد خوذي كاس تاي ولا اي حاجة تنجمي تعملي بيه شكل دائرة اصغر في الوسط وتو الكل يكون مستوين