وعليكم السلام ورحمة الله
اهلا ام شيماء حني ليوم شقان فطرنا شربة روز وبريك
شاهيتك اطيب

يعيشك ام شيما على اليويو اما الكاربوناتو ما نجمش نستغنى عليه ولا نعوضو بحاجة اخرى ما نلقاهوش ممكن عمري ما شفتو هوني
يا لبنات اش بديتو تحضرو للعيد تحلو الحلو في الدار ولا تشريو حاضر
و كيفاش تعديوه في الغربة تزو رو الاحباب و الاصحاب ولا كل واحد يمشي يحوس هو و عايلته
انا مشيت مرة لفارنسا شفتهم العباد تحب بعضها و تزور بعضها كاينهم في البلاد هذاكا الكل و قالولي في باريس اكثر من الي شفتو في مارسيليا اللمات و العشويات ديما فما الداخل والخارج
سرورة ربي يشفيها امك و يخليكم لبعضكم
تونسية عمري 21 و الاولاد الحمد لله لاباس عليهم
عبد الله ماشي لتونس يوم الاحد ان شاء الله صحا ليه يعيد غادي اليوم حضرتلو الفليجة موش هاين عليا والله
بوهم عمناول جابلهم زوز كساوي على محلاهم مالحج جاوهم كبار خبيتهم للعيد كنت نستنا نشوفهم الزوز لابسينهم كيف بعضهم في العيد اما خسارة عبد الله ماشي العيد الجاي ان شاء الله كان ربي حيانا على خير
ايا شاهية طيبه وربي يتقبل منكم صيامكم
للصائم دعوة عند الافطار لا ترد ما تنساونيش من دعواتكم ربي يسهلي الولادة قاعدة خايفة موووووت
ايا السلام عليكم

اعيشك يسورة
يسورة اني العيد اللي فات بقيت في الدار ههههه والاقارب عندنا دار عم راجلي وولد عمتي ومرت وبنت اكاهو وهما مايجوش نهار العيد يجو نهار الاحد اللي يكون بعد العيد ومنعرفش العام هذا راجلي يخدم في العيد ولا لا بصراحة مانحسش بالعيد والحلو نعمل في الدار
يحسرة قبل كنا نعمل لحلو حني ودار عمومتي الزوز نتلاق الكل بنات ونساء والاولاد وبعد نبق نستن فيهم لين يجيب لحلو من الكوشة هذا قبل مش في اخر الاعوام علي خاطر تو كبرنا وكل مرة يعرس حد وكل مرة يمشي حد للخارج تو من الجماعة اللي كنا نتلاق دار عمي تو مشو يسكن في ليون بقو الا 2 اولاد واحد يعرس ان شاء الله في الصيف ويخلط علي الباقي واني هاني هني وبنت عمي في ايطاليا وبنت عمي لخري في كندا وخواتي لبنات الزوز عرس ....والله مرات نبقي نبكي نقول ياحسري
اني ونجي نحكي معاكم ننسي روحي
ماقلتلكمش صحة شريبتكم خخخخخخخخخ

السلام عليكم ورحمة الله
صبااااااااااااح الخير
شنو حوالكم بنات ليوم
اني عندي 20 دقيقة ملي نضت قلت نعمل طلة

صباح الخير البنات
راني دخلة و خرجة توى نرجع مرة اخرى ان شاء الله

يسورتي الكربوناتو تنجم تستغنى علية اما اليويو يجي هشوش بيه
أكيد تلقاه في المانيا اسمه بالالماني sodabicarbonat
et en français bicarbonate de soude

salut:26: