للرفع

صحة شريبتكم يا بنات شنوا احوالكم

بنت خدوجة صحة صحة ختم القرآن انا على قريب ان شاء الله

يسورتي ربي يوصلو بالسالم عبد الله اكيد فراقو صعيب اما شهر يتعدى فيسع
ربي يخلص وحلك بركة الشهر الكريم و العشر الاواخر من رمضان وتقوم لولادك عافية

حتى انا بعد ما خرجت بنتي لهيت روحي بالقضية و الكوجينة لكن في الليل كيف دخلت للبيتها قلبي عصر علي و شديت مخدتها نبوس فيها و نبكي اما التلفون كل يوم

اليوم مشيت نشري في حوايج العيد لشيماء حرت فيها عمرها 8 سنين اما هي دبدوبة ما نلقاش بسهولة قياسها

اليوم شقان الفطر شربة و فلفل محشي و قلاية و سلاطة

تويني بنت تونس توحشتها

السلام عليكم
صحة شريبتكم يا بنات
الحمد لله عبد الله وصل لاباس شاخو بيه غادي اول مرة يشوفوه عاد قالولي يغزر من وجه لوجه ويضحك اما الدار فرغت بلاش بيه كيما قلت انت ام شيما مالصباح نلهي في روحي اما توا مخيبو فرشو فارغ
ربي يجمعنا بيهم في اقرب وقت
حتى حمزة يدور يدور و يقلي ( ابلا بح ) يعيطلو ابلا هو
يعيشك علي الدعاء
انا اليوم طيبت الكونجي متاعي وفا عاد
عملت بريك و سلاطت بلانكيت و برغل و شربه
امي خديجة ما شاء الله عليك ان شاء الله تكمل الختمة الثانية و العقبة ليلي انا زادة
ايا نخليكم انا توا نمشي نغسل الماعون و نرقد حمزة

السلام عليكم ورحمة الله
صبااااااااااح الخير
يعطيك الصحة ام شيماء
ذكرتيني بعمتي يام شيماء كيف قلتي التليفونات كل يوم كيف تروح للبلاد قبل اولادها تبدا التليفونات كل يوم واكثر من مرة ............ربي يخليهملك ياام شيماء
ام شيماء ولقيتي لشيماء حوايج في الاخر ولا لا ...ام شيماء تعرفي كيف سميتي اسمك ام شيماء نحسابا هي الكبيرة علاش سميتي باسمها موش اسم الكبيرة
امبارح كان شقان فطرنا شربة وطاجين وكسكسي
يسورة هي الحمد لله علي وصول عبد الله لباس ..اما ضحكتني ..ابلا بح.. ههههه...ربي يخليهملك يايسورة ....ماتنسوش تدعولي في هذي الايام يابنات
ان شاء الله يايسورة نكمل الختمة الثانية
نخليكم تو نمشي نبدا نقرا القران قبل الفجر
بسلامة

السلام عليكم
صباح الخير يا لبنات اشنوة احوالكم اليوم
اليوم نحبكم تعطيوني رايكم في هذه النافورة ............رجعنا لمشكلت الكادوات ..........ما تفدوش مني عاد الوقت زاربني ومزلت ما شريتش كادو لسلفتي و حماتي
المهم هذه خممت فيها لسلفتي انا مالاول حبيت نشريلها electromenager اما قالو عندهم تبارك الله كل شي و موش مستحقينهم هي مزالت كيف عرست في جويلية و دارها جديده
هذه هي النافورة هي 21*21*21صم ظاهرتلي صغيره الكورة الي مالفوق تدور و الالوان تتبدل
زعمة يكون كادو باهي ولا عندهم منو بارشه في تونس اعطيوني رايكم

نستنا فيكم تعطوني رايكم