امي خديجة :

up

up

um chaima :

السلام عليكم و رحمة الله و بركاته هيا بنت خدوجة هاني باش نحكيلك غريبتي قول اللطف كان يا ما كان في قديم الزمان عندي جيراني جرابة الباب في الباب ناس ملاح الله يكثر منهم الناس و جارة اخرى من ضواحي تونس العاصمة تسكن بعيدة شوية علينا بنتها خطبها ولد الجرابة و تمت الخطبة و الشاب ما عندوش اوراق ليلا جارتي ام الطفلة ترمات علي تحاول في ماني اختك باش نعاونها على تحظير كتبان الصداق و قمت معاها بالواجب بقلب ورب و كينها اختي مش جارتي قلت احنا في الغربة يلزمنا نعاونوا بعضنا و كنت معاها من الاول حتى للآخر من حلان الحلو و شريان الروبة و الذهب سلمت في داري و انا معاها و اولادي نحطهم في la cantine باش نلقالها الوقت و تم كتبان الصداق ماني قلتلكم الشاب ما عندوش اوراق و جارتي تفرصت فيه و طاحت تتشرط و تزيد رغم بنتها على قدها في الزين و الطفل ازين منها برشة و ولد عايلة و صالح فيه ربي طلبت الشرط و الذهب و الدبش و عرس هنا في فرنسا و عرس في تونس ويأثث دار في تونس و دار في فرنسا و هو باني دار في جربة حاصيلو الطفل تهرى من الشروط متاعها و حاطت في قلبو و ساكت من اجل الاوراق العرس في فرنسا في الشتاء و العرس في تونس في الصيف و انا مروحة للتونس في الصيف جيراني اهل الطفل استدعاوني للعرس في جربة لكن جارتي متاع تونس اللي جريت معاها ما استدعاتنيش حتى بالكذب رغم المرسى اقربلي من جربة و في الصيف جيراني الجرابة كلموني في التلفون و اكدوا علي باش نحظر و انا كنت حبلة ببنتي شيماء كايدتني الثنية بالكرهبة شجعنى راجلى على المشي منها تحواسة و منها نعملوا عليهم طلة حاصيلو و مشى معانا خوي و مرتو و هي زادة حبلة ما صدق من ربي وصلنا hotel نسيت باش نقوللكم في الطريق و بالتحديد في سوسة شريت هدية تتمثل في كواترو قرآن ومن غدوة مشيت لدار العرس قبل العرس بنهار فرحوا بنا و قدمت الهدية و سهرنا عندهم شوية و في ليلتها العروسة و فاميلتها باش يوصلوا اما انا ما حضرتش نهار العرس قعدنا نحوسوا في جربة و قضيت اسبوع و روحت برى يا زمان و ايجا يا زمان (عبد ا لعزيز العروي) :42: رجعنا للفرنسا و شفت جارتي الجربية سالتها على العرايس قاتلي لاباس لكن مرة اخرى حكاتلي بالحقيقة اللي مش لاباس العريس قال ما نحبهاش و ما حاشتيش بيها و كان يوزنوها بالذهب ما نعرف ما عجبتوش و الا خاطر امها فلستو مسكين مشاتلو تحويشة العمر كان ناوي يعمل مشروع في فرنسا و ما تمش العرس يعني ما حبش يمسها و الا يدور بها و بقات صبية خاطر ناوي على الطلاق قامت جارتي ام العروسة قالت مسحورين و آش شكون السحارة هي انا :( :09: قالتهم السحر في الكواترو اللي هزيتو هدية تتصوروا سحر في كواترو قرآن استغفر لله و حسبي الله و نعم الوكيل و مشات هي و راجلها للجربة و حلوا الكواترو و ما لقاوا حتي شي قامت قالت مكتوب بحبر فيه سحر جماعة العروس خافوا قالوا نحرقوه قامت هي كلمتهم في التلفون و قلتلهم المدب قاللها لوحوه في البحر باش يمشي السحر خاطر السحر موجود في الكتيبة و الا الحبر و مشات العروسة مع لوزتها على كرهبة للبقعة خالية من الناس باش مايشوفهم حد باش يلوحوا الكواترو لكن شافوا راجل يعس عليهم بطلوا و مشاوا على الكرهبة لبقعة اخرى بعيدة على المكان الاول و لوحوه و اذا بيهم بنفس الراجل يخرجلهم ويترمى في البحر و جبد الكواترو (نحس في لحمي شوك) و هما من الخوف هزوا الكرهبة و روحوا يحكيوا في الغريبة هذا الكل حكاتهولي جارتي الجربية هي تحكي و انا نبكي و هي تبكي و تصدمت من الحكاية كنت السحر ما نمش بيه و نسمع بيه سموع ياخي تهموني بيه لكن يوم اللي تلاقينا انا وياها اعطيتها كلمتين ومن وقتها ما عاودتش كلمتها قلتلها انا ما نيش سحارة و انت تعرف هذا حتى لو كنت سحارة tu vaus pas le coup لكن هزيت عيني للسماء و دعيت من جوارح قلبي دعوة مضلوم و ربي استجاب بنتها طلقت و حبلت مع واحد مغربي من غير عرس راجلها يدو اللي كسر بيها الكواترو سقطت وما عاتش يحركها و هي في حالة يرثى لها و رحلت و الطفل عرس ببنت عمو ماني قلتلكم غريبة ما تملوش من القراية انا عييت من الكتابة

السلام عليكم و رحمة الله و بركاته هيا بنت خدوجة هاني باش نحكيلك غريبتي قول اللطف كان يا ما...