kenza1 :

سلام فيسع فيسع راني نزرب um chaima et tunisienne ....... يعيشكم على الدعاء ليا ........... وربي ان شاء الله يسترني وينصرني ........... انا كنت خايفة ............ اما قلت كي نموت وانا هكا ؟ ........... العمر واحد والرب واحد .......... وهاني في جملة المتحجبات .......... كان منعنا مع بعضنا ............ وكان تشدينا زادا مع بعضنا yassorti صحة ليك ومبروك بالمسبق .......... وادعيلنا ربي يكتبلنا حجة عاجلا غير اجلا tunisienne صحة ليك حجيت ....... ان شاء الله في عودة um chaima ربي يسهللك ولامة سيدنا محمد الكل ......... حتى اللي مشا ان شاء الله يعاود ......... وان شاء الله العام الجاي تحج انت وامي وبابا .......... حتى كان ما طلعوش في القرعة ناويين يمشيو على حسابهم الخاص ........ ربي يطول في عمرهم حتى يحجو ماماتي وينك ؟ زعمة قاعدة تصنف وتصور وباش تعمللنا surprise ......... ان شاء الله المانع خير ........ ما عوايدكش بنت تونس ............ انت عاد عملت العار ونقبت الطار ............ شنوة توة كان ما تجيش ........... باش نجيك ونجبدك من .......... والا زعمة نزيدو نصبرو عليك شوية ؟ اش قولكم البنات ؟

سلام فيسع فيسع راني نزرب um chaima et tunisienne ....... يعيشكم على الدعاء ليا ..............

kenza1 :

حويتة : صحة لمرت خوك وان شاء الله ربي يهدينا الكل .......... مرت خوك ارتيست ........... وحتى انا ما عندك ما تقول فيا ( اما كان كي عندي مناسبة والا كي نخرج .......... موش ارتيست برك .......... من غير فخرة يبداو الناس الكل يستناو فيا كي ندخل باش يقللبوني من شعري لصبع ساقي الصغير) ........ اما شنية الفايدة ........ بزايد ذنوب والواحد موش ناقص فتنة .......... عرس اختي في الصيف والشيطان يوسوسلي الله يلعنو ويخزيه ويقللي : اش باش تلبس ؟ وشعرك ؟ والماكياج ؟ وخاصة ........ الشطيح (ميسالش عرس اختي نشطح اما البراني لا وان شاء الله ربي يسامحني) ........ اللي يرجعني اكثر لصوابي .......... اللي اختي العروسة متحجبة ......... صار هيا مازالت صبية ما خممتش كيفي وانا اللي عرست وتصدرت وعملت اللي في بالي ........ يحبني الشيطان نزيد نعدي عرسها .......... الحاصيلو حكاية ......... تي حتى الحوايج ما عندي شيء صدقني ....... عندي حاجات متاع متحجبات قعدولي من سفراتي القدم خبيتهم وان شاء الله مسافرة نهار الجمعة تو نزيد حاجات اخرين وفيه البركة ويا من حيا كل مرة نخطف حاجة ......... ماني اختكم ادعيولي بالثبات على المبدا ........ العيد الكبير جاء ......... ومن بعد عالحجاب بالنسبة للدجاجة كان جاء راجلي راهو طول قللك مقرونة بالصالصة ........ يموت عليها بالدجاج العربي. انا عندي وصفة جربية : زيت + بصل + ثوم + طماطم معجونة + هريسة عربي + نعناع شايح + ملح + فلفل اكحل + معدنوس مقصوص ني ( كيما الروز الجربي ) .......... وتزيد عليهم طريفات الدجاج مقصوصين وتخللطهم الكل معا بعضهم وتحطهم في الكسكاس (كان عندك كسكاس فخار احسن) ........ بالطبيعة في المقفول باش تبدا الصوص تقطر مالكسكاس تزيد juste شوية افاح للمقفول هذاكا وتحط فيه الحمص وكان تحب خضرة متاع كسكسي ......... خاطر انا بعد ما يطيب الدجاج نهبطو ونركب الكسكسي ونكمل نفورو على مقفولو ......... وبعد نسقي الكسكسي ونزينو: فرشة معدنوس (ماهو طايب ومفوح) وفوقو الدجاج متاعك (انا نعملو اكثربالحوت او اللحم) .............. بنين برشة وبال vapeur il garde toute sa saveur ....... ان شاء الله فهمتني ......... وكان طيبتو صحة وبالشفاء و قللي رايك ................ اما راهو يشد اليد وماهوش متاع ليل ......... وانت دليلك ملك

حويتة : صحة لمرت خوك وان شاء الله ربي يهدينا الكل .......... مرت خوك ارتيست ........... وحتى انا...

kenza1 :

صباح الخير الوصفة اللي تعملها بلسانات العلوش .......... قداش يلزمها من لسان يعيشك ؟ اي علاش لا ............ نجي نشرب قهوة اما تعرف ؟ ............. تتكلف اغلى قهوة في التاريخ ............. لازمها فيزا و billet d'avion وتبديل فلوس و ......... زعمة قداش باش تتكلفلي ها القهوة ؟ .............. موش كان نصوم خير ؟ ............. على كل يكثر خيرك على الاستدعاء

صباح الخير الوصفة اللي تعملها بلسانات العلوش .......... قداش يلزمها من لسان يعيشك ؟ اي علاش...