الفاصل طويل يا رندود كفايه اعلانات

على سيرة الشعر
خدو دى:
مش عارفه ليه دايماً باحب فكرة الفرجه على خلق الله !!
في أي مكان و في أي وقت و في أي لحظه من الحياه..
باحس الوشوش قدامي زي كتاب مفتوح.. دخولي فيه مسموح..
وشوش مليانه كلام كبير.. ساعات يفرح و ساعات يجرح..

ساعات عيون تنطق وجع ماستحملوش..
واحس قلبي بينخلع..
نفسه يهرب من بين ضلوعي و يجري عليها يضمها..
يطبطب عليها يقولها..
مش وحدك انتي اللي الزمان بكاكي..
مش وحدك انتي.. انا كمان بابكي معاكي..!

و ساعات عيون من كتر فرحتها تكون..
زي كهارب الافراح تضوي من غير حساب..
نفسها كل البشر تفرح معاها..
نفسها كل البشر تكون أحباب..
واحس قلبي بيتعدي..
يرقص يزغرط.. يبتدي..
يفط وينط يفتح شبابيكه و بيبانه..
كأن الفرح فرحه.. مش فرح جيرانه!!

و ساعات عيون ماليها شرار..
الغل فيهم قايد نار..
وكره الناس مخليهم..
بيتمنوا اللي ياذيهم..
وتفرحهم دموع الغير..
وتبكيهم بشاير الخير..
وكانهم شياطين..
مش مخلوقين من طين..
وأحس قلبي منهم مقبوض..
بس برضه صعبانين عليّه..
وكأنهم مرضى بس الدوا مش في ايديّه..!!

وساعات عيون زي الأزاز..
وراها ناس ماهياش ناس..
لا فرح فيها و لا حزن فيها..
ولا حتى في احساس..
ودي العيون اللي باجري منها بالمشوار..
باحس بقلبي فيها احتار..
مايبقاش فاهم ولا عارف يقولها ايه..
واخاف لو حن هو عليها تقسى هي عليه..!!

طبعا منقول

صباح الخير




مساء الخير







تصبحو على خير .... :)

شطوره
حتفضلي منفضالي كده كتير....عموما سيبك حبيبك على هواه بكره ديله يجي على قفاه.....وعجبي

عليكي امثال عجب يا ام اكرم