اسيرة العشق :

لو هتعمليه بالفراخ او اللحم او السمك الطريقه واحده في الكل بصي ياستي انا بعمله دايما بالفراخ سواء هتعمليه بافخاذ الدجاج الرفيعه(الدبابيس) وانا كمان جربته بالصدور المخليه قطعتها مكعبات كبيره المهم المقادير لشخصين 2كوب رز بسمتي بهارات برياني صحيحه 4ملاعق زيت للرز 6 دبابيس فراخ(او زي ماتحبي) بهارات برياني ناعمه 1 كوب زبادي 2 ملعقه كبيره كسبره خضره مفرومه 1 طماطم مقطعه حلقات حوالي ربع كوب زيت ذرة للبصل والفراخ تسويه الرز هتجيبي البهارات الصحيحه للبرياني تحطيها في 3كوب ماء(اللي هتسوي الرز فيه بعد كده يعني لكل كوب رز 1ونص كوب ماء) وتسيبي البهارات تغلي عالنار لمده 5 دقائق بعدها تصفيها وتاخدي الميه في حله لما تغلي تحطي 1ملعقه طعام ملح وتحكي 4 ملاعق زيت وتضيفي الرز وتسبيه يستوي وتجهزي التالي: هتجيبي بصله كبيره تقطعيها هلالات او حلقات وتحطيها في حله فيها زيت ذره حوالي 6 ملاعق زيت وبع مالبصل يكون لونه دهبي تشيليه من الزيت وتحطيه علي جنب تجيبي بهارات البرياني الناعمه وتحطي عليها ملح حوالي ملعقه كبيره وتتبلي الفراخ بها وتحطيها في نفس زيت البصل ولو كان الزيت قليل زوديه شوي بعد ماتحمر الفراخ من جميع الجوانب تحطي معاها البصل المتحمر وتقلبيهم مع بعض عالنار كويس وتكوني محضره الشربه سواء لحم او فراخ وتزودي الفراخ بنص كوب من الشوربه وتتركيها تستوي مش هتاخد وقت حوالي 10 دقايق بعدين تجيبي اطماطم شرائح وترصيها علي الفراخ بحيث تغطيها بعدين تجيبي علبه ازبادي وتغطي بيها الطماطم وبعدين ترشي الكسبره الخضراء المفرومه علي الزبادي تغطيه بعدين تجيبي الرز اللي انتي سوتيه وتفرديه علي كل السابق بحيث تملي بيه الحله وتجيبي معلقه زبده وتحطيها عالوش وبعدين تغطي الحله بورق فويل وتدخليها الفرن لمد 20 دقيقه علي 250 درجه تقريبا وبعدها تتطلعيه من الفرن وتسيبيه حوالي 5دقايق عشان البخار يخلي الرز يمسك في بعضه لما تقلبيه في طبق التقديم هتجيبي سرفيس او طبق تقديم وتقلبي عليه الحله بالبرياني وبالهنا والشفا اضافات ممكن بعد ماتحطي الزبده تدوبي سنة زعفران في معلقتين لبن وترشيه علي الرز عشان يديله لون ونكهه او ممكن تحطي كمان لوز بتحمريه وتزيني بيه وش البرياني بعد ماتقلبيه وبالهنا والشفا معلش طولت بس ده بالتفصيل الممل

لو هتعمليه بالفراخ او اللحم او السمك الطريقه واحده في الكل بصي ياستي انا بعمله دايما بالفراخ...