بنات انا اسمي مي ومتغربة زيكم قاعدة في الدوحة وعندي احساس غريب كدة مضايقنى انا عارفة انه غلط بس مش بايدي هاقوللكم الموضوع

انا اول ما جيت كنت متجوزة جديد وجيت زهقت اوى من القعدة لوحدى في البيت وجوزى شغله شفتات يعني ما ينفعش اخرج غير معاه وحتى لو عايزة اروح لحد لازم معاه لانى معرفش حد اساسا

المهم اشتغلت وكنت مبسوطة اوى وشغلى كان حلو ودوامه كويس وعجبنى وكل الشركة كانت معجبة بشغلى وبعدين جه الحمل والولادة قدمت استقالتى بارادتى عشان ابقى مع ابنى في البيت لانى مش هامن عليه في حضانة ولا شغالة ومش هاقبل اصلا اوديه حاجة كدة وهو بيبي صغير كدة وجوزى كويس جدا معايا وكريم جدا واخلاق

المهم دلوقتى انى بيجيلى احساس انى ماليش قيمة وكل شغلتى انى اطبخ وانضف وبحس بحاجة تانية مش عارفة اذا كنتم بتحسوا بيها زيي بتضايق لانى مش مستقلة ماديا مع ان جوزى زي ما قلت كريم ولو طلبت منه مش هيرفض بالعكس هيدينى كل اللى انا عايزاه بس انا مش عايزة اطلب بحس باهانة انى اطلب حاجة بتكسف جدا اذا كنت عايزة اشتر لبس او ميك اب مثلا وهو معايا مع انى عارفة انه من حقي عادي يعني مفتقدة الاحساس المعنوى انى ابقى مستقلة ماديا فاهمنى ......... يمكن الغربة اللى بتحطنى في حالة الاكتئاب دي مش عارفة حد بيحس زيي

رانده
خير ان شاء الله ....ربنا يعترك في شقه كويسه ورخيصه وبنت ناس
رواء
انا بعت لك على الخاص الايميل والباس ورد على الله تتحل معاكي احسن شطوره حاولت وبعد 10 دقايق لقيت 8 رسايل...بس اوعي تتفجعي من اللي حتقريه.....شطوره كانت معايا على الماسنجر وهي بتحاول توقف الرسايل اول ماقريت بقت تقول يانهار اسود.....يارب تظبط معاكي وتبطل الرسايل دي تجي

مي
اوعي تسيبي نفسك للاحساس ده....احسن اخرته مش كويسه.....انا برضه كده ساعات اسرح واقول انا بقيت زي الخدامه اللي بدون اجر....ونسيت كل اللي درسته ولو اتكلمت مع حد انجلش اتهته زي اللي عمري مادرسته....وكل ثقافتي الحاليه هي السطه والتقليه (انا اساسا كنت بشتغل في مصر)وانا بشتغل
كان مرتبي رايح في البيت.....المسأله مش استقلال مادي اكتر ماهي احساس بان الواحده فينا لها كيان
وبتحقق ذاتها من خلال شغلها وخصوصا لو كانت ناجحه ومحبوبه في شغلها....بصي اضحكي على نفسك زي ماانا بعمل وقولي ان تربية الولاد رساله عظيمه ....وان القعده في البيت مش سيئه

شوفي يا جميل هي شطورة عملت صح هما بس بعتوا ميل تاني يطلبوا تاكيد اللي هي عملته و انا بعتهولهم خلاص
و في نفس الوقت انا حطيتلك الميل بتاعهم في البلوك يعني ان شاء الله مش هتستقبلي منهم تاني خالص و ابقي قوليلي حصل ايه
انت عندك الماسينجر على الياهو و لا على الهوتميل؟

ام اكرم

انا عارفة ان تربية الولاد رسالة عظيمة وانا قعدت في البيت بارادتي عشان ابنى لكن انا بيصعب على نفسي احيانا وبتضايق بسرعة وبحس انى عايزة فعلا يبقى لى كيان واطور من نفسي وقدراتى اكتر يعني مش قصدي بس عشان الفلوس بقيت احس انى مش عارفة ايه اللى بيحصل حوالى لا بتابع اخبار ولا جرايد ولا اعرف ايه اللى بيحصل في مصر ولا هنا الايام بقت كلها زي بعض

واحيانا بقول زيك ان القعدة في البيت حلوة برضه