كلبيزو :

ورود حبيبى انا متزعلش انا حقولك انا بجيب كميه الحمص الى حعملها وبروح نقعاهم فى مياة سخنه قبلها بكم ساعه بس من بليل احسن وتروحى تانى يوم مسخنه مياة وبعدين نحط الحمص يغلى اول غلوة ونرمى المياة وبعدين نحط مياة جديده ولما تبدا تغلى نحط الكمون والفلفل الاخضر مقطع ولو عندك القطع الحمراء الى جاهزه الى هى فلفل ناشف اكيد انت عارفاه ونحط ملح وشويه خل وليمون معصور وتسيبيه على النار فترة طويله لحد مايستوى وتفضلى تزودى المياة وبعد كده يخلص تحطى عليه الشطه واللمون تانى وملح اذا محتاج وشويه كمون كمان اذا احتاج وبالف هنا وشفاء

ورود حبيبى انا متزعلش انا حقولك انا بجيب كميه الحمص الى حعملها وبروح نقعاهم فى مياة سخنه قبلها...

ROSHANA :

السلام عليكم الوردة الحالمة طريقتى فى المكرونة بالبشاميل وبتعجب كل اللى بيدوقها الحمد لله فى الخلاط اضع كوب لبن وكوب شوربة فراخ(يمكن استبدالها ب كوب مائ +ماجى ) وملح وفلفل وقطعة زبدة و4 ملاعق كبار دقيق وشوية جبن(موتزاريلا ورومى وشيدر بواقى جبن) اضربه كويس فى الخلاط وبعدين على النار واقلب متواصل كويس بمضرب سلك لحد ماتغلى وتتخن السمك اللى انا عايزاه المكرونة تتسلق بمية وملح وزيت وتتصفى زى ما اختنا الحلوة قالتلك مش تستوى اوى الخلطة بقى الفرخة اللى سلقتيها واخدتى منها الشوربة باخد الصدر بتاعها افصصة واخد اللحم بس وبعدين اشوح بصلة صغيرة واضع عليها الفراخ المقطعة مع ملح وفلفل وبس واطفى ثم اضيف عليها 2 ملعقة كبيرة مايونيز اجيب صنية تيفل او بايركس احط نص المكرونة واقلبها مع شوية بشاميل ثم اضع الخلكة ثم باقى المرونة ثم البشاميل ملاحظة اخلى 3 ملاعق بشاميل على جنب واضرب معاهم بيضه مع شوية فلفل وافردها على وش الصنية بالراحة عشان دى بتحمر وتعمل وش للصينية جربيها وان شاء الله تعجب الجميع

السلام عليكم الوردة الحالمة طريقتى فى المكرونة بالبشاميل وبتعجب كل اللى بيدوقها الحمد...