la rosa :

صباح الخير يا بنات اولا انا على اتصال بسندريلا وهى كويسه وبتدور على شغل ربنا يكرمها قبل ما الزيارة تخلص قولو امين انا كمان يا شطورة بعانى من الوحده مع انى بشتغل بس للاسف شغلى كله رجالة واناا لبنت الوحيده وغير كده مش متعرفه على اى حد من الجارات لان اغلبهم هنود وحتى العرب اللى فى العمارة مبشوفهمش اصلا يعنى نفسى حتى اصطاد ولو واحده فى الاسانسير واتعرف عليها شوفتو حالتى وصلت لايه بالنسبة لوقتى انا بقضيه كالتالى: بصحى 6 ونص وننزل الشغل 7 ونص عشان اكون فى الدوام 8 عندى من 1 ل3 ونص بريكعلى ما بروح بتبقى 1 ونص بعمل الاكل فيهم وانضف واغسل وكل شغل البيت بيكون بلف حوالين نفسى زى المجنونة لغاية 3 وربع انزل تانى لغاية 8 يكون جوزى يا حرام مروح بدرى اما بيلف فى الشوارع او بيقعد على قهوة او بيستنانى فى العربية نص ساعه او ساعه على حسب واوقات لما بطلع بلاقيه يا حرام نايم فى العربية بروح اعمل الرز والسلطة ونحط الاكل نخلص غدا على 9 او 9 ونص على حسب طبعا لا انا ولا هو بنبقى شايفين قدامنا بنتقلب قدام التليفزيون وعلى 11 ونص بنقوم ننام بزمتكو دى حياه والله يا ببنات الواحد حاسس ان صحته بتضيع يعنى انى اقعد مثلا افتح التليفزيون واشرب كوباية شاى بمزاج بقى حلم بالنسبة لى وعشان كده انا بدور على شغل تانى بس لسه مش لاقيه حاجة مناسبة دعواتكم بالنسبة بقى لموضوع الشعر لان مفيش وقت انى اهتم شعرى ولا انى اروح كوافيرات وغير كده غاليين قوى وفرح اخو جوزى على اخر السنة وتبقى بتبقى افراحهم منفصله يعنى هبين شعرى لا محالة وكله عايز يتفرج المصرية دى حلوة ولا طلعت اى كلام وكده فانا بعمل ايه عندى عصارة جزر بشرب يوميا تقريبا كوباية عصير جزر ( على قد ما اقدر بحاول اواظب) وجبت من المنتدي بتاع الشعر طبعا بعد ما قريت العجب المهم وصلت انى لو عملت حمام زيت لشعرى بزبت جوز الهند وزيت سمسم بيطولو الشعر ويفردوه مع الوقت فجبت زيت جوز الهند براشوت وزيت سمسم بتوع الاكل عشان اضمن انهم نقيين مش عليهم اى اضافات ولا معطرات وبدات استعملهم فترة العصر احط على شعرى واشتغل شغل البيت واخد دش قبل ما انزل تانى بقالى اسبوعين على كده وحسيت انى فعلا شعرى مبقاش يهيش زى الاول لما بينشف فناوية استمر على كده مين فيكو تشجعنى وتعمل النظام ده معايا؟ طولت عليكو انا عارفة بس الواحد ما بيصدق يلاقى حد يتكلم معاه

صباح الخير يا بنات اولا انا على اتصال بسندريلا وهى كويسه وبتدور على شغل ربنا يكرمها قبل ما...