اشطر واحدة :

اسيبكم مع رجل وجد السعادة الزوجية :) لقد اكتشفت أنا و زوجتى سر السعادة الزوجية الدائمة احنا بنروح نتعشى فى مطعم فاخر يومين كل اسبوع هى بتروح التلات و أنا بروح الجمعة ! و علشان نجدد الأشواق كل واحد بينام فى سرير أنا سريرى فى القاهرة و هى سريرها فى الإسكندرية ! أنا دايما باخد مراتى أفسحها فى حتت بعيدة بس برضه بتعرف ترجع البيت ! سألت مراتى تحبى تروحى فين فى عيد جوازنا قالتلى نفسى تاخدنى حته مارحتهاش من زماااان.. أخدتها المطبخ دايما نخرج إيدينا فى إيدين بعض . لو ايدها فلتت من إيدى حاتدخل أول محل تفرتك مرتبى كله ! كل يوم أشتريلها حاجة جديدة , عندنا مكنسة كهربائية , و خلاط كهربائى , و توستر كهربائى , و سشوار كهربائى ,.... و باعدين جايه تقوللى : البيت اتملى أجهزة و مش لاقية حته أقعد فيها ! فإشتريتلها كرسى كهربائى ! داخلة تشتكى ان العربية مش راضية تدور علشان الكربراتير مليان ميه , لما سألتها و هى العربية فين دلوقت ؟ قالتلى : فى وسط النافورة بتاعة ميدان العباسية !! مراتى بتعمل رجيم هايل , بتاكل موز و جوز هند بس هى صحيح ما خستش ولا كيلو , بس بقت نشيطة و بتتشعبط على أى شجرة تشوفها !

اسيبكم مع رجل وجد السعادة الزوجية :) لقد اكتشفت أنا و زوجتى سر السعادة الزوجية الدائمة احنا...

سهلولة1 :

كانا أهلا بك في الملف ونصيحتي للصاحبتك إنها مادام سنها وصل لبعد الثلاثين فالافضل والله أعلم تتزوج من هذا الشاب ,,,,,,,, وخصوصا مع موافقة الأهل لهذا الزواج ........ فإن سعدت معه خير وإن لم تسعد معه فلتعلم أن الدنيا دار ابتلاء وإن كل ذلك أسباب فقط فيمكن أن تتزوج المرأة من نفس جنسيتها وتعاني من المشاكل الكثيرة التي تنتهي بإنتهاء الحياة الزوجية فزواجها من شاب من غير جنسيتها ولو مع وجود مشاكل أفضل لها وله من البقاء بدون زواج وما يترتب عليه من مفاسد ..... صحيح التكافؤ مطلوب ولكن لا يكون حجر عاثر للزواج تستخير وتستشير أهلها ويصير خير ,,,,,,, وربنا يوفقها لما فيه الصواب أم حبيبة وكلبيزو ,,,,اتفضلوا http://akhawat.islamway.com/forum/lofiversion/index.php/t18415.html بالنسبة للنزول مصر بصراحة وعيالي صغيرين كنت ساعات استعبط ونقعد سنتين من غير نزول ,,,,,,, لكن بعد ما كبروا بينتظروا النزول بفارغ الصبر ولما نرجع بيقعدوا على ذكريات الأجازة وأنا فرحانه بذلك الحب لأهلهم سواء أهلي أو أهل زوجي وخصوصا جدتهم علشان يتعلموا البر ولا يكون مجرد كلام تعلموه في المدارس بنوته أنا مش رديت عليكي لإن كلام رندا عجبني ( ما شاء الله عليها عاقلة ) لإنه لو بس فراغة عين تبقى مجرد نزوة ولكن لو غير ذلك يبقى شرع ربنا ومش حنقدر نقول لها حاجة ,,,,, الدور مش عليكي الدور والباقي على أصحابه يذكروه بالعدل بين الزوجات وتطييب الزوجة الأولى بالكلام والهدايا وبقولك حاجة>>>>>>> بس محدش يسمع >>>>>>>>>>>>( يا ختي ارجعي مصر بدل الشهامة اللي رجاتكوا فيها دي يعني بدل ما كان يجوزها علشان أسلمت مكان زوجها لشاب صغير ومعهوش يتزوج ,,,, حاجة تنقط )

كانا أهلا بك في الملف ونصيحتي للصاحبتك إنها مادام سنها وصل لبعد الثلاثين فالافضل والله أعلم...

مدام شيرين_ام ادهم :

لا يمكنك مشاهدة هذا التعليق لانتهاكه شروط الاستخدام.

كهرمانة12 :

السلام عليكم جميعا....انا شفت الموضوع بتاعكم من مدة بس مكنتش بشارك معرفش ليه اعرفكم بنفسي الاول....انا عندي 24 سنة مقيمة في دبي مع زوجي وعندي حبيبة ومش بشتغل طبعا عشان بيبة لسة مكملتش سنة...انا اصلا خريجة السن اسباني اللي نسيته طبعا لاني بقالي 3 سنين مقرتش كلمة منه باختصار بعاني من ملل فظيع كل الي بعمله اني افكر هنتغدي ايه ولو فيه مكواة ولا غسيل ولا حاجة لحبيبة وبقية اليوم قاعدة قدام التليفزيون لما تخنت ومبقتش طايقة نفسي فكرت كتير في حاجة تشغلني ويكون لها دخل مادي ملقتش حاجة تنفع...اللي عايشين في الامارات هيعرفوا قد ايه الحياة هنا ناااااااااااااار كل حاجة غالية غالية غالية وجوزي بيعمل اللي يقدر عليه ربنا يكرمه معلش انا بشركم معايا لاني مش لاقية حد اتكلم معاه...انا قريت ان فيه هنا حد تاني ام حبيبة شوفو بقي هتفرقوا بيننا ازاي انا ام حبيبة بشرطة كلبيزو....هقولك علي طريقة شورية الطماطم بتاعتي تسلقي 2 طمامطم 2 جزر وبعدين تضربيهم في الخلاط وبعدين تحمري 2 م متوسطة دقيق في سمنة ثم تضيفي خليط الطماطم والجزر وتزودي شوربة شوية شوية لحد السمك اللي انتي عاوزاه بتكون تخينة شوية وتحدقيها طبعا ملح وفلفل.وبالهنا والشفا بتبقي جميلة علي فكرة اوي من الحاجات كمان اللي مش منتشرة في مصر بس انا اتعلمتها اما جيت هنا اللزانيا بجد روعة جوزي ادمنها بقي بيطلبها مني كل اسبوع لو حد يحب يعرف طريقتها يقولي معلش ازا كنت طولت عليكوا واحب اتعرف بيكوا جميعا ونكون اخوات في الله

السلام عليكم جميعا....انا شفت الموضوع بتاعكم من مدة بس مكنتش بشارك معرفش ليه اعرفكم بنفسي...