ملحق بموضوع (تعطير الحمام) لزميلتنا

السلام عليكم ورحمة الله
عن جد ماني عارفة شو احكي عنكم .... والله انكم جدا رهيبات يا زميلاتي في المنتدى .. ماا خليتو شي الا واعطيتوا حتى اللي ما بيخطر على بال حدا انو يكون فعلا موضوع جدي وحيوي وبيفيد كل الناس العايشين بالبيت والزوار كمان.. انا بصراحة بستعمل اكتر من طريقة لتعطير بيتي وحمامي ... اشياء تجارية وممكن تكون معروفة للكل .. بس طريقتكم شدتني كتيييييييير وامس فقط قرات الموضوع وعجبني كتير ونسخت افكاره (اسمحولي) ورحت على البيت بعد الدوام وبراسي الفكرة اني انفذها اول ما اوصل ....
بس بصراحة ما عرفت شو اعمل ... عندي 3 حمامات بالبيت واحد منهم في الماستر رووم (غرفةالنوم الرئيسية الخاصة بي وبزوجي) ووقفت عندد السيفون وضحكت لاني تذكرتكم واحدة واحدة وردودكم وافكاركم ...
المهم مسكت زجاجة العطر واحترت شو اعمل فيها احطها متل ما هي في السيفون والا اكسرها وبهيك رح ينكب كل اللي فيها على الارض علشان اوصل للعطر ... لانو متل ما بتعرفوا كل العطور بتييجي سبراي يعني غطاها بخاخ ما بينفتح ... طيب شو الحل .... زههقققققققققققققققققققققت وتركت العطر
اخدت سائل تغسيل الايدي وفتحت السيفون وحطيت منه شوي بالسيفون ..... اعطى نتيجة حلو مش بطالة بس لازم اصلا يكون له ريحة قوية حتى يعطي نتيجة حلوة بالحمام
وفي الحمام الثاني مسكت بقايا الصابون كله اللي بالحمامات التانية وحطيته بالسيفون ... يعني نص ونص لانو ما كان بينزل رغوة مع الماء بس الماء كان بينزل بصراحة معكر ما الو ريحة (مع انو ماء السيفون عندي دايما صافي)
وبالحمام التالت (الخاص بي) ..... هون المشكلة لانو صعب اجرب شي ويطلع ..... خفت من زوجي وتعليقه .. يعني هون لازم اكون ضامنة المشروع 100 % .... لانو مافي مزح بهيك شي ... هادا سيفون واذا رميتي في شي .. وحبيتي تغيري او تلغي كيف تحطي ايدك حشاكم .... بصراحة استصعبت الموضوع شوي .. شو اعملللللللل؟؟؟؟؟
؟.............. رجعت لطريقتي الخاصة ..... انا عندي كمية من العطور التقليدية الجيدة ما يقارب ال 7 زجاجات ورائحتها تقليد للماركات الكبيرة ... وسعرها لا يتعدى النصف دينار كويتي وممكن يكون دينار .... وبصراحة بعد كل هالجهد ... لقيت حالي بمسك بواحدة وبرش على ستارة الحمام وعلى بشكير الحمام الخاص بزوجي وعلى بعض الورود المجففة الموضوعة على ستاند المرآه وشوي على روب زوجي وروبي الخاص بالاستحمام والمعلق دائما بالحمام............ز وبصرراحة هذه الطريقة سهلة وسريعة وتبقى كل شي معطر بالحمام وحتى خارج الحمام .... جربوها معي ولن تندموا .... وقولو لي رايكم ...............
تحياتي