ملح الحليب ,, بالصور

السلام عليكم

اول شي يارب مايكون موضوعي مكرر لاني سويت بحث ومالقيته

من زمان قالتلي وحده عن شي اسمه " ملح الحليب " ان فيه وحده تجيبه من تايلند وتبيعه بدينارين ونص وتقول انه يبيض الركب والاكواع وانه مجرب ,, عاد انا انهبلت واستانست :23: خصوصا ان ركبي سمر ,, قلت جاني الفرج ,, لكن للاسف ماتعرف عنوانها :11:

المهم مرت الايام والشهور <--- لاتندمجون ترا مو قصة الف ليله وليله :o

وفجاة ,, رحت حواج بالصدفه والا اشوف كيس مكتوب عليه ملح الحليب وماصدقت ,, طبعا ثقلت ماسويت نفسي مشفوحه عشان مايستغلني بالسعر وعشان الحريم ماينتبهون وياخذونه ويخلصونه قلت ابيض ركبي اول بعدين اعلم <---- نحيسه هههههههه

المهم شريته ومااستخدمته الا مره لايديني بعدين الخدامه المصون حطته بمكان وانترس بالماي واخترب

وعلى فكره انا شريته بدينار وربع وفيه يبيعونه بدينار ونص وفيه ب 2 الا ربع يعني لايقصون عليكم

المهم بعد فترة رحت اشتريه والا الاقيه ب 750 وانصدمت لانه رخيص قلت اكيد اللي قبل قص علي ,, بس اكتشفت ان بينهم فرق وقلت اكيد الرخيص مو اصلي

طبعا الزبده والخلاصه ,, سؤالي :

منو جربت ملح الحليب للتبييض والتنعيم ؟؟

انا حاليا بجربه ورا الخلطه اللي بستخدمها بدال سنفرة الملح والليمون لانه ينعم ويبيض ,, لكن الليمون ينشف
طبعا للحين مااستخدمته لاني ناويه ارجعه واجيب التايلندي وتدرون الجو برد هالايام حتى الخلطه وقفتها

وعلى فكره هم متشابهين من قدام اللهم الا في نوع الخط والرخيص مكتوب عليه japan
بس كلهم مكتوب عليهم made in thailand ويارب مااكون ظالمة الرخيص

وانا افضل اللي مكتوب عليه بالتايلندي

اسم ملح الحليب بالعنجريزي
Spa Milk Salt
وبالعربي
ملح الحليب يوكو سبا

مكتوب عليه بالانجليزي من قدام ,, طبعا بعد الترجمه

- تبييض
-نعومه وبشرة طفل
- معزز بفيتامين E

ومكتوب من ورا بالعربي

سبا ميلك صولت لتفتيح البشره غني بفيتامين هـ والحليب الصافي والملح الطبيعي . يعمل الحليب الصافي والالانتوين على ترطيب وتفتيح البشره . يزيل الوساخ وخلايا الجلد الميتة من الجسم ويمنحك بشرة اكثر تألقا ونضارة.

طريقة الاستخدام: ضعي سبا ميلك صولت على يدك. افركيه بلطف وبشكل دائري على البشرة الرطبة. اتركيه على بشرتك لمدة 3 دقائق ومن ثم اشطفيه بالماء النظيف. ستشعرين بعد استخدامه بنعومة ورقة بشرتك.

اسمحولي على التصوير لانه من نقال مع ان نوعيته غاليه





وهذي صورة اللي بدينار وربع من قدام واظن انه الاصلي لان فيه كلام مكتوب بالخلف بالتايلندي ومعروف ان ملح الحليب تايلندي ,, وانا اخفيت رسمات الحريم اللي فيه

****************


الصوره تتكلم عن نفسها





هذي صورة اللي ب 750 فلس من قدام

****************


الصورة تتكلم عن نفسها

*****************


هذا من الخلف ,, والكلام اللي فيه كله ازرق ماعدا اسم المنتج
اما اللي بدينار ونص صوّرته من ورا بس الصورة ماطلعت واضحه ,, وبتلاقون فيه كلام تايلندي والعناوين الفرعيه بالاحمر والكلام بالازرق والكلام اللي فيه طباعته اوضح



عندي معلومه احب اضيفها افضل من كتابة موضوع جديد ,, لاحظت في كثير من المواضيع ان الكل محتار في الكركم وانه يصفر وان فيه نوعين للكركم ,, وانا بنفسي كنت اظن ان ماكو الا نوع واحد بناءاً على كلام العطار

لكني رحت مره لعطار ثاني وسالته قالي : الكركم يجي نوعين نوع مطحون ومخلوط مع صبغة صفره ويستخدم للاكل وينباع بالجمعيات او بالعطار

والنوع الثاني مو مطحون وصفرته خفيفه

طبعا النوع الثاني ياانج تاخذينه وتطحنينه او تلاقينه مطحون عند بعض العطارين والكيلو ب دينار ونص ,, وانا جربته لونه مو قوي ومايصفر

اتمنى اني اكون افدتكم ولاتنسوني من صالح دعائكم