السلام عليكم و رحمة الله و بركاته

لكل البنات اللي بيسألوا التلخيص لحد فين

التلخيص اللي انا عملته لم يكن فيه الملف السابع و بقية السادس، يعني ملفات الوورد اللي نزلتها لكم كل الملفات حتى نهاية الخامس مع اجزاء من بداية السادس و معاها ملف رمضان. اختنا مدام وائل تقريبا عملت نفس التلخيص بس مع تبويبه في ابواب لسهولة الوصول للاكلات تحت عناوين رئيسية.

اتمنى اكون افدتكم جميعا و كل عام و انتم بخير

شكرا يا نودى
كده الواحد يعرف راسه من عنيه

شكرااااااااااااااااا

العفو يا هبهوبتي، و أي خدمة يا فندم :)

ملخص الاجزاء السادس و السابع و الثامن كاملين

صينية البطاطس بالفراخ والسماق (دون)
فرخة مسلوقة
كيلو بطاطس
2 ملعقة كبيرة سماق
ملح وفلفل
شوربة الفرخة
معلقة زيت
الطريقة
اسلقى الفرخة واخليها من العظم والجلد وقطعيها قطع متوسطة. ضعى عليها الملح والفلفل والسماق واخلطيهم كويس .قشرى البطاطس وقطعيها حلقات رفيعة .هاتى طبق فرن ورصصى البطاطس فى القعر ثم ضعى فوق البطاطس الفراخ ومعلقة صغيرة زيت ثم ضعى شوربة الفراخ عليهم فى الصينية لحد ما تغطيهم .ضعى الصينية فى فرن متوسط الحرارة لحد ما تتشرب الشوربة .تحمر وش الفراخ وبالهنا والشفا

فراخ محمرة بالمايونيز (دون)
صدور فراخ مخليه
ملح+فلفل
2 ملعقه خل
2 ملعقه مايونيز
ملعقه جبن رومى مبشور
زيت للتحمير
دقيق
الطريقة
تتبل الفراخ بالمقادير السابقه و نضعها فى الدقيق كويس من الناحيتين .نضع زيت غزير على النار ونحمر فية الفراخ ونشيلها على ورق ماص وبالهنا والشفا

بزنجان بالجبنة (دون)
2 باذنجان متوسطة مقطعة شرائح
بصلة متوسطة مقطعة شرائح .
3 طماطم مقطعة - 4 ملاعق زيت .
فلفلة رومى مقطعة
ربع كوب جبنة موزاريلا مبشورة
ملح وفلفل – فصين ثوم مهروسين
الطريقة
حمرى الباذنجان في قليل من الزيت الى ان يصبح لونة فاتح ثم في مقلاية سخنى 2 ملعقة كبيرة زيت وحمرى فيه البصل والفلفل الرومى ثم نضيف الطماطم و الثوم لمدة دقيقتين ثم نضيف الملح و الفلفل .نضع البزنجان في الصينية بعد ماندهنها بالزيت مع خليط البصل ثم نرش الجبنة على الوش و نضعها في الفرن الى ان تذوب الجبنة

القرصة ( من بورسعيد ) (دون)
2ونص كيلو دقيق
1 وربع كيلو سكر سنترفيش
نص كيلو عسل اسود
1/8 كيلو سمنة
1 كيلو زيت
نص كيلو سمسم
نص كيلو جوز هند
1/8 كيلو مغات
1/4 كيلو تحويجة (تطلبيها من العطار)
قليل من جوزة الطيب
الطريقة
ينخل الدقيق ويخلط التحويجة والمغات و السكر و جوزة الطيب ونضع السمسم على وش الدقيق .نقدح الزيت والسمنة مع بعض ونصبهم على الدقيق وبكدة السمسم اللى على وش الدقيق حيحمر .يضاف العسل ونبدء فى العجن والدعك كويس .ندهن صاج بالزيت ونصب فية العجينة ونبططها بالنشابة وهى فى الصاج ونقطعها مربعات و ندخلها الفرن لحد ما تستوى وبالهنا والشفا
ملحوظة للبنات اللى ميعرفوش القرصة دى مشهورة جدا وخصوصا فى بورسعيد وبيبقى لونها اخضر مصفر بالسمسم واللى عاوزة تدوقها الاول حتلاقيها فى مصر عند محل فشور اللى فى جامعة الدول العربية او اللى فى بورسعيد طبعا

مخلل الكرنب بالبنجر ((علشان هبهوبتى )) (مووتي)
المقادير
1 كرنبة 2 ك تقريبا
1/8 ك بنجر
2 حزمة شبت صغير((بتدى للمخلل طعم تحفة ))
نصف كوب خل
فنجان قوة ملح
4 قرون فلفل
الطريقة ::
تقطع اراق الكرنب قطع متوسطة الحجم. يقطع وحدات البنجر الى 4 اجزاء ثم يضاف على الكرنب. يضاف الملح والماء ويقلب الى ان يذوب الملح ويضاف الخل.. ترص قطع الكرنب والبنجر فى برطمان ويسكب قوفة خليط الماء والملح والخل. ويغلق باحكام .
مدة التخليل :48 ساعة.

ستيك بالمستردة (دون)
كيلو لحم شرائح
كوب كرفس مخرط
2 كوب قشدة الخفق
كوب بسلة
نص كوب جزر
ملعقة كبيرة زبدة
ملح و فلفل وبهارات
نصف كوب زيت
ملعقة كبيرة مستردة
نصف كوب جبنة مبشورة
الطريقة
نضع الزيت على النار ونحمر فية اللحمة من الناحيتين حتنزل مايتها وتشربها وتحمر ونشيلها على جنب .نضع الزبدة فى مقلاية على النار ونقلب فيها البسلة والكرفس و الجزر تقليبة ثم نضع الملح والفلفل والبهارات و المستردة ونقلب كله ثم نضع القشدة عليهم ونقلبهم لمدة دقيقتين .ارصص شرائح اللحمة فى صينية او طبق فرن واصب فوقها الخليط وارش الجبنة المبشورة على الوش. ندخل الصينية الفرن لحد ما تسيح الجبنة وبالهنا والشفا

بقلاوة محشية باللوز(دون)
كوب وربع لوز محمر
6 معالق كبير سكر
ربع كوب بقسماط
2 بيضة
علبة جلاش( بقلاوة )
سمنة للدهان
معلقة صغيرة قرفة
عسل(شراب )
الطريقة
افرمى اللوز ثم ضعى علية البقسماط واخلطيهم .اضربى البيض و السكر والقرفة لحد ما يختلطوا ببعض ثم ضعيهم علىخليط اللوز .يقطع الجلاش الى مربعات متوسطة ثم ندهن كل مربع بمسحة سمنة ونضع على طرفها
ملعقة صغيرة من الخليط ثم تلف على شكل أصبع مثل ورق العنب ثم تدهن بالسمنة وترص في صينية بجانب بعض وندخلها فرن متوسط الحرارة لحد ما تحمر وبعد ماتخرج نترك البقلاوة تبرد ثم نضع الاصابع فى الشراب

فراخ بزبدة الفول السودانى (دون)
فرخة حوالى كيلو ونص- بصلتين متوسطين مقطعين شرائح-
4 ملاعق زبدة الفول السوداني -معلقة كبيرة صلصة الصويا
معلقتين زيت - ملح - سكر
الطريقة:
نسلق الفرخة ونقطعها اربع ترباع ونضعها في صينية بايركس مرصصة جنب بعض .نعمل الصوص :نضع معلقتين زيت في المقلاية ونحمر فيةالبصل ثم نضع من على بوز المعلقة زرة سكر وملح .ضعى زبدة الفول السودانى فى كوباية وعليها شوية ماء صغيرين وقلبيها لحد ما الزبدة تفك وتبقى ناعمة ثم نضع عليها صلصة الصويا ونقلب ونضعهم فوق البصل في المقلاية لحد ما الصوص يتخن ثم نضعه على الفراخ ونسوية وندخله في الفرن لمدة نصف ساعة تقريبا لساعة الاربع

صينية بطاطس بالكفتة (دون)
نص كيلو لحمة مفرومة
نص كيلو بطاطس مقطعة حلقات
2بصلة كبيرة مقطعة حلقات
3 طماطمات مقطعة حلقات
صلصة طماطم
مكعب شوربة
ملعقتين سمنة
ملح – فلفل - بهارات
الطريقة
رصصى حلقات البصل فى صينية ثم حلقات الطماطم عليها ثم حلقات البطاطس عليها.نعمل الكفتة .تخلط اللحمة المفرومة مع الملح و الفلفل والبهارات ونعملها على هيئة اقراص مدورة مبططة ثم نرصصها فوق البطاطس نضع السمنة على الكفتة .نذوب صلصة الطماطم في كوب ماء مع مكعب الشوربة ونصبها فى الصينية ونضع الصينية فى الفرن لحد ماتستوى ويحمر وشها وبالهنا والشفا

موز مقلى(دون)
4 موزات كبيرة – 2 بيضة – معلقة كبيرة زبد – 6 معالق سكر بودرة – فانيليا –
دقيق – نص كوب عصير فاكهة طازجة
الطريقة
قشرى الموز وقطعى كل صباع 2 بالطول ثم تغطى كل قطعة بالسكر البودرة .نضرب البيض والفانيليا ثم نضع بة شرائح الموز ثم يغطى بالدقيق. نضع الزبدة على النار ثم نضع الموز ليتحمر لمدة دقائق. بعد ما يحمريرصص فى طبق التقديم ونرش على وشة باقى السكر .نصب على الموز المقلى فى الاخر عصير الفاكهة ونزين الطبق بفاكهة محفوظة

بودنج القرع العسلى )دون)
قرع عسل – سكر – حليب – ماء – زبدة – مكسرات
الطريقة
نقشر القرع العسلى ونقطعه مكعبات ثم يشوح فى قليل من الزبدة .نضع السكر على خليط القرع وكمان قليل من الماء اتركيه حتى ينضج القرع .نضرب خليط القرع فى الخلاط ثم نضعه مرة تانية على النار لمدة 10 دفائق ثم نضع علية الحليب ويخلط جيدا بالمضرب السلك .نصب نصف كمية خليط القرع فى طبق فرن مدهون ثم نضع طبقة من المكسرات المفرية ثم نصب خليط القرع عسلى التانى ثم نضع على السطح قطع صغيرة من الزبدة
ثم نضعه فى فرن حار حتى يحمر الوجة

جاتوة البسكويت (دون)
30بسكوتة او 3 كوب بسكوت مكسر
باكو زبدة الصابع(113ج)
2 بيضة
معلقتين كاكاو
كوب سكر بودرة
مكسرات مفرومة تخين
فانيليا
حتت شيكولاتة مكسرة
نص قالب شيكولاتة خام بيضاء
الطريقة
اضربى الزبدة بالمضرب الكهرباء وبعدين ضعى السكر واضربى ثم اضع البيض واضرب ثم اضع الكاكا ولحد ما المقدار يتخن ثم اضع عليهم البسكوت المكسر والمكسرات المفرومة ونخلط كله مع بعض كويس .اشكلها على هيئة كور واضعها فى الورق البليسية او اشكلها على هيئة اسطوانه وضعيها فى ورقة فويل ولفيها كويس وضعيها فى الثلاجة لحد ما تجمد وبعد ماتخرجيها تكونى سيحتى الشيكولاته البيضاء وتنزليها على الوش على هيئة خطوط عرضية وبين كل خط ترشى رشة مكسرات وتقدم وبالهنا والشفا

مهلبية بالبرتقال (دون)
2كوب عصير برتقال
نص كوب عصير جزر اصفر
2 معلقة كبيرة نشا
3 معالق كبيرة سكر
جوز هند او مكسرات للتزوييق
الطريقة
نسلق الجزر كويس وبعدين نضربه فى الخلاط .ضعى الجزر المضروب على عصير البرتقال والسكر واخلطيهم كويس وضعيهم على النار بس تكون واطية .دوبى النشا فى قليل من الماء ثم ضعيها على خليط البرتقال والجزر مع التقليب المستمر لحد ما يتخن المقدار .نصب المهلبية فى الكاسات ونزوقها بالجوز الهند والمكسرات

الكنافة بالجلاش (دون)
1/2 كيلو كنافة
1/2 كيلو جلاش
سمنة
كريم باتسير(سبق وكتبناة)
شراب
الطريقة
ادهنى صينية بالسمنة .تفكك الكنافة او نقصها بالمقص او نضربها فى الكبة ونفركها كويس بالسمنة الساخنة لحد ما تتشرب .نبطن الصينية كويس قوى بالجلاش بحيث نغطى القاع والجوانب بس تخلى الجوانب زيادة يعنى طالعة لبرة .نضع نص الكنافة على الجلاش ونضغط عليها بايدنا ثم نضع الكريم باتسير ثم نضع نص الكنافة الثانى مع الضغط عليها .نغطى الصينية بالجلاش اللى زايد من الاجناب ثم نضع باقى كمية الجلاش .يرش الوش كله بالسمنة السايحة وندخلها فرن متوسط الحرارة لحد ما يحمر وشها وتستوى .بعد ما تطلع من الفرن تسقى وهى ساخنة بالعسل البارد ونسيبها لحد ماتبرد تماما وبعدين نقلبها ونقطعها وبالهنا والشفا
ملحوظة بالنسبة لصبنية الكنافة بالجلاش:
1-ممكن تتعمل بأى حشوة بدل الكريم باتسير :يعنى ممكن بالمكسرات وممكن بالقشطة وممكن بالكريمة
2- ممكن تتعمل صوابع بدل صينية بنفس الطريقة بس تفردى ورقتين الجلاش على بعض ةتتنيهم بالطول وضعى خصلة من الكنافة والحشو وتبرميهم وتضعيهم بجانب بعض فى الصينية

طبق البطاطا (دون)
كيلو بطاطا مسلوقة ومهروسة
كوب سكر بودرة
2 معلقة كبيرة حليب
كريمة مخفوقة
موز قطع
برتقال مكعبات
مكسرات مفرومة تخين
فانيليا
الطريقة
نخلط البطاطا مع السكر كويس وجزء من المكسرات والحليب والفانيليا .نضع البطاطا فى طبق ونزوقها بقطع الفاكهة الطازجة او الكمبوت ونعمل بالكريمة وردات بالقمع وبالهنا والشفا

البرازق (دون)
1ونصف كأس دقيق
1ملعقه كبيره حليب سائل
نصف ملعقه صغيره روح الفانيليا
1صفار بيضه
ثلاثة أرباع كأس سكر
نصف كأس زبده 100غ
للوجه:
2ملعقه كبيره سمسم
الطريقه:
يوضع الدقيق مع الزبده مع السكرمع صفار بيضه مع روح الفانيليا مع الحليب ويخلط إلى أن تكون عجينه نحضر صينيه ونصنع من العجينه كور نضغط على الكور باليد نضع في الجهه الأولى سمسم والأخرى نتركها ونضعها في الصينيه ونكرر إلى أن ينتهي مقدار العجينه نشغل الفرن قبل 10 دقائق بدرجة 150درجه ونضع الصينيه في الفرن مدة 30 دقيقه

شكلمة البطاطا (دون)
1/2 كيلو بطاطا مسلوقة ومهروسة
بيضة
2 معلقة كبيرة عسل نحل
نص معلقة صغيرة قرفة
للتتزوييق:
جوز هند ناعم
لارنج مسكر
الطريقة
نخلط البطاطا المسلوقة والمهروسة بالبيضة والعسل والقرفة خلط كويس قوى .ندهن صينية بالسمن ونبطنها بالدقيق .نشكل خليط البطاطا على هيئة هرم صغير وندحرجه على جوز الهند المبشور و نجمله من النص بقطعة صغيرة من اللارنج تخبز فى فرن متوسط الحرارة حتى تنضج وتحمر وتترك حتى تبرد وبالهنا والشفا

الكفتة البانية (دون)
نص كيلو لحمة مفرومة
بصلة مبشورة
2 معلقة بقسماط او نص رغيف فينو مبلول فى الماء
2 فص ثوم
ملح و فلفل وبهارات
نص كوب شبت وبقدونس مفرومين
للتغطية : 2 بيضة مضروبة بالشوكة - بقسماط ناعم
الطريقة
نبشر البصلة ونضعها على اللحمة والبقسماط او العيش الفينو نبله كويس بالماء ونصفية كويس بالضغط بين ايدينا والتوابل والشبت والبقدونس والثوم ونخلطها كويس قوى لحد ما تبقى زى العجينة المتماسكة .نبدأناخد قطعة قطعة ونصبعها اصابع تخينة وبعدين نبططها نضع كل صابع فى البيض ثم فى البقسماط ونحمرها فى سمنة او خليط سمنة وزيت لحد ما تحمر ونشيلها على ورق ماص للدهون وبالهنا والشفا

قالب كرنب (ممكن دقية ) (دون)
كرنبة صغيرة
عصاج بالطماطم
ملح وفلفل وكمون
شوربة
الطريقة
نفصل الورق بس بالراحة علشان لازم يكون سليم ونسلقة عادى زى ما سبق وشرحنا حنعمل القالب بالورق الابيض الداخلى نضع ورقة سليمة فى قعر الحلة بحيث تغطيها وتغطى الجناب ثم نضع كمان ورقة بنفس الطريقة ثم نضع طبقة من العصاج ثم طبقتين من الكرنب ثم طبقة من العصاج ثم طبقتين من ورق الكرنب وهكزا لحد ما نخليهم حوالى 8 او 10 ورقات بس جمعى كل الاطراف اللى كنا سايبنها على الجناب ولميها فوق الحلة بحيث تغطى بيها السطح. نضع عليها الشوربة الساخنة ونسوية عادى زى محشى الكرنب ولما بيستوى بنقلبة فى السرفيس بيبقى شكله جميل عامل زى التورتة وبالهنا والشفا

فراخ بالكريمه والكارى (شيري)
كيلو فراخ مقطع الى مكعبات صغيره - 2 بصلة كبيره مفروم - نص علبة مشروم تقريبا ( حسب الرغبه ) - 3 طماطم مقطعه الى مكعبات صغيره ( او 3 جزر مبشور حسب الرغبه ) - 3 ملعقة صلصة طماطم - ملعقه ونص تقريبا كارى ( تذوب فى قليل من الماء ) - ملح - فلفل - مقدار من البشاميل
الطريقة :
نضع السمنه ونقدح بها البصل ونضع فيها الفراخ مع التقليب المستمر (واضافة شويه ماء بسيط حتى لا يحرق ) حتى يبدأ فى النضج . نضيف المشروم والطماطم (او الجزر) ونضع الكارى والملح والفلفل وصلصة الطماطم وتترك حتى تنضج جميع المكونات ثم نضيف البشاميل الى ان تغطيه ويقلب الجميع . و تقدم مع الأرز الأبيض

فطائر متنوعة (ام ياسمين جيسيكا)
2 كوب دقيق
1/2 كوب زبده
2 ملعقة خميرة بيره
ماء دافئ
توابل
معلقة سكر
2 ثمرة طماطم
ثمرة فلفل
2 بصله
رأس ثوم
زيتون – زعتر – 1/4 كيلو لحم ناضج
2 بيضه
الطريقة
1- تذاب الخميرة فى قليل من الماء الدافئ والسكر حتى تذوب وتغطى بالدقيق وتترك لتخمر
2- ينخل الدقيق ويضاف إليه ذرة ملح والتوابل والزبدة ويقلب حتى يختفى
3- تضاف الخميرة بعد أن تخمر وتعجن بالماء الدافئ عجينة لينة وتترك لتخمر فى مكان دافئ.
4- تقطع الطماطم والفلفل والبصل والثوم ويضاف إليها قليل من الماء وترفع على النار خمس دقائق تخفق فى الخلاط الكهربائى وتتبل بالتوابل والملح.
5- تعمل فطائر من العجينة بمقاس واحد وترص لتخمر.
6- يفرم اللحم الناضج ويقلب مع الزيتون المخلل والزعتر
7- يخفق البيض والتوابل ويقلب جيدا مع اللحم الناضج والزيتون وتدهن الفطائر بالصلصة المعدة ويوضع على كل واحدة ملعقة من خليط اللحم وشريحة طماطم وتدخل الفرن حتى تنضج وترص فى طبق التقديم

بسيمة جوز الهند (ام ياسمين جيسيكا)
المقادير:
12 ملعقة كبيرة جوز هند ناعم
10 معالق سكر
4 معالق دقيق
3/4 كوب لبن
الطريقة
-يذاب السكر فى اللبن
- يخلط الدقيق مع جوز الهند
- يعجن بالسكر واللبن
- تدهن صينية بالسمن السايح جيداً وتوضع العجينة وتخبز فى فرن متوسط الحرارة وتقطع وتقدم

عندى طريقة رائعة للارز الاصفر بالزبيب بعملها فى العزايم وبتبقى طعمها خطير وحقولهالك ......(دون)
بصى يا سيتى بتعملى الارز عادى زى الارز الابيض بس بتعملية لازم بزيت زيتون مش بزيت عادى ولما تيجى تغلى الماء بتاع الارز تروحى حاطة الملح ومعلقة متوسطة كركم تقلبيهم مع الارز وتكملى الارز عادى خالص
تعملى بقى لحمة معصجة وتضعى فيها الزبيب و لوز محمر او صنوبر محمر وتخليهم مع العصاج لحد ما يستوى يعنى اللحمة والزبيب واللوز كلة مع بعض وبعد ما تغرفى الارز الاصفر فى السرفيس تروحى حاطة على وش الارز العصاج اللى بالزبيب واللوز بطريقة جميلة

جاتوة البلح بعين الجمل (دون)
ربع كيلو زبدة بدون ملح
ربع كوب سكر
2 وربع كوب عين جمل مفروم
كوب عجوة مفرومة
معلقة قرفة
دقيق والكمية بالنظر
الطريقة
ندعك الزبدة كويس مع السكر كويس ثم نضيفلهم العجوة وعين الجمل والقرفة وشوية دقيق لحد ما نلاقى اتكونت معاكى عجينة طرية ممكن تتشكل .نشكل العجينة على هيئة كور ونرصصها فى صينية مدهونة وندخلها الفرن متوسط الحرارة لحد ما تستوى .نخرجها ونرشها بالسكر البودرة ونضعها فى اطباق الورق البليسية
ملحوظة : ممكن يتعمل بالفول السودانى بدل عين الجمل

مهلبية بالبلح(دون)
15 بلحة حمراء
4 كوب حليب
6 معالق كبيرة سكر
فانيليا – مكسرات
الطريقة
نسلق البلح كويس ونفرمه. ندوب النشا فى شوية حليب بارد .نضع باقى مقدار الحليب على النار لحد مايغلى
نضع علية مقدار النشا مع التقليب المستمر السريع مع اضافة السكر والفانيليا ويضاف البلح المفروم ونقلب تقليبة لحد ما يتوزع البلح كويس هى المهلبيه. تغرف المهلبية فى الكاسات ويرش على الوجة المكسرات
المفرومة او القرفة وبالهنا والشفا

انواع التغطية للحوم والدجاج وفاكرين ان احنا بنعمل غطاء بالبيض والبقسماط بس(دون)
فية كذا نوع : بالدقيق
بالبيض والبقسماط
بالدقيق ثم بالبيض والبقسماط
بالنقيطة
ودول بيبقوا للحوم والدجاج والاسماك
بالنسبة للتغطية يا نودى بتستخدم الدقيق للبروستد والسمك
والبيض والبقسماط للدجاج والسمك والمخ واللحوم
والنقيطة بديلة عن البيض والبقسماط كنوع من التغيير فى الطعم
النقيطة :3بيضات - نص كوب دقيق - ربع كوب ماء
يضرب البيض ويضاف للدقيق المضاف له الملح والفلفل ثم يضاف الماء
تدريجيا حتى تتكون عجينة سايلة شوية .تستخدم
تغطية تانية:2بيضة - 3ونص معلقة نشا - 3 ونص معلقة صويا صوص - 2 بيضة - نقطتين خل - ملح
يخلط كل المقاديروتكون جاهزة للتغطية

قالب الارز بالبيض (دون)
2 كوب ارز مستوى (ممكن بايت )
نص كيلو لحمة قطع صغيرة مسلوقة
او نص فرخة مسلوقة مقطعة قطع صغيرة
2 معلقة سمنة -2 صفار بيض
كوب حليب-ملح وفلفل
الطريقة
نضع قطع اللحمة او الفراخ على الارز ونخلطهم .نضرب البيض مع الملح مع الفلفل مع الحليب ونضعهم على الارز ونخلطهم كويس .ندهن قالب الكيك (الفورمة)بالسمنة ونضع فيها خليط الارز. نضع القالب فى حمام مائى ونضعه فى فرن متوسط الحرارة لحد ما الارز يشرب الحليب والوش يحمر .بعد ما يخرج من الفرن نسيبه شوية وبعدين نقلبه فى طبق التقديم

دقية السبانخ (دون)
كيلو سبانخ
نص كيلو عصاج بالصلصة
كوب شوربة
معلقة سمنة
ملح وفلفل
الطريقة
نغسل السبانخ كويس ونشيل الجزور بتاعتها بس تسيبى الاوراق سليمة نضع السمنة فى مقلاية ونشوح فيها اوراق السبانخ ندهن حلة مدورة صغيرة بالسمنة ونضع فى القاع العصاج بحيث يغطية ثم نضع السبانخ ثم نضع الشوربة والملح والفلفل ونضعه على نار واطية لحد ماالسبانخ تستوى وتتشرب الشوربة وعند التقديم تقلب الدقية فى طبق التقديم وبالهنا والشفا

رز بسمتى بالكارى والفراخ (ام ياسمين جيسيكا)
بفرم بصله كبيره وفلفله رومى كبيره وأحطها فى السمن لحد لما تتبل بس وبعد كده أحط ملعقة صغيرة كارى وملعقة صغيره كركم وتقلبتين وبعدين أقطع صدور الفراخ (حسب كمية الأرز) نساير كبير وأرميهم عليهم واقلب شويه وبعدين أحط مية الأرز والملح والفلفل ولما تغلى أضع الأرز (أنا الحقيقه لو الفراخ مستويه بشيل منها جزء بعد الميه ما تغلى واركنها على جنب وبعد ما يستوى الأرز بغرفه فى السرفيس وأضع باقى الفراخ على الوجه مع مكسرات محمصة وزبيب فكده الفراخ بتبقى جوه وعلى الوجه)

طريقة تغطية حلوة للدجاج بس بتحمرية فى الفرن مش على النار (دون)
الفراخ تكون مسلوقة ومقطعة بتجيبى 4 ملاعق كبيرة كاتشب و4 ملاعق كبيرة مايونيز و2 ملعقة كبيرة صلصة طماطم و 2 ملعقة كبيرة زيت و 2 ملعقة كبيرة خل ابيض و ملعقة صغيرة من ملح و فلفل اسود ناعم-كمون ناعم-كركم ناعم-بهارات ناعم
طبعا نخلط جميع المقادير مع بعض وندهن قطع الدجاج بها ندخلها الفرن وتخلى بالك انك كل شوية تبصى عليها ولونها حيبقى احمرجميل

تغطية تانية جميله (دون)
بيضة - ملعقة كبيرة طحينة - 2 فص ثوم- ملح وفلفل وكمون
تخلطي المقادير مع بعضها وتحطي فيها الدجاج ويكون ني ومقطع وتغطية وتسبية ساعتين وبعدين تاخدى قطع الدجاج وتحطيها فى الدقيق وتقليها فى الزيت

انا بعمل الكنتاكى بالكورن فليكس فى الاخر بتجيبى الكورن فليكس وبتحطية فى كيس نايلون وتكسرية شوية وتغلفى بيه بيبقى مقرمش وجميل بس خلى بالك علشان بيتحرق بسرعة على النار .وعلى فكرة انا فية حاجتين بجيبهم من برة فعلا بيخلوا الكنتاكى طبيعى السمنة النباتى كريسكو واكياس شوربة الطماطم المجففة (هى صينى ومن ماركة ماجى برضة وبتبقى اكياس رفيعة طويلة وعمله زى الكور الصغيرة قوى ) (دون)

حلوى جوز الهند الخفيفة (دون)
4 بيضات
باكو زبدة وسط
كوب جوز هند
كوب سكر
كوب بودرة حليب
معلقة فانيليا
معلقة ونص بيكنج بودر
قشطة
الطريقة
اضرب الزبدة السايحة واضع عليها البيض واضربهم والفانيليا والبيكنج بودر و جوز الهند والسكر واضربهم بالخلاط لحد ما يتماسكوا اضع بودرة الحليب على النار مع التقليب لحد ما يبقى لونه بنى بس اوعوا يتحرق منكم ثم نضعة على الخليط السابق مع كوب جوز هند ونخلطهمنضعها قى صينية فى الفرن 5 عشر دقايق تقريبا ولما تطلع نفرد على وشها قشطة .ملحوظة الكوب مقاسة يكون ثابت

الكفتة بصلصة المايونيز (دون)
3/4 كيلو لحم مفروم- بصلتين مفرومين
ملعقة بقدونس مفروم- فصين ثوم مفرومين
ملح - فلفل - كمون
زيت للقلى
مقادير صلصة المايونيز
3ملاعق مايونيز-ثلث كوب حليب
كوب زبادي - ملح
بصلة مفرومة- فص ثوم مفروم
½ ملعقة نشا - بقدونس مفروم
الطريقة
يخلط اللحم المفروم مع الملح والفلفل والكمون والبصل والثوم والبقدونس، ثم يكور اللحم المفروم إلى كور صغيرة يوضع الزيت على النار وتحمر الكفتةتحميراً خفيفاً. وتوضع جانبا نضع المايونيز والحليب والزبادي
والتوابل على بعض ونخلطهم لعمل الصلصة نحمر البصل ثم يضاف الثوم ويخلط مع البصل ثم يضاف خليط المايونيز والحليب والزبادي والتوابل إلى أن يغلي ثم يضاف البقدونس وتخلط كل المقادير مع بعض نضع كرات الكفته فى الصلصة لحد ما تغلى دقيقة واحدة على النار ثم تقدم وبالهنا والشفا

صينية بطاطس باللحمه المفرومه (شيري)
عباره عن : بطاطس بيوريه ولحمة مفرومه وبحط طبقه بطاطس وطبقة لحمه مفرومه وبعدين طبقة بطاطس تانى وارش على الوش جبنه ( موتزريلا مثلا او رومى ) وادخلها الفرن تلت ساعه لحد ما الوش يحمر

باي باي كنتاكي برة وأهلاً بكنتاكي كليبسو(دون نقلا عن المنتدى)
اللي عندها كليبسو تقول هييييييييييييه لأنها أخيراً راح تذوق ألذ وأشهى كنتكي ذاقته في حياتها وأنا
متأكدة بعد ما تجربوه راح تدعوا لي وتدعو لمن أعطتني الطريقة. هذة الطريقة من أحد المنتديات الأجنبية بس للأسف بعد ما جربنا الكنتاكي
،المهم هذا المنتدى كان يذكر أن سر لذاذة وطراوة لحم كنتاكي إنه كان يقلي الدجاج بطنجرة الضغط للعمال الذين كان وقتهم لا يتسع للجلوس كثيراً لانتظار وجبة الطعام فجرب في إحدى المرات يقلي بطنجرة الضغط وكانت النتيجة مذهلة
المقادير
دجاجة مقطعة 8قطع
(كوب حليب+بيضة+م.ص ملح+ثلث م.ص فلفل أسود)
كوب طحين
نصف م.ص msg (والبعض يطلقون عليه جي نو موتو أومونوصوديوم غلوتامايت)
م.ص وثلث ملح
م.ص وثلثين فلفل أسود
نصف م.ص جوزة الطيب (اختياري)
4أكواب سمن نباتي كريسكو أو سمن نباتي مازولا.
الطريقة:
1- يخفق الحليب +بيضة +م.ص ملح+ ثلث م.ص فلفل أسمر.
2- تنقع الدجاجة في البيض والحليب والملح والفلفل حتى تتشرب تماماً.
3-يخلط الطحين مع الملح والفلفل أسود والmsg وجوزة الطيب.
4-يسخن الزيت في قدر الضغط حتى يصل لدرجة 400 لو ما عندكم الميزان حتى تضعي خبزة بالزيت وتجدينها احمرت أول ما نزلت.
5- يصفى الدجاج من خليط البيض ثم نغمس 4 أو 3 قطع من الدجاج بالطحين ثم نضعهم بالسمن ونغلق الطنجرة عليهم. ونعلي النار حتى يبدأ البخار يخرج من الدائرة الصغيرة(تصفر) وعندها نضبط المنبه على 10 دقائق.
6- جهزي في هذا الوقت صحن التقديم وضعي في الطبق ورق مطبخ ليمتص الزيت ويبقى الكنتاكي مقرمش .
7- أخرجي الكنتاكي بعد مرور ال 10 دقائق وادعــــــــــي لي
ملاحظات هامة:
1- السمن النباتي انا حاولت مرة أغير وأقلي بسمن آخر فتغير نهائياً .طعم الكنتاكي وصفة الانترنت تقول سمن كريسكو أنا ما وجدته فاستخدمت سمن مازولا وكان جداً لذيذ أنا ذكرت هذة الملاحظة حتى ما تجرب وحدة من الأخوات سمن آخر وتقول لي ليس بنفس النكهة الكنتاكي حق بره.
2- أول مرة يمكن تجدي اللون لم يظبط تماماً معك بس مع المرات سوف تتقنين وتعرفين الحرارة التي يحتاجها أقصد بعض الأفران شعلتها حارة وعندها الكنتاكي مع مرور 10 دقائق ممكن يتحمر عندك ويصير لونه مثل البروستد ماتخافي المرة الجاي وطي النار عليه وبيطلع لك أشقر كذلك في بعض الأفران شعلتها خفيفة راح يطلع فاتح كثير عندها كل ما عليك فعله ارجاعه مرة أخرى للطنجرة وتحميره أكثر قليلاً والمرة الجاي علي شعلة النار شوي وخليها مابين المتوسطة والخفيفة وراح يطلع لك اللون الأشقرالشهي.
3- لا تقلي أكثر من 3 - 4 قطع لأنه راح تتغير كمية الحرارة الموزعة لكل قطعة وبالتالي راح تزيد مدة الطهي ولا تنسوا عزيزاتي بعد كل وجبة قلي بمعلقة كبيرة مثقبة ترفعي البواقي التي تسقط في قاع الطنجرة حتى لا تغير طعم ونكهة الكنتاكي.