هذه هي البلوزة اللي كانت شغل ورشة عمل 1
بالنسبة للكرانيش
اولا واخيرا هي البلوزة كلوش ,, يعني فلت ,, يعني موديلها فضفاض شوية
يعني في اللي ايحب ايخلي كل البلوزة بمقاس واحد
وفي اللي ايحب يبداها ضيقة وبعدين يبدا ايوسع بالسطر لحد ما اتصير من فوق ضيقة وتحت واسعة
وفي اللي ايحب يعمل الصدر والخصر
بالنسبة للي ايحبوا الاقتراح الاخير
اعتقد حسب مافهمت ان عدد الورد حيكون متساوي في الاسطر الاخيرة
بس السطور الاولى حنبدا بمقاس الصدر وبعدين انصغر للخصر وانشيل وردة او اثنين وبعدين انكبر لتحت الخصر وانزيد وردة او اثنين
والكرانيش حتطلع بسبب سطور السلاسل اللي حيتعمل فوق شريط الورد لاننا حنشدهم شوية وهم حيشدوا الوردات شوية جنب بعض
ده الخيط اللي انا اشتريته للبلوزة
اللون اخضر فستقي او زتوني
الكمية خمس بكرات كل بكرة 40 غ , او 105 متر , الابرة مقاس 0/3 ما اعرفش عندكم تساوي كم
ديه بيانات او مواصفات الخيط للي حابة تعرف ,, وحتلاحظوا مكتوب من 4 الى 5 ده مقاس ابر التريكو
وبعدها مكتوب 0/3 ده مقاس ابرة الكروشيه
ده شريط ورد عملته عالسريع ,, حبيت اوريكم الشريط عشان اقولكم على فكرة عمل الوردات
انا هنا ما عمتلش الوردة وفي اخرها شبكت بوردة تانية ,, يعني ما قطعتش الخيط من البكرة وده باين في الصورة الاولى
انا هنا عملت وردة عادية زي الباترون ,, بس في اخر لفة في الوردة ما كملتش اللفة كلها
عملت مجموعة سلاسل وابتديت في وردة تانية ,, وفي اخر لفة في الوردة التانية ما كملتش اللفة كلها
عملت مجموعة سلاسل وابتديت وردة ثالثة ,,,, وهكذااااا
وبالتالي حعمل الشريط كله بالمقاس المطلوب بدون ما اقطع الخيط
لاني ما بحبش الخيط الزايد في الورد لانو عايز نظافة يعني تشطيب في الشغل وديه اكره حاجة عندي
وهنا الطريقة على الباترون والشرح الملون من الراجية جزاها الله كل خير
اشتغلي خمس سلاسل
اقفليهم بمنزلقة واشتغلي ثمن سلاسل
اعملي اتنين عمود في الخاتم ,, سيبي اخر لفة من كل عمود على الابرة وبعدين اسحبي اللفتين بغرزة وحدة ,, واعملي بعد العمودين خمس سلاسل
العمودين دول هم بتلة الوردة
اعملي 11 بتلة ,, بين كل وحدة ووحدة 5 سلاسل
بعد الخمس سلاسل اللي بعد البتلة ال 11 ,, اعملي عمود وسيبي اخر لفة على الابرة
اغرزي الابرة في ثالث سلسلة من السلاسل اللي عملناهم في الاول ,, السلسلة الثالثة وانتي اتعدي من تحت لفوق ,, واعملي منزلقة
ارجعي اعملي منزلقة في كل من الثلاث سلاسل الجايين,, واطلعي ب 5 سلاسل
انزلي بالسلسلة في اول قوس يقابلك واعملي حشو ,, واطلعي بخمس سلاسل وانلزي بحشو في القوس اللي بعد ,, وهكدا لحد ماتعملي خمس اقواس جديدة
اقواس خارجية مش اللي بتستعمليهم من تحت
بعد ال 5 اقوس اطلعي ب 16 سلسلة