ملعون من خبب إمرأة على زوجها😳

بقولكم رأيي يا اخوات بشغله واتمنى تتقبلونها بصدر رحب فالغالب تجي أخت فالمنتدى وتشكي زوجي فيه و تطلع فيه عذاريب الدنيا كلها انا بس بنصح الاخت اللي بتعلق على موضوعها؛؛
✋🏼اولاً انتي ما سمعتي الطرف الاخر اللي هو الزوج
ثانياً يمكن في شيء غامض ما كتبته الأخت
ثالثاً تفكير زوجها مو مثل تفكير زوجك يعني لا تقولين لها طنشيه بالأيام يمكن هو لو طنشتيه يكرهك زياده تبعد المسافه بينكم زياده تتشوش العلاقه زياده انا لما اقول طنشي يكون قصدي لا تحزنين ولا تشيلين هم مو تطنشين الرجال نفسه
الزوجه يمكن تتعباا تسمع من هنا تروح تدرعم ع الزوج من هنا اصابعكم مو سوا والرجال مو نفس بعض يمكن تكون حالتها سيئه وتصير اسوأ مو كل الحريم تقرأ التعليقات وتاخذ اللي يناسبها بعضهم تسمع من هنا وتخرب على نفسها من هنا ⭕️⭕️انتي تكلمين انسانه في منتدى ماتعرفين شخصيتها ما تعرفين عقل زوجها ماتعرفين ظروفها ⭕️⭕️ كل ما قلت انتبهوا فقط حتى لا تقعوا في حرج ✋🏼
رابعاً لا تحرضينها على أهل الزوج الاخت اللي تعاني من اهل زوجها تدعي دايم 🙏🏼
اللهم اكفنيهم بما شئت وكيف شئت اللهم اني اجعلك في نحرهم واعوذ بك من شرهم 🌷🌷
والطيب يا اخوات ما يجيب الا طيب شوي شوي بيعرفون طبعك وبيفهمونك وبيحبونك واذا شفتي مرره مافي أمل خلك رسميه لكن لا تقطعين الزوج من اهله ولا تتدخلين في زياراته لهم ✋🏼
ولا تقولين له اهلك فيهم وفيهم غلط❌ هذا امه وهذه اخته في مشكله بينك وبين احد من اهله كلميهم بإحترام بمواجهه مو برساله ❌❌ ماجاب البلاء الا الرسايل ((تحاااوري معهم)) وقوليلهم من محبتي بقلبي لكم عتاب وماودي اخسركم ومن هذا الكلام وطلعي اللي بقلبك وزوجك مو لازم يدري بإختلافاتك مع اهله✋🏼
⭕️لكن امه خط احمر لا تعاابينها الحريم الكبار حساسات ادعي لها بوجهها واكرميها واحسني لها واعتبريها امك الثانيه⭕️
دائما ادعي اللهم الف بين قلوبنا واصلح ذات بيننا واهدنا سبل السلام 💓
ركزي في حياتك زوجك اولادك اي شيء جانبي همشيه 👌
لا تعلقين تعليق ممكن يأذي المشتكيه احنا مانعرف عقل زوجها ممكن يأذيها لا نكون سبب في خراب بيت الرسول عليه السلام يقول ملعون من خبب امرأه على زوجها✋🏼
في زوج ينفعه التطنيش في زوج لا👌
اي اخت عندها ذريه من زوجها تمسك عليه بإيدها واسنانها تحاول تغيره لا تتجهين للحل السهل 😔 اللي هو 👇🏻
❌طلاق ❌ وتشتيت بيت وتبعات الطلاق صعبه صعبه جداً على الاطفال ؛؛؛
الحياة جهاد وصبر وكبد وتعب اذا ضحكت لك الدنيا يوم بتبكيك يوم ✋🏼
الايام تتقلب والقلوب تتقلب اليوم زوجك زعلك بكره بيراضيك 😘😘
اليوم ام زوجك قويه وتأذيك بكره بتهدأ وبتضعف
اليوم اخت زوجك موذيه بكره بتنشغل بشيء في حياتها
كل شيء له نهايه 👌الدنيا يبغالها صبر وان شاء الله امهات ازواجكم واخواتهم فيهم خير❤️ ؛؛ ان احسنتم انتم بيحسنون لكم اذا مو اليوم بكره🌹🌹امي الله يشفيها مر عليها ايام مع ابويه الله يسامحه ويرحمه صبرت عشاننا هذا جميل لها بنقعد طول عمرنا نحاول نوفيه لها ولا بنوفيه 😭💔الأم ماتكون ام اذا ما ضحت اذا ما افنت حياتها لاولادها اذا ما تحملت والا ليش الرسول قال امك ثم امك ثم امك الدعوه مو بس حمل وولاده🌸اغلب المشاكل اللي اقراها تحسس وهمز ولمز ومشاعر ودق بالكلام كل شيء بيتعدل وكل شيء بنقدر نتجاوزه بس لا تفكرون في طلاق الحياة يبيلها تنازل 🌸 الحريم فالغالب حكيمات انتبهوا بس للتعليقات الله يرحم والديكم ويجزيكم الجنه🌷🌷كلنا واولكم انا نصير ننتبه للتعليقات 🌷🌷