ملـــــــــــــــــــــيت

مرحبا بنوتات كيييفكم

انا اليوم جايه افضفض لكم شوي...

الصراحه انا ملييييت ابغى اتزوج كل الي حولي اتزوجوا بمعنى اصح عايلتي ماعاد فيها بنات الا احنا واختي بس
وانا والله مليت من الترزز يقولون عزيمه اطير يقولون زواج شااااخطه عليه بس مافي فايده تعبببببببت

مادري فينا عيب ولا وش السالفه حتى اختي الي اكبرنا ماتزوجت صغييره تزوجت بحدود ال25.....
وانا الحين موب صغيره انا داخله على 21 والي اكبر مني داخله على 23 يعني موب صغااااااااااااااار..

بس ماعرفت ليش ساعه اقول يمكن لاننا سمينات بس مااحس هذا عيييب الي يوقف نصيبنا
ماشاءالله كل صديقاتي تقريبا اخطبوا طبعا غير المملكه وغير الي عندها بنوته الله يخليها لها.....

وانا قاعده استنى سعيد الحظ...قلت يمكن عيبنا السمنه طرت سويت عملية الربط نحفت ورجعت سمنت ورجعت انحف
بس قليييل مررره بس حتى ولو ماقدرت اوصل لدرجة اني ممكن انخطب...والله مليت

وساعه اقول يمكن لان ابوي موب غني(انا الحمدلله حالتي فوق الممتازه والفضل يعود لامي الله خليها)
انا ابوي متوفي بس ابوي صح سمعته الحمدلله طيبه والكل يذكره بالخير لدرجة اثنين من عماني اهل زوجاتهم وافقوا عليم
يوم عرفوا ان ابوي يطلع اخوهم الحمدلله يارب لدرجة يقولون اذا تبون خذوهم من غير مهور دام فلان.....يطلع اخوكم... بس مو لدرجة انخطب لعنى ابوي يعني وحده اعرفها والله سمينه وانخطبت انا طارت عيوني قلت كيييف قالوا اي ياحبيبتي ابوها غني هذا يغطي عيبها....حتى قريبي تزوج وحده والله سمره مرررررره حتى ايام الجامعه يسمونها استغفر الله المصارع لان جسمها كانها مصارعه بس اتزوجها قلت كيييف قالوا ابووها غني يغطي عيبها....طيب وبعديــــــــــــــــــن؟؟؟

طيب انا وش العيب فيني الحمدلله جامعيه مو بيضا حنطيه مااقول جميله ماامدح نفسي بس الحمدلله مملوحه والكل يقولي ملامحك ملامح اطفال(بيبي فيس)بس حظي واااااقف ماادري وش السبب لا حول ولاقوة الابالله..
واختي ماشاءالله مافيها عيب ابد بلعكس احلى مني بكثيييير ملامحها من النوع الحاد يعني حواجب مرسومه وفمها بعد بس سبحان الله

يعني بالزواجات والله ماامدح نفسي اذا شفت البنات وقعدت اقارن اقول والله ازين منهم في اللبس وفي الميك اب في الشعر حتى والله يابنات الطقم الي البسه عالموضه مو زيهم اشياء اول القدييييمه.... بس وش السبب؟؟؟

والله مليت ابي اتزوج زي البنات ابي بيت ابي اولاد يعني تخيلو اختي اول ماتزوجت هي حملت على طول بعد شهرين تقريبا ماشاءالله تبارك الله دقت عليها وحده قالت اي كويس انك حملتي بدري لانك كبيره واذا استنيتي زياده ممكن يتشوه الجنين لانك بتكبرين مع انها مو ذاك العمر الي يروع قلت لكم من قبل25

والي حولي من زوجات عماني احسهم والله بدوا معانا مو زي اول لاننا ماتزوجنا وهم متزوجات يعني سوو لنفسم قروبات سواليفهم طلعاتهم جمعاتهم مايبونا نعرف اي شي .......

انا حبيبت افضفض لكم واعرف انتو زي باقي الناس اذا بغيتوا تخطبون لاخوانكم ولا عيالكم يهكم ان البنت تكون جسم يعني السمينه ماتعبرونها ولا تفكرون فيها حتى لو كانت بنت عايله ومملوحه وكل شي بس اللهم عيبها السمنه....

ورجــــــــــائي لحد يدخل ويقولي انحفي وسوي وافعلي انا السمنه هذي وراثه عندنا يعني شي غصب عني الشكوى لله....


ومشكووووورين
وادعولي تكفون انخطب انا واختيعاجلا غير اجلا وننحف بصحه وعافيه.....