بنات يااحلى بنات ابغى اعرف وين مشغل دار نور ؟ومين الى مكياجها حلو وغريب عندهم ردولي ضروري ؟والمعالي وين مكانه ؟ وايهم احلى مكياج هم ولا دار نور؟ وسلمتكم

بنات ابي رقم الكوافيره منى الكويتية صديقتي بتزوج اختها بالرياض ومحتاسين مساكين ابي رقمها ضروري ارسلوه ضروري على الخاص

شوشو دار نور بالملز الظاهر
وكلللللهم مكياجهم فنان
انا مدحولي سوسو ومدحولي ريم ومدحولي زارا

انا شايفه شغل ريم خياااااااااااال
وصديقتي بتسوي انشالله عند زارا

المعالي مدري وين :)

الحلو استديو نور في الملز مش دار نور وهو قريب من دار نور في شارع الستين ومشغل المعالي في شارع التحلية

أهلين اخواتي بالنسبة لأبن ضياء وين محله بالضبط -
وبالنسبة للملابس الجاهزة اكثر البنات يقولون الموسى وشفت اللي عندهم مهنا ذاك الزود اغلبة تفتة مع شك والمشكلة ان مافيه تصميم يعني قطعة وحدة -
الملابس الجاهزة الصح مثل خيال على الأمير عبدالله بس من تالي اسعارهم غلت عن اول0
السيركون -روبي مودا عندهم فساتين تصميم وراقية-
المشكلة في الجاهز لا تلقين احد مثلك مغير اذا دخل المناسبة ورقبته شوي وتفتر نخاف نلقى مثلنا فبطلت اشتي الأ التصميم 0
الأقمشة العليا مول لا يعلى عليه0
سواني العروبة افضل فرع0
الأطفال صحاري وصحاري بلازا0
الملابس الجاهزة الله يخلف مافيه شيء صاحي0
المشاغل اتعامل مع الحمراء رجالي والمعلم فيه بطن كبير بس عطوه المقاس المضبوط ويطلع لك الشغل صح الصح0
اما النسائية الى الآن ماحصلت وحدة من يوم راحت الخياطة الماهرة عند مشغل شذى سابقا والجوهرة حاليا0
الشعر قص وصبغ عند داليا على العروبة
الأقمشة اللي طابين فيها الدانتيلات وفيه رجعة للترتر والألوان البرتقالي كثير والمشجرات0
المكياج اللبناني عند سوارية نسرين ورانيا
التسريحات وخاصة الرول بشكل طبيعي عند عبير فس سواريه

وممكن يابنات اللي راحت لمجمع المرأة عند النمر تقولنا يستاهل العنوة او لا0
مع التحية لبنات الرياض0