كوبونات الراقية تسجيل الدخول

هدبـاء
هدبـاء •
هدبـاء هدبـاء :
السلام عليكم.. وصل لي هالخبر، فحبيت أشارككم فيه، واللي يصير من حظها أبغى منها دعوة.. روضة الشيماء الشروط: · بكالوريوس لغة إنجليزية أو مادة العلوم والرياضيات بالغة الإنجليزية · دبلوم تربوي · إجادة اللغة الإنجليزية · خبرة سنتين يرجى إرسال السيرة الذاتية على : فاكس 6951248 لحد يقولي الموضوع مو موثوق، ادخلوا على موقع الروضة التابع للجامعة وشوفوا الإعلان.. بالتوفيق ياحوائيات..
السلام عليكم.. وصل لي هالخبر، فحبيت أشارككم فيه، واللي يصير من حظها أبغى منها دعوة.. روضة...
السلام عليكم..

أختي متى أفرح؟

يارب ييسرلك الوظيفة اللي تفرحك..

بس عفواً أختلف معك، كل مكان في العالم فيه واسطة، بس إذا جيتي للصدق،أكثر من نصف دفعتي توظفوا في الجامعة وبدووووووووووون أي واسطة وموزعين على كل الجامعة..

وإذا كان الإداريات زي ماتقولين بشهادات الثانوي، فهذا كان زمان ويكونون كبار في السن ومن زماااان في الجامعة.. وصايرين أقلية..

بشوف عيني أنا لأنه زميلتي كانت في الجهة التوظيفية ماصاروا يقبلون إلا شهادات عالية ومعاها شهادات دورات وخبرة..

وبعدين لمن كنت أقدم على وظيفة ولاأنقبل أسمع نفس الكلام.. الوظيفة محجوزة أصلا لفلانة ولا الدنيا كلها بالواسطة ومن ذا الكلام بس هذا ماكان يؤثر فيني أبداَ..

لأني أرجع أقول لو ربي ماأراد انه صاحبة الواسطة يمشي موضوعها ماكان مشى..
لذلك ريحي نفسك ولكل مجتهد نصيب..

الله يرزقني وياك أحسن الوظايف وكل البنات يارب..
الاصيل
الاصيل •
جزاك الله خير ..

الله يوفق الجميع..
اللؤلؤه البنفسجية
اللؤلؤه البنفسجية •
اخت هدباء كيف التقديم على وظائف الجامعه والله نفسي احد يقولي كيف؟؟ انا سمعت انو من عند البوابه مايدخلو حتى لو استفسار؟؟

والله يوفقني ويوفقكم جميعاً
زوجة حمادة
زوجة حمادة •
حابة اسال عن مدرسة البيان استدعوني وشرحت درس واعجبهم شرحي وقابلت المديرة ومن بعدها لاحس ولا خبر وكلهم اثنو علي ايش تفسير الي صاااااار ؟؟؟
اررررجو التفاعل مع المشكلة
هدبـاء
هدبـاء •
اللؤلؤة البنفسجية..

صحيح مايدخلون أي أحد إلا إذا فيه تقديم على وظيفة، بس انتي تأكدي من التاريخ، وإذا تقدرين تطبعين الإعلان اطبعيه..

وإذا دخلتي قولي أبغى أقدم على وظيفة كذا اللي تقديمها في مبنى كذا، وخليك واثقة من كلامك..

وإذا عيوا قولي طيب أبغى أحط ملفي في خدمة مجتمع، وهالشي سويه فعلاً..

جيبي معك ملفين، واحد لوظيفة الإعلان وواحد لخدمة مجتمع..

خدمة مجتمع في المبنى السادس الدور الثاني.. عند أستاذة ندى باعارمة أو أماني.. إذا ماكاون تغيروا..

وترى الأستاذات يتضايقون إذا كل أحد مر يسأل عن أحد، يقولون ليييييش البنات مايفتحون مخهم ويطالعون عند الأسماء اللي مكتوبة على الأبواب..

في حالة مالقيتي اللي تبغين هذاك الوقت اسألي..

وخدمة مجتمع اللي مايعرفها هي اللي تتولى توظيف الخريجات في الجامعة ولكن بوظائف غير رسمية (وظائف عقود)، والراتب فيها مقطوع بدون علاوة سنوية والاجازة 35 يوم في السنة فقط، يعني رمضان والصيف كله دوام إلا آخر 6 أيام في رمضان وأيام العيدين فقط..

والراتب يترواح بين 4 وشوي إلى 5 آلاف.. حسب التخصص..
أعلى الرواتب تكون لخريجات الحاسب الآلي..
وحسب ماأتذكر إنهم مكتفين من كل التخصصات، إلا الحاسب والإنجليزي واقتصاد وإدارة فيها احتياج..

وفيه وظائف مراسلات وهذي أعتقد مايشترطون فيه شهادة بكالوريوس، ومهامها: توصيل المعاملات والخطابات من مبنى لمبنى، ومدري يمكن فيه مهام ثانية!!

الله يوفق الجميع ويكتبلنا اللي فيه الخير..