http://forum.hawaaworld.com/showthread.php?t=3548490

الف شكر ليكم يا احلى بنات
ربنا يبارك فيكم ويسلمكم من كل سوء يارب

طريقة السويسرول وكيكة التفاح عشان عيون سموحة

السويسرول
5بيضات وفانيليا وم ك خل كله فى الخلاط دقيقة وعليهم كوب سكر بودرة ونضرب دقيقة تانية
وبعدين 2م ك حليب بودرة وكمان دقيقة وبعدين كوب دقيق وم نشا و م بيكنج بودر ونضرب كمان دقيقة
ونصبها فى صينية مدهونة ومرشوشة دقيق انا باستعمل صينية مربعة30*30وتدخليها فرن سخن حوالى 15 دقيقة
ولما تطلع تسيبيها تهدى دقيقتين وتطلعيها على ورقة فويل
لو عايزة تحشيها مربى احشى على طول ولفيها ودخليها التلاجة نصف ساعة وبعدين طلعيها وقطعيها
لو هتحشيها كريمة لفيها الاول ودخليها التلاجة وبعدين طلعيها واحشيها
لو عاوزاها بالكاكاو شيلى م دقيق وحطى مكانها الكاكاو

كيكة التفاح
علبة زبادى و3بيضات وكوب سكر وربع كوب زيت و م زبدة وم خل وفانيليا كله فى الخلاط لحد مايختلطوا كويس واللون يبقى افتح
فى الوقت ده تجهزى 2كوب دقيق وعليهم م ك بودر
وتدهنى الصينية بالزبدة حوالى م ك وترشى 2م ك سكر وتقطعى التفاح وترصيه زى الصورة
Swr241

Swr254

وتقلبى الخليط السائل على الدقيق وبيكون قوامها تقيل شوية علشان التفاح مايتحركش وانتى بتصبى الخليط عليه ولو لقيتى قوامها تقيل اوى ممكن تضيفى معلقتين حليب وتدخليه الفرن وبعد ماتطلع سيبيها تهدى 5دقايق وبعدين اقلبيها
واى سؤال ياقمر انا تحت امرك

ما شاء الله ولا قوه الا بالله يا ام حازم تسلم ايدك الحاجات كلها يفتح النفس
وحشتينى جدا جدا انتى وكل الجميلات والله طمنينى عليكى وعلى البنات