الله يعطيك العافيه

ربنا يكرمك يا ام حازم ويباركلك فى صحتك وولادك حبيبتى وما يحرمنى ابدا من صحبتكم الحلوه امين يارب العالمين
مهمهمووووووهه يا حبيبة قلبى ربنا يسعدك دنيا واخره زى ما اسعدتينى النهارده انا بجد مبسوووطه جداااااااربنا يخليكى ليا يا اجدع مها فى الدنيييياااااااا

السلام عليكم ورحمة الله وبركاته
إزيكم يابنات أنا عارفة إني وحشة جدا جدا بس والله بجد ربنا عالم بالحال
وحشتوني جداااااااااااا فين أيام زمان الحلوة لما كنا كلنا بندخل كل يوم وكل يوم في جديد
ربنا يصلح حال الجميع وترجع اللمة الحلوة
كفاية رغي بقى وخوووووووووووووش على الكلمتين المهمين
هقوللكم على الحاجات اللي جربتها الفترة اللي فاتت وطلعت حلوة أوي سواء مطبخ أو تنظيف
كل معلومة لوحدها عشان تاخدوا بالكم منها
أوكيييييييييييييييييييي

أولا

عملت كيكة اللبن الساخن بطريقة جديدة
عملتها بدل نص كوب لبن
عملت ربع كوب قشطة وربع لبن وبدل الزبدة تلات معالق زيت
بجد بجد خيااااااااااااااااااااااااااااااااااااااااااااااااااااال
مش هتصدقي إن ده شغل بيت حاجة وااااااااااااااااااااو طعم وريحة وطراوة ولون

ثانيا
المكرونة بالبشاميل السرييييييييييييييييييييييييعة
هتستعملي المقادير بتاعتك العادية دقيق ولبن وبيض بس الفرق الطريقة ومقدار مية سلق المكرونة هتقلليه
بحيث لما تستوي المكرونة يدوب تكون عايمة في ميه على أدها مش عاليه عنها
(شوفوا الكيس 400جم بملاله الغلاية 1.7 لتر) أوكي
والطريقة بقى تعلقى على المكرونة تتسلق
لو بتعملي الدقيق للبشاميل من غير سوا يبقى تحطي مقدار القيق مع اللبن والبيض وكله في الخلاط وتضربيهم
لو بتسويه حمري الدقيق عادي وطفي عليه وضيفي علىه ا اللبن والبيض والبهارات

خلاص كده عندنا الخلطة جاهزة
أول مالمكرونة تستوي وهي على النار لسه تضيفي عليها الخلطة بتاعتك وتقلبي بسرعة والنار شغالة هتلاقي البشاميل ربط معاكي في دقايق قليلة جدااااااوالمكرونة سايحة في بشاميللها(ياأم التعبيراااااااااااااااااااات)

تجيبي صينيتك تدهنيها زيت وتاخدي معلقتين تلاتة بشاميل من على المكرونة تدهني بيهم الصينية
وبعدها لو عايزة رشة بقسماط(جربتها أخر مرة حلوة أوي)
تجيبي بقة مقصوصة من المخرمة دي وتشيلي المكرنة بيها وتحطي في الصينية أول طبقة ثم اللحمة المعصجة
وبرضو بالمقصوصة وتشيلي المكرونة وتحطي الطبقة التانية
المقصوصة عشان تصفي جزء من البشاميل عشان وش الصينية
تاخدي البشاميل اللي باقي وتحطيه على الوش وتدهني الوش قشطو وبسسسسسسسسس


مميزات الطريقة
1 اسرع لأن البشاميل بيعقد بسرعة بسبب سخونة المكرونة وميتها بدل ماإيدك تتهري من التقليب
وطبعا مش بيلزق
2 البشاميل بتضربيه كويس على البارد وتتأكدي مفيهوش كتل ولما بتحطيه مع المكرونة مش بيكتل أبدا
3 المكرونة بتكون نفسها مشبعة بالبشاميل من جوة وسايييييييييييييحة
4 دسمها أقل لأن الدهون المستعملة هي بس تحمير الدقيق كنت الأول بسلق المكرونة وبعد مااصفيها أحطلها شوية زيت




أناا بحط بيضة واحدة بس مع البشاميل
وبحط جبنة رومي بس بقلل ملح سلق المكرونة عشان متحدقش
برضوعشان أقلل الدسم بغلى لبن البشاميل من بالليل وأشيل قشطته الصبح أعمل باللبن البشاميل واحط القشطة بتاعة على وش الصينية