هلا بالغاليات شوفوا الصور اول
عشان نحط االمقادير والطريقه
المقادير والطريقه::.:.:.5
5قلاصات عيش مصري انقعه خمس دقايق بماي حار وازل الماي
واحط عليه شوي فلفل اسود_ كركم_ ليمون اسود_واضيفله ربع
كاس زيت واخلطه ,..بالخلاط:
1شبنت +1كزبره+ربع شده كرفس+ شوي نعناع كمشه بيدج
بصله كبيره+ راس ونص ثوم+ ملعقتين معجون+ طماط وسط
ملعقه اكل دبس الرمان +ماجي مكعب الي داخله ثنين
2علبه+ فلفل حار +ليمونه.،.
بعد ما خلطه اضيفه للعيش واخليه ربع ساعه.،.،واضيف الملح
اكون طبعا سالقه البصل انا حطيت 12حبه حطيت بصل ابيض اطعم
ومايسبب حارج مثل الاحمر اقصه من جهه وحده من النص واحطه
ع النار لمده عشر دقايق واصك عليه واخليه يبرد .،,،.
واكون سالقه الكرنب او حاطته قبلها بيوم بالفريزر اصب عليه ماي
حار تكون ذبلانه اقدر اشكلها ع كيفي ايب جدر عريض احشي
البصل والفه كله بقاع الجدر وبعدين الكرنب واصب عليه زيت
قلاص كامل واكون مجهزه ماي يمه يغطي الجدر وشوي ما
ضيفله شي احطه فوقه لحد مايتشرب العيش بالماي واقصر عليه
واخليه نص ساعه عقبها اكون مجهزه جدر صغير احط فيه صبار
نص جيس مصفى طبعا واضيف له ماجي حبه وحده العلبه فيها
اثنين اضيف وحده وملعقه اكل دبس الرمان وملعقه معجون و
ليمونه طبعا الصبار مضيوف له قلاص ونص ماي واحطه عنار و
واضيفه فوق العيش واخليه ساعده الاربع لحد ماينشف طبعا لازم
يصير بالعيش شوي صلصه انا يموتون عليها عيالي ويحبون
الملفوف الكبار طبعا حق التقديم نصغره شوي .:..،:
هذا شكله قبل مايخلص بربع ساعه
والف الف عافيه اتمنى تجربونه صججج لذيذ