صار لي فترة مانزلت شي قلت يابنت قومي صحصحي ونزلي للحلوات كم من طبخة
ووقع الاختيار على الملفوف صار لها الصور زمان بجهازي بس قلت ننفض عنها الغبار وننزلها
اذكر صورتها وكنت مستعجلة >> كالعادة
استروا ماتواجهون من ردائة التصوير
بسم الله الرحمن الرحيم نبدا بالمقادير
ملفوف
رز مصري
لحمة مفرومة
بصل
ثوم
بقدونس
شبت
نعناع
طماطم
ليمون
ملح -بهارات
زيت زيتون
اول شي بالعادة لما اسوي الملفوف اكون مخططة قبلها بكم من يوم واحط الملفوفة بالفريزر علشان مااسلقها بس ذاك اليوم اشتهوا العيال وقلت يالله ماابي اكسر بخاطرهم وسلقتها اول شي نقصها من تحت نحاول نفرغها من جميع الجوانب مدري وشلون اوضح بس الصورة توضح افضل مني
ننقع الرز المصري الين مايتغير لونة يعني من ربع لنص ساعة
نفرم البقدونس والشبت والنعناع والطماطم والبصل والثوم
نخلط الرز واللحمة والمفرومة والبهارات والملح والليمون والخضار اللي فرمناها
ناخذ ورق الملفوف ونقطع العرق اللي بالوسط
ناخذ العروق اللي قصيناها ونحطها بقاع القدر علشان لاينحرق الملفوف
بعد مانرصة بالقدر نحط علية الزيت الزيتون
ونغلي بقدر ثاني علبة معجون طماطم مع حبتين ماجي ونصبة على القدر ونغطية بصحن قزاز
نخلية ساعة الا ساعة ونص على نار هادية
يتبع لااحد يرد بلييييييييييييييييييييز :26:
بعد مايستوي نقلبة زي الملقوبة ونشيل العروق
ونقدمة مع سلطة خضرا وهاذي خلطتي السرية فيها
طبعا تقطعي اغراض السلطة اللي تبيها انا احط طماطم خيار جزر بقدونس كزبرة فلفل رومي بصل اخضر ملفوف فجل
السر بالدرسنق
نخلط زيت زيتون-مسترد-توابل السلطة-خل-ملح
يخلط الدرسنق مع السلطة وذوقي وادعيلي
هذا الملفوف بعد مااستوى الصورة لصحني مع السلطة
زووووووووووووم اكثر للتعذيب
وسلامتكم حبيباتي