ملفوووف كرنب للنباتييين والعاديين

اولا افصلي ورق الملفوف عن بعضه وبعدين قصي كل ورقه من على جوانب العصب يعني كلل ورقة تطلع ورقتين.
اغلي اي مقدار من الماء في قدر على النار ـتقريبا نص القدرـ مع اضافة ملعقه كبيره خل أبيض وملعقه صغيره كمون ورشه بسيطه ملح بسسس اياكم تضيفوا من عندكم ونزلي الورق في الماء لمدة دقيقتين فقطط او أقل حتى يعني بس ترتخي الورقه شوي.
نيجي للحشوه:قلبي اللحمه المفرومه في الطوى الى ان يتغير لونها ثم اضيفي ملعقتين زيت قلي وبصله مفرومه نااعم وفص توم مدقوق وقلبيهم الى ان تستوي ثم اضيفي رشة فلفل اسود وقرفه وكثري منها شوييي ورشه بسيييطه كمون وملح حسب الرغبه.ثم اضيفي رز مصري مغسول فقط لا تنقعيه في ماء مغلي كالعاده لانه حيطبخ مره اخرى بحيث تكون كمية الرز ضعفي كمية اللحمه واخلطيهم بالمعقه جيدا واضيفي البهارات اللي اضفتيها للحمه مره اخرى(يعني ضبطي الطعم) وملعقة زيت زيتون وملعقة بقدونس مفروم نااعم وشبت مفرووم ناعم ثم لفي كل ورقة ملفوف ورصيها في قدر واسع مو غميق ليييييش؟؟ لان القدر الغميق يخلي الطبقه اللي تحت تذوب والطبقه اللي فوق لسه مااستوت ....على شكل دائري علشان كل وحده تمسك الثانيه والمفروض تحطي طبقتين او ثلاثه بالكثييير.
بالنسبه لحشوة النباتيين بعد ما تقلي البصله شوي مع الثوم اضيفي اي مقدار على قد الورق اللي عندك من القمح المجروش والمغسل والمنقوع في ماء دافئ ثم اضيفي المطيبات نفسها اللي اضفتها على الخلطه السابقه.
فوق طبقات الملفوف حطي عظم او لحم بعظمه اوووو شوربه او قوانص الدجاج (بس لازم تكوني غليتيها شوي مع كم حبة هيل وجزره للتطييب مو اكثر) وقطعي عود كرفس ودقي 4 فصوص ثوم مع رشة كمون ونص معقه صغيره عين جراده وفلفل اخضر حااار(واذا عندك اطفال بلاش منه) وافرديه على وجه الملفوف ومكعب ماجي مذاب في كأس ماء مغلي ورشة فلفل اسود وكزبره وجوزة الطيب وبعدين لازم تحطي ثقل على الملفوف علشان ما يفك معاك عند اضافة الماء(الثقل عباره عن طبق فخاري مسطح من اعلى واسفل) وبعدها أضيفي الماء المغلي بحيث يكون مستوى الماء اعلى من مستوى الملفوف بنصف اصبع ثم غطيه وبعد ما يبدأ بالغليان وطي النار تحته لمدة من نص الى ساعه تقريبا يعني لما يستوي الرز وتطرى ورقة الملفوف يصبح جاهز للاكل.ومو ضروري تنشف مويته(معلومه خطيره ترى)
للتقديم..رصي ورق الملفوف في صحن واسع عميق بعض الشئ بشكل دائري وجميل ثم اخلطي نص بيالة زيت زيتون(ماااينفع زيت ثاني اتبعوا الارشادات بدقه) ونص بيالة ليمون واذا الكميه احتاجت اكتر اخلطي بعد نص بياله واسكبيها
على وجه الملفوووووف وبالهناء والعافيه زالوصفه طويله بس عند التطبيق سههههله.
آراءكم تهمني واللي عندها اضافه او فكره تضيفها اكون ممنونه وشاكره.:)