ملف أطفالنا أحبابنا... من عمر سنتين فما فوق

آنا ولدي عمره سنتين ونص اسم الله عليه الله يحفظه

عنيد وشيطان ويتعبث ويخرب ويكسر ولسانه طويل ويضرب :(

والله هالكني هالولد ربي يحفظه من كل شر أخاف عليه من شطانته :(

مادري شالحل وياه

والأكل يعاند إذا ابيه ياكل شي مفيد ما ياكل يروح يشرب عصير أو ياكل كاكاو أو بطاط
التوست والجبن ما ياكله بالمره يحب الخبز الرغيف بس
لكن آنا لاحظته إذا كان جوعان ما يرد شي حتى السطله ياكلها بس فيه العناد شي مو طبيعي
ولي الحين متعلق بأشياء ودي اقطعها عنه بالرضاعه واللهايه واللحاف وين ما يروح دايما معاه والحفاظه لي الحين يلبسها وحاولت معاه حق الحمام بس يعاندني يعني إذا فيه شي ما يقول لي يبط جبدي

يحب تفريش الأسنان عنده فرشاة ومعجون باليوم 3 مرات يفرش ويحب يتحمم كل يوم يتحمم

والحين يعرف يفصخ ملابسه بروحها مأذيني مع هالسالفه ويا التكييف البارد بسرعه يمرض :(

<<<<<<<< حدها معاناة معاه

عطوني حل

يا هلا فيك مامتو لحمادينو
بالأول خبريني شنو معنى اسمك

بالنسبة للأكل انا اتبع اسلوب ما اعذب روحي ابد
الطفل متى ما جاع راح ياكل
فلا اتعبي نفسك من هالناحية
والحركة والعناد الله يعينك
مالهم حل اتوقع الا لما يكبروا يهدأو
انت حاول تخففين منهه اشوي اشوي
اشتري له العااااب وايد عشان يسهي فيهه

وحاولي معاه على الحمام انا بعد ما يقول بس كل ربع ساعه آخده عالحمام
يقول مافيني ما أبي
بس غصب آخده
واوديه الا يسويه لازم


ربي يسهلهه علينه بس

وانا بنتي مجننتني عندها العاب بالعبل وماكو فايده كل ما اروح مكان تلحقني حتى لو ادخل الحمام الله يعزكم

عمرها سنتين بس
وتلعب بالمويه وتكب على صدرها من المويه البارده ودايما تتعب وتدخل المطبخ وتلعب بالاغراض والمواعين
وتدخل غرفتي وتلعب بمكياجي واذا جيت اهاوشها تخاف وتهرب من قدامي وتاخذ وقت وترجع

مافيه فايده وافلام كرتون طول الوم شغاله بس ماتجلس عنده نهائي وماتنام الا لما الكل ينام انا وابوها واختها الصغيره
وتنام بالغصب بعد

واذا جلسنا ناكل تلعب بالاكل ولا تاكل ابدا

مادري وش اسوي معها
وش الطريقه الصحيحه عشان تكون مطيعه وتسمع الكلااااام

ساعدوني تكفون من جد تعبتني

صباح الخير امهات ...

انا عندي توأم بنات عمرهم سنتين و شهرين ...

مشكلتي معاهم ... ما يسمعوني مع انهم ما شاء الله يسمعوا دبيب النمله ... بس اذا ناديت عليهم يطنشوني خخخخخخخخخخخخ

الأولي عصبيه و عنيده و لم اقولها على اس شئ لا تزعل و ترمي كا اللي بيدها في وجهي بس تسمع كلامي ...

الثانيه مرجوجه طيبه و حبوبه بس تطنش و لو اقولها على شئ لاء تنسي بسرعه و تعيده ...

الأكل ... اخ هذا مشكله لحاله وحده ماشي حالهابس الثانيه متعبتني مره ... ما تاكل ار رز و دجاج بس خضار لآء ... اي اكل ثاني لا ... الله يعيني عليها ....

بديت اعلمهم ع الحمام بس مو مره شديده معهم لأني احس انهم لسه مو فاهمين ... اذا وديتهم يسون بس اذا نسيت انا ما يقولون ... شويه شويه لسه الصيف طويل ...

مامتو لحمادينو
المفروض انك موقفه الرضاعه من سنه ... انا كده سويت معهم بس النتيجه وحده عادي تشرب الحليب فى الكوب و الثانيه بطلت حليب مره ... بس علشان ما تخرب الأسنان ... اما البطانيه ... فالخير واجد بس تصدقي انا اموت على بنتي وهلا جاره بطانيتها وراها خخخخخخخخخخخ الثانيه ما تنام الا و 50 لعبه على سريرها .... دبدوبها و الباربي و دب لونه موف مسميته تونكل و بارني صغير و بيبي بوب و بي جي و دبسي و دب بلاستيك من ماكدونالد و كوالا دب كمان و الله تلاقي سريرها حوسه و لو نشيل شئ منهم تصحي فى الليل تشوفهم و اذا نقص شئ تصرخ تبغاه ...

بطني ... حرام لا تضربينها ... انا لما تعاندني بنتي اهدي نفسي و استخدم اسلوب الضحك عليها .. يعني اذا رمت لي الألعاب فى كل مكان ... اجلس ساعه لمي الألعاب طناش ... اقوم اقولها شاطره سوسو يالا نام الألعاب سوا و اسوي نفسي الم معها تيجي جري تشيل معليا و طبقي على معظم الأشياء ... بس الضرب عمري ما ضربتهم حتي اذا غلطت لأنها تصير تضرب عيال الناس بعدين ... هدئ اعصابك معهم الأطفال يبيلهم صبر ... اما العض واجهتني هذا المشكله بس فتره قصيره جدا ... انا بناتي يخافوا مره على زعلي خخخخخخخخخخخخ و مره عضتني و ما كلمتها يمكن نص ساعه و هي تبكي و تجي عندي و انا ابعدها و اقولها لا تكلميني... بعدها بيوم عضت دادتهم و كنت انا فى المطبخ خخخخخخخ و جت تصيح و انا ما ادري ايش السالفه المهم جت البنت تصيح سالت الداده تقول عضتني خخخخ جت تصيح خافت اني ازعل و زعلت بس قالت ماما سولي (سوري) و خلاص ما عاد عضت ابد و الحمد لله

صباح الخير بنات
انا عندي ولد عمره سنتين و7شهور
خوااااااااااااااااااااااااااااااااف وبس ياكل اصابعه
يمكن لان عنده اخوه اصغر منه بسنه
اذا رحنا لناس بس يلزق فيني خصوصا لو كنا اول مره نشوفهم وش اسوي له