اطباق قمر الدين *الخشاف *الحليب بالتمر *الخروب


اطباق قمر الدين

2
كوب عصير قمر الدين
2 معلقة كبيرة نشا
معلقة صغيرة فانيليا
زبيب – مكسرات مفرومة – جوز هند
الطريقة
دوبى النشا فى شوية ماء صغيرين
ضعى القمر الدين على النار لحد ما يغلى تروحى ضايفة النشا المزاب مع التقليب السريع وراء بعض
وتوطى النار يعنى تخليها هادية مع التقليب لمدة 5 دقائق ثم ضعى الفانيليا وتطفى النار بلى الاطباق اللى حنصب فيها القمر الدين بالماء الاول اغرفيها فى الاطباق وسيبيها لحد ماتبرد ثم ضعى رشة جوز هند و زبيب ورشة مكسرات او اى نوع مكسرلت لوحدة يعنى الزواق زى ما انتى عاوزة
وبالهنا والشفا


الخشاف


تين- قراصيا – مشمش – بلح – زبيب - سكر للتحلية
الطريقة
نحضر طبق غويط ونضع به كمية متساوية من التين (ممكن ترك التينة زى ماهى وممكن قطعها بالسكينة نصين او اربع) والمشمش (اذا كانت المشمشة كبيرة ممكن قطعها نصين) والقراصيا وكبشة زبيب والبلح (نكسر البلح لاجزاء او انصاص ونرش على وشه كله سكر للتحليه ونضع علية ماء ليغطيه ونقلبهم ونتركه من بليل للصبح حتلاقية نفش وطرى وجاهز للاكل يغرف فى اطباق صغيرة ويقدم عند الفطار او بعد الاكل
وبالهنا والشفا


البلح بالحليب


بلح ناشف – حليب – سكر حسب الرغبة
الطريقة
اكسرى البلح الى نصين والنص الى نصين كمان وضعية فى طبق غويط وعلية حليب يغطيه من بليل لتانى يوم لحد ما حتلاقى البلح طرى وعمل لون بنى فاتح جميل فى الحليب وبالنسبة للسكر ممكن اضافته للحليب وفيه ناس بتفضل التحليه الطبيعية للبلح ويقدم عند الفطور فى كوبايات
وبالهنا والشفا


الخروب


نص كيلو خروب
3 ليتر ماء
6 معالق كبيرة عصير ليمون (للسهولة بنحط معلقتين عصير ليمون لكل ليترماء)
3 و نص كيلو سكر
الطريقة
نغسل الخروب كويس وننشفة كويس وبعدين ندقة
ننقعة حوالى 12 ساعة فى حوالى لترين ماء وبعدين نصفية
نضع الخروب فى حلة على النار مع شوية ماء ونخلية لحد ما يغلى لمدة ربع ساعة
وبعدين نصفية تانى من الماء ونحط الماء اللى عندنا من التصفية الاولى للماء اللى من التصفية التانيةعلى بعض
شوفى الماء كميتة طلعت اد اية ؟ لو كان ناقص عن ال3 ليتر يبقى تزودية وازا كان مظبوط 3 ليتر خلاص
نضع السكر على الماء ونقلبة كويس وبعدين نحطة على النار لحد ما يغلى حوالى 5 دقائق
وبرضة تشيلى الريم كل ما يظهر بالمعلقة
نضع عصير الليمون ونسيبة يغلى تانى حوالى 5 دقائق
بعد ما يبرد ضعية فى زجاجات نظيفة
==========================================


دورت في الملف الرمضاني لقيت هذا بس

انا كان في خاطري عرقسوس فرحت جاد الله لقيت عنده سوبيا اول مرة اذوقها كانها حليب وتمر هندي فظيع كانة كركدي
شربت جاني اسهال
سألت ابو شقرا قاللى عندي كركدية بس وانا باحبه بس بينزل ضغظي وهو اصلا واطي

وسمعت مرة الشيف حسن قال يعمل حلقة خاصة عن المشروبات


وقلت في الملف الرمضاني الدوم حلو اوي عندك له صور ه هو الخروب
الخروب بودرة

والعصير اللى اعمله يقعد في الثلاجة كم يوم

وسلام يا احلى كحك وبيتي فور وغريبة يا شيف دينا
كل عام وانتى بخير والله يتقبل طاعاتكم وصيامكم وتشوفي الفرح كله

يا لهوي على الحلو اللى فاتني

ما صورتي لنا بسكوت النشادر الله يسامحك
باتوحم عليه

يا ريت شكل قمع البيتي فور اللى عمللتي فيه

حطينا الروابط اللى عملتي منة الحلو


وتسلمي

كل عام وانتم بخير ومشكوره حبيبتي دون على كل جهودك يا عسل