العيد يعنى رقاق باللحمة المفرومة ده اساسى وفته بالخل والثوم برضه اساسى وشوفى جنبهم صنف تانى تعمليه فى الفرن
وطبعا فى السلطات اساسى يكون فى تبولة عشان البقدونس بيساعد فى هضم الدهون اللى فى اللحمة

يا بنات عايزة طريقة بسبوسة حلوة عشان اعملها في اليوم الفري نفسي فيها بقالي فترة

فطومة انا موافقة على كلام نورا وخلي الفتة فتة عدس وممكن تعملي شوربة عدس وصنف خضار عادي يعني طاجن بامية بتليق اوي مع الضاني او ممكن ملوخية ورز بشعرية خلي الافتكاسات في صنف الحلو يعني حلو الجالاكسي بتاع نورا كان تحفة

السلام عليكم .. كل سنه و انتم طيبين ...حمد لله على السلامه يا دينا وحشتينى اوى اوى يارب يطمنا عليكى ويجازيكى الخير عن كل اللى بتعمليه لينا ...

اقولكم شوربه السمك.... بتجيبى ملعقه زيت وتشوحى فيها فص مستكه وبصله مقطعه وبعدين تحطى كوبين ماء تقريبا وتسبيهم يغلوا مع بهارات وملح وورقه لورا وبعدين باحط سمكه بلطى منظفه كويس وتغلى لمده 15 الى 20 دقيقه مع ترك الحله مفتوحه اخر 10 دقائق

فطومة اخبار العزومة ايه؟؟ هى هتكون امتى؟ ولا عملتيها خلاص؟
انا امبارح جتالى عزومةعشا مفاجئة بس الحمدلله لحقت نفسى بس كلنا على الساعة 11 على ماخلصت لانى بادئة بعد 9
عملت كبسة وفراخ محمرة وسلطة خضرا وبابا غنوج وشوربة فراخ بالكريمة وسلطة زبادى وبتنجان مقلى وهرسته مع طماطم مضروبة فى الخلاط مع خل وثوم وفلفل حامى ومعاها لحمة مفرومة والحمد لله عدت على خير وعجبت الكل

فى كمان طريقة تزيين كيكة بطريقة جديدة كنت جبتها من هنا من المنتدى واديتها لواحده وعملتها وطلعت حلوة قوى اسمها كيكة الطاووس لو حد عايزها يقولى وانا ادورله على الرابط بتاعها
وحلو تانى عامل زى فناجين الشيكولاته المقلوبة برضه حلو جدا خصوصا لو جايلك اطفال
اللى عايزة يقولى اكتبهوله