don :

بصى يا ست الكل بالنسبة لاى كنافه علشان تنجح معاكى تماما لازم لازم تخدميها كويس قوى بالسمنة يعنى كمية السمنة اللى عندك تدعكى بيها الكنافه كويس قوى بين ايديكى كويس قوى لحد ماتحسى ان الكنافه كلها شربت السمنة وبالنسبة للون دة يتوقف على الفرن بتاعك ضعى الصينية الاول فى النص اذا استوت كلها تمام يبقى خلاص واذا لقيتى الاجناب احمرت والوش ابيض يبقى تطلعيها فوق وعلشان تكون مضغوطة دة بيتوقف عليكى انك تكبسيها كويس بايدك واذا كانت بالمكسرات اكبسيها بغطاء حلة وكدة الكنافة حتطلع حلوة قوى جربيها بالراحه كدة وقوليلى ملحوظة انا وضعتلك صور الكنافه بالجبنة علشان تشوفى الخطوات بتاعتها وعلى فكرة هى هى مع اختلاف الحشو فقط الكنافة بالكريمة نص كيلو كنافة نص كوب سمنة كوب حليب معلقة نشا معلقة كبيرة قشطة شراب سكرى الطريقة زى ما قلنا قبل كدة ان احنا يا بنقصقص الكنافة بالمقص قطع صغيرة يا نضربها فى الكبة نسخن السمنة وندعك بيها الكنافة كويس لحد ما تحسى ان كلها اتبلت بالسمنة اضع الحليب فى حلة على النار لحد ما يغلى دوبى النشا فى شوية ماء صغيرين ثم ضعيهم فى الحلة على الحليب نقلب كويس لحد ما يتخن نشيلة من على النار ونتركه يبرد ثم نضع علية القشطة و الفانيليا ونقلبه ندهن صينية بالسمنة ثم نضع نص كمية الكنافة ونضغط عليها كويس بأيدنا ثم نضع الكريمة فوق الكنافة ونفرشها كويس فى الصينية بس ما تحطيش الكريمة فى طروف الصينية علشان ما تتحرقش وتسود ثم نضع نص الكنافة التانى ونضغط عليها ونضع باقى السمنة السايحة على الوش وندخلها الفرن لحد ما تستوى وتحمر بعد ما تطلع من الفرن على طول اسقيها بالشراب البارد وبالهنا والشفا كنافة بالجبنة نص كيلو كنافة ربع كيلو جبنة ركوتا سمنة معلقة كبيرة سكر معلقة كبيرة قشطة عسل (شيرة) 2 كوب سكر / كوب ماء / نص ليمونة . الطريقة: نقصص الكنافة صغير بالمقص او بالكبة او نقطعها قطع صغيرة باليد. نفركها بالسمن السائح لحد ماتحسى بأيدك ان الكنافة كلها مبلولة بالسمن. نهرس الجبنة بالشوكة ونضع عليها السكر والقشطة ونفركهم ببعض. ندهن الصينية بالسمن ونضع نص كمية الكنافة ثم نضع الجبنة على الكنافة بس لاتصل الى الاطراف علشان متتحرقش وتسود . نضع نص الكنافة التانى ونضغط الاول على اطراف الصينية داير مايدور ثم نضغط بالراحة على باقى الصينية ونضع معلقة سمن سائح على الوش . ندخلها فرن متوسط الى ان تحمر (بس مش قوى ) ونخرجها من الفرن ونسقيها بالشيرة وبالهنا والشفا

بصى يا ست الكل بالنسبة لاى كنافه علشان تنجح معاكى تماما لازم لازم تخدميها كويس قوى بالسمنة يعنى...

+1

don :