كهرمانة12 :

الف شكر يارانيا ياجميل علي تعبك معايا...هجرب ان شاءالله اللسان عصفور بالطرق اللي كلكوا قلتوا عليها بس فيه حاجة مفهمتهاش وانتي بتشرحي يعني انا اخلط اللسان عصفور بشوية صلصلة مش الصلصو كلها عشان هحط منها في البايركس مش كدة؟؟؟؟طب ايه اللي هيخليه يمسك في بعضه ولا هو اصلا مبيبقاش ماسك وشكرا يام ملك مجدي علي الطريقة الجميلة بتاعتك اسماء ام كلالة ازيك ياقمر....انتي بقي مقلتيش التفاصيل ياريت تقوليها والبشامل مبيبقاش تقيل؟؟؟ كباب الحلة ياستي سهل خالص....بكون مقطعة اللحمة قطع صغير بس مش اوي بحمرها في سمنة لحد مالونها يغمق وتتحمر واعلي عليها شوية عشان متنزلش مايتها واكون باشرة بصل كتير شوية بعد ماللحمة تتحمر احط البصلة وشوية ماء واتابعها لحد ماتستوي كل شوية ازود شوية ماية وقرب السوا احط الملح والفلفل بس في الاخر بيبقي فيها صوص غامق من لون اللحمة اهم حاااااااااااااااااااااااااجة بقي الفحمة من غيرها متبقاش كباب حلة اولع الفحمة واحطها فوق زبدة(انا بتكلم عالزبدة المصري اللي بنسيحها لاني بجيبها معايا من مصر) او قطعة عيش واقفل عليها فورا عشان اللحمة تاخد النكهة بتبقي جميلة جدا مع الرز لو كنتي بتسالي عن البيكاتا بالمشروم سهلة خالص برضو وبجد بتبقي جميييييييييلة جدا... هاتي الفيلية حطية علي النار مع الزبدة وقلبيه كل شوية واما يقرب عالسوا حطي عليه بصل مبشور وملح وفلفل وفي الاخر خالص بقي اما يستوي بكون جايبة علب المشروم الجاهز بشطفه كويس واقطعه اضيفه عاللحمة واكون جايبة علبه كريمة لباني بتاعة المراعي مكتوب عليها (كريمة الخفق)احط منها واقلب هلاقي صوص تخين كدة خلاص ودي هتلاقيها في التلاجات عند اللالبان تقريبا بعمل معاها رز زي رز الخلطة بس مش بالظبط بحمر الرز عادي لحد مايبق دهبي كله واحدقه بملح وقرفة وبعد مايستوي احط عليخ الزبيب ولو عندي مكسرات بحط ودة اسهل مالرز بالخلطة لان مش كل وقت عندي كبد وقوانص ومش كل وقت هبقي فايقة للرز بالخلطة ودي بتبقي تحفة والله جمييييييييييييلة جدا ام ياسين شكرا ياحبيبتي علي الترمس هبعتلك شوية بس يارب يطلع حلو خليني اجرب انا عملت امبارح البيتي فور التحفة بتاعك وزوقته بالفسدق والشوكولاتة الخام طلع يجنن والله شكله وطعمه ربنا يكرمك ياااااااارب

الف شكر يارانيا ياجميل علي تعبك معايا...هجرب ان شاءالله اللسان عصفور بالطرق اللي كلكوا قلتوا...

أم ياسين :

نرمين ........ بتحطى الينسون إمتى فى الترمس. رانيا ..... روعه الرز بالخلطه بس أنا كنت بشوف ناس بتحمر السكر و تحط عليه الكبد عشان تاخد اللون البنى

نرمين ........ بتحطى الينسون إمتى فى الترمس. رانيا ..... روعه الرز بالخلطه بس أنا كنت بشوف ناس...

رواء الاسلام :

السلام عليكم ازيكم جميعا و على فكرة انابرضه من الناس اللي اتنست يلا عادي اتعودنا على كدة المهم انا عايزة افكار منكم لان انا عندي مشكلة صغنونة كدة عمرو امبارح و هو بيلعب (قصدي بيتشعلق على الكرسي) الكرسي اتقلب بيه و نزل يا حبيبي ببقة على الطربيزة و طلبنا الاسعاف لان نزف دم كتير اوي و انا مكنتش عارفة الدم ده كله من ايه المهم رحت المستشفى و الدكتور لقى ان اللثة اتكشطت خالص يعني انا شايفة 3 سنات لحد الجدور المشكلة باه ان هو ممنوع ياكل سكريات او اي حاجة فيها منتجات البان او اي اكل مهروس زي البوريه او قرب منه و انا مخي وقف مش عارفة ااكله ايه يا ريت تفكرولي في حاجات علشان الفطار و العشاء و الفطار اساسا مفيهاش الحاجات ده

السلام عليكم ازيكم جميعا و على فكرة انابرضه من الناس اللي اتنست يلا عادي اتعودنا على...