رواء
الف سلامة على عمرو معلش يا حبيبتى العيال ياما بتشوف
ربنا يحفظهم ويحميهم يارب

بس غريبة اوى منع الالبان دى ..ممكن تنوعيله زى ما البنات قالو وممكن برضه تعملى بان كيا بتبقى حلوة للاطفال
والبيض برضه حاولى تنوعى فيه مرة بالطماطم مرة بالجبنة الشيدر او القريش او تهرسيه مع جبنة بيضة او بالسوسيس
واوقات بعمله زى البيتزا بخلط معاه شوية لبن طماطم وفلفل وزيتون وماشروم ورشة زعتر واحطه على النار واقلبه لما يستوى وارش جبنة موتزاريللا او شيدر واغطيه شوية لغاية مايسيح

كهرمانه
ما شاء الله البتيفور شكله يجنننننن
الحقينى بالطريقة

وعلى فكرة انا لسة مجربة لسان العصفور طلع تحفه وقطعته وكان ماسك لوحده من غير ماتكون الصلصة كتير


يابنااات عايزة اعمل عيش فينو تانى بس خايفة يفرول زى المرة اللى فاتت
تفتكرو لازم احط محسن خبيز وللا العيب كان من ايه؟؟؟؟

بنات محدش هنا

قولولى المفروض يتاكل ايه الاحسن جنب البطاطس البوريه
شوربات والا سلطات؟
وميكوشن فيه صنف تانى؟

حنونه
لسان العصفور سهل وف السريع جدا تحمريه فى حته زبده او سمنه الكميه الىل حتعلميها كلها على قد الصنينه وتخديه ترصيه فيها بالمعلقه نزليه عادى وسويه بالمعلقه وحطى طبقة اللحمه او الكبده العصاج ( الاتنين حلوين) وبعدين حطى طبقه لسان عصفور تانى مش لازم يكون مرتب زى المكرونه او مضغوط لآنه بيبقى مفرفر ومش ماسك وحطى باشميل ع الوش لو حبيتى معلقتين تلاته نزليهم براحه بس يكون خفيف وبعدين حطى الشوربه بشويش خالص عشان ميعملش حفره ف الصنييه لحد نصها كدا تبقى حسه انها كميه كفايه للسوى تقريبا 5 سم
ودخليها الفرن وراقبيها خدى حته بالمعلقه ودويقها لو لقيتها لسه ناشفه ذودى شوربه بس وبالعافيه طعمه لذيذ وخفيف

وثانكس ع طريقة اللحمه
بس المشروم انا مش بيحبنى خالص حجربه من غيره

اسماء
انتي اصدك في عزومه و لا انتي و جوزك؟
عامه البطاطس البيوريه بتبقي كاتها طبق جانبي يعني اعملي معاها مثلا مكرونه و كقته فراخ او قراخ بانيه
مش فاهمه انتي تقصدي ايه بجنتها شوربه و لا سلطه لان الشوربه و السلطه في ناس ملتزمه بيهم و ناس لاء في المناسبات بس
انا مثلا السلطه اساسي عندي كل يوم بانواعها و الشوربه بتبقي السبت و الاحد علشان دا الويك اند و بناكل علي السفره كلنا و في رمضان كل يوم برضه
معلش وضحيلي اصدك و انا ان شاء الله هاحاول اجاوبك

يارا
بصي انا باعمل الفينو مرتين في الاسبوع:44: و معنديش محسن خيز
انتي بتقولي انك جربتيه المره الاولانيه و طلع حلو صح يبقي انتي محتاجه مجرد تستمري تعمليه علشان تتعودي بس انا مش باحطه في الفريزر انا باحطه في التلاجه في كيس و اسخن منه في الميكروويف

رواء نسيت اقولك ممكن تعملي كيكه و باكلها علي الفطار او دونتس او حتي معجنات و قطعيها و انتي بتاكليهاله
ربنا معاكي و يطمنك عليه