بسيطة هدديهم ان لو حد منهم دخل المطبخ تحلفى ما انتى دخلاة ولا حتعمليلهم اى حاجة بعد كدة وخليهم بقى من غير اكل وعلى فكرة انا مقولتش حاجة :icon28:

تسلمى يارب وبالف هنا وشفا عليكم وتسلم ايديكى ..... بالنسبة لمقدار السمن حوالى 500ج سمنة سايحة


طب دة كلام يا كهرمانة ؟؟؟ طب دة الملافظ سعد لما انتى بتحتفلى بتبويظ الريجيم امال اللى مبيعملش ريجيم اصلا يحتفل بخيبته ازاى ؟؟؟:icon33:


بعد كدة لما كهرمانة تدخل كله ياخد ساتر :42:


عشان خطرك بس دعبستلك عليهم وجبتهوملك من هناك لهنا :42:

نهر الحياة

طريقة عمل المش فى المنزل

ساحاول كتابة مقادير رغم انى واثقة ان كل ربه منزل تستطيع عمله بدون مقادير

حضرى :- برطمان زجاجى كبير او يسع كميه الجبن الذى تريدين

5 ملاعق دقيق

شريط من القماش (( أى قماش )) يكفى للفة حول البرطمان

كميه من الجبن الابيض الجديد او القديم أو الجبن القاريش وسوف اكتب طريقة عملة واذا وضعتية فعليك

برشة بالملح وتركه اكثر من يوم لتنزع منة كل كمية الماء ويكون ناشف جدا

كمية الجبن حسب ما يكفى حجم البرطمان

مثلا :- 2 كوب شوب مرته


3 ملاعق سمن بلدى


5 كوب شوب لبن


ملح اذا احتاجتى له حسب تذوقك


3إلى 4 ملاعق فلفل احمر ناشف ((شطة)) حسب ذوقك


فلفل اخضر بلدى اوفلفل اخضر شطه (قرون )


بعض من قشور اليوسفى والبرتقال

الطريقة :-
فى اناء على النار ضعى المرته ومعها السمن البلدى
قلبى المرته وحمريها فى السمن حتى يصبح لونها احمر غامق
ضعى عليها اللبن واتركيها تغلى تلاحظى ان الخليط يصير قوامه مثلما تغلى اللبن ويروب على النار
اغليه حتى يكون قوامه غليظ نوعا ما
انزليه من على النار ثم اتركيه يبرد
اضربى الخليط السابق فى الخلاط + الشطة + الملح اذا احتاج الامر
احرصى ان يكون القوام سميك نوعا ما
ضعى الجبن فى البرطمان طبقة ثم ضعى بين الجبن الشطه الخضراء وقشور البرتقال واليوسفى
ثم ضعى المش فى البرطمان وحركي بهزة بسيطة حتى تسدى كل الفراغات واحرصى على ذلك
ويمكن وضع المش فى البرطمان ثم رص الجبن
قومى بملىء البرطمان ثم ضعى على فوهه البرطمان كيس من اكياس الثلاجةعلى قدر فتحه البرطمان
قومى بعمل عجينه من الدقيق اغلقى البرطمان بالغطاء ولفى العجينه حول الغطاء ثم ضعى قوق العجينه
قطعة القماش ولفيها جيدا وضعى بعض العجين على القماش من الطرف ولفيها حول البرطمان
اكتبى التاريخ على ورقه وضعيها على البرطمان لكى تحسبى مدة تخزينك للمش
اتركى البرطمان فى الهواء حتى ينشف العجين ثم خزنيه فى المكان المخصص للتخزين بمطبخك
يمكنك تركه لمدة 6 شهور وكلما زات المدة تكون النتيجه اجمل
عندما تقتحى البرطمان افرغى محتوياتة فى علب ثلاجة وضعى كل الكمية فى الثلاجة وذلك لضمان عدم
تعرضه لاى افات من التى تصيب المش
قد تكون طريقتى فى غلق البرطمان بدائيه ولكنها تحفظه من اى افة يمكن ان تصيبه
هذة هى الكونات ويمكنك تقدير الكميات حسب ما يترائى لك

ماشا الله

صباح الخير
كهرمانة اكتبيلنا الطريقة انا بعمله حلو وخفيف بس برضه عايزة اجرب طريقتك لو طلعت اخف هعتمدها عشان جوزى لما يخف ان شاء الله احتفل بيه واعملهوله

فاطمة انا فاكرة لما كنا بنجيب جبنة وتطلع حادقة قوى ماما كانت بتحط مربع كبير منها فى لبن وتغطيه فى التلاجة يومين تلاته بتتزبط ملوحتها

كهرمانة انا فعلا بعمل الارز بلبن بس بيبقى تقيل مش خفيف زي بتاع برة والاولاد بيقولولى كدة بس انا بقولهم هى دى الطريقة ايلى عندى
فلو عندك الطريقة اكتبيها ربنا يجازيكى كل خير

صباح الخير يابنات
انا جبت افوكادو وعايزة اعمله عصير بس اول مرة اعمله عايزة اسال بيضرب على طول فى الخلاط ولا بيتسلق الاول وبيتحطله حاجة غير السكر؟
طلب كمان لو سمحتو عايزة لينك الصفحة اللى فى الملف ده اللى كانت سبانش منزلة فيها طريقة العيش عشان دورت عليها مش لقياها