كهرمانة12 :

بالف هنا وشفا ياكوكي كويس ان الكيك عجبك هو فعلا جميل جدا زي الجاتوه ابلة ديناااااااا....تفتكري انا اجي جنبك ايه دة انا مبانش اصلا انا من زهقي وبدل ماطلع من جنابي بحب اجرب ولو الحاجة طلعت حلوة بحب اقولها هنا عشان الكل يستفيد زي مانا بستفيد منك ومنهم وحتي لو كلها تطبيقات وادينا بنساعد بعض و لاااااااااااااا شك ان انتي الاسطي الكبير بتاعنا ربنا يخليكي لينا فطومة..ازيك ياحبيبتي حبيبة كويسة الحمد لله مجنناني والله نورا ياقمر...الف سلامة علي جوزك ان شاءالله هيبقي زي الفل وتعمليله كل اللي نفسه فيه زيود....حبيبتي انا كنت عاملة تورتة ونزلت طريقتها هنا في الملف دة والكيكة الاسفنجية كانت اكتر من روعة ولعلمك كنت اول مرة اجربها وكانت خفيييييييييييفة وهشة جدا بس نورا فعلا قالتلك المفيد والكريم شانتيه اعمليه من قبلها بفترة ودخليه علي اعلي رف في التلاجة عشان عند الاستعمال يكون ماسك نفسه سلامي ليكوا كلكوا بس انا مش حافظة كل الاسماء والله بصو انا هكتبلكوا مقادير الرز بلبن زي ماكتبااها عندي بس انا لما باجي اعمل مش بلتزم اوي اوي بالمقادير ولما عملته كذا مرة بقيت اعرف بالويم كدة الكثافة اللي انا عاوزاهاا لرز بلبن الرائع: كوب أرز مصرى 3.5 كيلو حليب(انا بحط اقل ) ثمن كيلو كريمة لبانى كوب حليب بودر(بما ان الليب بيكون اقل من الكمية المكتوبة فبقلل كمية الحليب البودرة تقريبا نص كوب فقط وقيسي علي كدة الباقي) مستكة حبهان(حوالي 3 او 4 فصوص) قرفة الكمية علي حسب الرغبة 3كوب سكر(كل كوب شيلى منه ثمنه) بندق محمص مجروش الطريقة ـــــــــــــــــ يتم نقع الأرز فى كيلو حليب فى درجة حرارة الغرفة لمدة ساعتين ثم يرفع على النار وسط مع التقليب لمدة نصف ساعة مع إضافة المستكة والحبهان والقرفة وكيلو حليب أثناء التقليب ثم نغلق النار ونغطى الحلة وتترك نصف ساعة وسنجد أن الأرز شرب الحليب ونفش نقوم برفع الحلة على النار مرة أخرى ونضيف باقى الحليب والسكر(تزوقي قبا اضافة المقدار كاملا) ونستمر فى التقليب حتى نتأكد من تمام أستواء الأرز والوصول للقوام المطلوب حينها نغلق النار وننتظر قليلا ثم نضيف الكريمة ونقلبها مع الأرز باللبن سريعا ثم نضيف الحليب البودر ونقلب سريعا ثم نضيف قطرات من ماء الورد ونقلب الأرز باللبن ويتم غرفه فى الأطباق وتزين الوجه باي مكسرات متوفرة جوز هند بتدق لوز طبعا مجروشين انا بقي بحب احط المكسرات في قلب الرز بلبن جوز هند وجوز وبندق بعد تمام السواء وقبل الغرف في الاطباق بشيل الحبهان(وعلي فكرة دي اضافة من عندي اخدتها من واحدة بس مقلكوش الحبهان بيدي طعم قد ايه روعة والله انا استغربته جدا في الاول لما سمعته بس بقي سر من اسرار جمال الرز بلبن بعد كدة) كمان اكتر من مرة عملته بدون مستكة لانها بتبقي غالية شوية وبرضو طلع جميل جدا ومحطتش ماء ورد وطبعا قبل الغرف دوقي وشوفي لو محتاج سكر او قرفة و كمان عشان تتاكدي ان الرز استوي واخيرا......لو عندي ايس كريم بحط بولتين عند التقديم علي وش الطبق جربوه وبجد مش هتغيروا الطريقة دي لانها ممتااااازة وبكرر كل واحدة ممكن تتحكم في كثافة الرز بلبن علي حسب كمية اللبن

بالف هنا وشفا ياكوكي كويس ان الكيك عجبك هو فعلا جميل جدا زي الجاتوه ابلة...

la rosa :

شكلها حلوة ومتعوب عليها يا حنان بس بتاخد وقت طويل يعنى تنقعيها الاول ساعتين وبعدين تحطيها على النار نص ساعة وبعدين تطفى وتسيبيها نص ساعة وغير كده الكمية اللى كاتباها دى بتعمل كام طبق لان ماشاء الله كتير قوى انتى كاتبة 3.5 كيلو لبن يعنى مثلا لو حبينا نعملها بنص الكمية برضه هننقعها ساعتين الاول ولا اقل؟

شكلها حلوة ومتعوب عليها يا حنان بس بتاخد وقت طويل يعنى تنقعيها الاول ساعتين وبعدين تحطيها على...

ROSHANA :

la rosa :

روشانا جربى تنقعى الفراخ الاول نص ساعة فى مية سخنة وملح لمون وخل وتشيلى الجلد وبعدين لما تيجى تسويها قبل ما تحطيلها بهاراتها اغليها غلوة وارمى ميتها وبعدين حطيلها مية تانى وفيها البهارات اللى انتى عايزاها وسويها عادى انا بعمل كده وبتروح اى ريحة فيها عشان احنا مبنجبش غير مجمد دايما فالواحد بيخاف

روشانا جربى تنقعى الفراخ الاول نص ساعة فى مية سخنة وملح لمون وخل وتشيلى الجلد وبعدين لما تيجى...