امانى ايه يا عم الحركات دى افكار برضه

فطيرة الأمراء
المقادير الطبقة الأولى بيضتين نصف كوب سكر نصف كوب زيت 3 ملاعق حليب سائل فانيليا، 1 ملعقة صغيرة باكنج باودر كوب دقيق الطبقة الثانية علبة فواكه مشكلة مصفية من عصيرها الطبقة الثالثة 8 مكعبات جبنة قشدية (160 غرام مثل كيري أو غيرها) نصف كوب سكر نصف كوب زيت بيضتين+ فانيليا
الطريقة يخلط بالخلاط مقادير الطبقة الأولى ماعدا الدقيق والباكنج باودر ثم نضيفهما ويقلب بالملعقة الخشبية ويصب في صينية مدهونة بالزيت. .1ترص الفواكه المصفاة على الخليط السابق. .2تخلط مقادير الطبقة الثالثة جميعها وتوضع فوق الخليط السابق. .3مثل مالاحظتم أننا وضعنا الطبقات فوق بعض قبل خبزها وبعد الإستواء سنراها منفصلة بالترتيب وفعلاً فطيرة الأمراء فذوقها راقي ولذيذة. .4

صباح الخير يا حلوين

اخبار المطبخ ايه؟

لاروز
عايزين فعلا افكار للفطار انا ابنى مبقاش بياكل حاجة خالص عايز فاكهة وعصير بس
ادعوله ياكل اى حاجة لانى تعبت

لاروز

شوفي دول كدة وينفعوا للاطفال برضه

- مثلثات المرتديلا بالجبن
المقادير:
توست حسب الحاجة + شرائح من المرتديلا + شرائح جبن مربعات( سلايت المراعي ) +خس مقطع+حلقات من طماطم+
الطريقة:
ضعي طبقات من المقادير السابقة على قطع التوست ثم ضعي طبقة اخرى فوقها واقطعي بالسكين الحواف ثم اقسميها الى مثلثات ( ويمكنك ان تقدميها او ان تشويها بالشواية الكهربائية قبل التقديم )
------------------------------------------





2 - شندويشات بالخضار
المقادير:
توست حسب الحاجة + بطاطس مقطع حلقات ومقلية + خس + حلقات طماطم + جبن حلوم مقطع الى شرائح طولية
الطريقة:
نضع المقادير السابقة على قطع التوست بطبقات ثم ضعي طبقة من التوست واقطعي بالسكين الحواف ثم قسميها الى مثلثات وقدميها باردة او ساخنة بشوي المثلثات بالفرن او بالشواية الكهربائية


-----------------------------------------------

3 - مثلثات الخبز
المقادير:
خبز لبناني مقطع الى مثلثات + جبن بلدي مقطع الى شرائح رقيقة + اصابع مخلل الخيار المقطعة الى شرائح طولية + حلقات طماطم رقيقة + جبنة طرية لدهن الخبز
الطريقة:
تدهن مثلثات الخبز بالجبنة وترتب فوقها شرائح الجبن البلدي وحلقات الطماطم والمخلل ثم اشويها في الفرن او بالشواية الكهربائية مدة 5 دقائق وتقدم باردة او ساخنة .

--------------------------------------------
4 - مثلثات اللبنة بالشبنت
المقادير:
نصف شدة كزبرة خضراء مفرومة + نصف شدة شبنت خضراء مفرومة + فص ثوم مفروم + ملعقة صغيرة ملح وفلفل اسود مطحون + علبة لبنة + توست حسب الحاجة
الطريقة:
اخلطي المكونات جميعها وادهني بها قطع التوست ثم ضعي طبقة اخرى فوقها واقطعي بالسكين الحواف ثم اقسميها الى مثلثات وقدميها
--------------------------------------------
5 - صفائح التونة بالجبن
المقادير:
توست حسب الحاجة + علبتا تونة مصفاة من الزيت ومهروسة + ملعقتا مايونيز + ربع ملعقة صغيرة فلفل اسود مطحون + شرائح جبن سلايت
الطريقة:
اخلطي التونة مع الفلفل والمايونيز وادهني به التوست ثم قطعي الجبن الى شرائح طولية وضعيها على الخلطة بشكل علامةx وادخليها الفرن من اعلى وبمجرد ان يذوب الجبن اخرجي التوست وقدميه باردا او ساخنا

بالنسبة للتغير عن الساندوتشات للاطفال

مينى بيتزا
اى عجينة معتمدة عندك (انا بستخدم طريقة ال 10 دقائق)
بدهنها صلصة طماطم (عبارة عن طماطم وفلفة و 3 فصوص توم ورشة ملح ومعلقة كبيرة سكر ورشة زعتر ناشف فى الخلاط واسبكهم على النار لحد ما تنشف ميتها)
واحط على الصلصة جبنة شيدر او جودة مبشورة او موتزريلا لو عندى او خليط

بسسس عشان بناتى مش بيحبوا اى اضافات تانية على البيتزا :)

ولينا بقى ممكن ازود زيتون مقطع وسلامى وبصل حلقات وفلفل اخضر حلقات

وممكن نفس العجينة احط عليها مفروم معصج ورشة جبنة على الوش تبقى ظريفة برضه

وممكن خلطة تانية تونة مصفية من الزيت مع بصل اخضر مقطع صغير وزيتون مشكل مقطع صغير وعليهم رشة جبنة وعلى الفرن(بس ماتقولوش لنورا :))
---------------------------------------------------------------------------------------------------------------------------------

بان كيك
عبارة عن كوب دقيق
كوب لبن
2 بيضة
معلقة كبيرة زبدة
رشة ملح
معلقة سكر
واضرببهم فى الخلاط
واصب كبشة كبشة فى طاسة تيفال على النار

ممكن الاطفال ياكلوها حاف كده مغذية وظريفة بتبقى زى العيش بالنسبة لهم مع فارق القيمة الغذائية

وومكن تحشيها لحمة مفرومة او سلامى او جبنة مبشورة او حشوة سبانخ وتلفيها وحدات وتحطيها فى صينية فى الفرن خمسة بس على ما تسيح الجبنة (انا اسفة يا نورا عارفة ان كلمة فرن بتعملك حساسية :))
-----------------------------------------------------------------------------------------------------------------------------------

ممكن خيار جزر تفاح متقطع صوابع رفيعة زى صوابع البطاطس كده فى طبق بيبقى شكلهم حلو وسهل فى المسك والاكل

-----------------------------------------------------------------------------------------------------------------------------------
وفى اكلة ظريفة بس تنفع غدا اكتر ارز بسمتى بالخضار المشكل(بحط بسلة وجزر مبشور ووزهرتين قرنبيط مقطعين وبصل اخضر مقطع)

بشوح الخضار فى شوية زيت واحط عية شوربة يغلى واحط عليهم الرز واوطى
بيطلع تحفة ما شاء الله