لا روزا انا بانقع الرز فى ميه مغليه

مى مى وده بيخلصه من النشا بتاعه؟؟؟؟انا عايزة حاجه تقلل النشا فيه على قد ما اقدر

بنات عملت خلطة فراخ امبارح وطلعت لطيفة
بصلتين مبشورين وفصين تلاتة توم وعليهم بقعة زيت زيتون وملعقة صغيرة كسبرة وعليهم الفراخ متقطعة اربع وكلهم يتقلبوا على النار لحد ما البصل يصفر والفراخ تبيض من الناحيتين تكوني مقطعة بئى الخضار اللي تحبية بطاطس مكعبات - بسلة - جزر - كوسة وتحطيهم عليها وتزدوي حبة مياة صغيرين وتحطي فلفل وملح وكمان حبة كسبرة بس كدة وتسيبيها تستوي في المية اللي هتنزل من الفراخ وبعدين تدخليها الفرن تنشف سنة وبالهنا

ممكن يتعمل جنبها مكرونة اسباجتي او ارز وسلطة خضرا

انا امبارح عملت سلطه زبادي و طلعت تحفه و المحش طلع جميل جدا بدبس الرمان بس انا زودته شويه كان عاوز يبقي اقل من كده و عجب جوزي كمان الحمد لله و شكرا يا بنات علي طريقه سلطه الزبادي

طريقه السبيط المحشي جمبري

اولا الجمبري بيكون مقش كله بيتنقع ف صويا صوص و جنزبيل و توم و السبيط بيتسلق نص سلقه و يتنقع ف نفس الخليط بس ف طبق لوحده و بعدين بتجيبي بصله و تبشريها و تقليها ف الزيت و تحطي عليها فلفل الوان و بعدين الجمبري و تستني لما الجمبري ينزل ميته و بعدين تحطي معلقتين كاتشب عليهم و معلقه خل و معلقه سكر و حبه ملح و طماطم مقطعه صغير و لو ميته طلعت كتير حطي معلقه كبيره نشا و بعدين احشي السبيط بالخليط ده و دخليه الفرن و لفيه بورق فويل لحد ما يستوي
و بالهنا و الشفا