ميرسى يا بنات وانتو طيبين وبصحة وسلامة يارب
انا قلت ندلعه ونفك عليه الحصار انهارده وهو فرحان وحاسس انى هعمله وليمة ومستنى يشوف هيطلع منى ايه

رانيا والبنات فى بديل لموضوع الكيوى انه يغطى على اى حموضه فيه غير السكر البودرة؟
روشانا انا بالفعل هجيب ويبنج كريم ان شاء الله مش كريم شانتيه الاكياس لان طعمها بيبقى احلى ولونها ابيض احلى
مى وسبانش تسلم ايدكو على طريقة اللحمة انا كنت فاكراها كده بس حبيت اتأكد

طيب شوفو انا ناوية انهارده اعمل عشا على القد كده هجرب الفراخ الايرانى اللى بالمشمش المجفف بس يعنى الفرخة الكيلو احطلها كام وحده مشمش البنات اللى جربوها يقولولى
وعايزة اعمل قالب اللحمة المفرومة دى وكول سلو بالتفاح والاناناس وباذنجان مخلل وشوربة فراخ ومشروم بالكريمة
طبعا دول اللى فى دماغى وحسب وقتى ما يسمح ممكن الغى حاجه
كده اوكى ولا الاطباق الرئيسية مش كفاية؟ خصوصا ان لو وقتى مسمحش مع تزويق التورته كمان ممكن الغى نوع سلطة او الشوربة
حد عنده صنف بديل يكون اسهل؟؟؟؟
بالمناسبة باركولى يابنات باركيلى يا روشانا مش انا جبت فرن كهربا بس لسه مش عارفة استعمله قوى امبارح عملت العجينة الاسفنجية بطريقة دون وكانت تجنن فى الفرن وعالية وتحفة بس طفيت عليها وسيبتها ونزلت الشغل يغنى غبت اربع ساعات جيت لقيتها هبطت
هو طعمها حلو بس متنفعش
مع انى قلت اعملها من امبارح عشان انجز فى الوقت بس كده هعمل واحده كمان انهارده ربنا يستر وتنجح
تفتكرو اللى هبطها انى سيبتها فى الفرن مقفول عليها 4 ساعات؟؟؟؟اعتقد المفروض لا لانه مادامت استوت وسيبتها فى الفرن لغاية ما تبرد خالص المفروض متهبطش

يا بنات
مبسوطه اوي
ليا الشرف اني اكون ضيفه في الموضوع ده ابقوا شرفوني بالزياره انتوا كمان
http://forum.hawaaworld.com/showthre...1284329&page=3

نورا
مفييش اطباق رءيسيه يا بطاطس في القايمه بتاعتك انتي كاتبه فراخ و قالب لحمه مفرومه؟
و لا اصدك الفراخ بتبقي بالارز؟
انا راءي سيبي الشوربه و السلطه متلغيهومش
و اعملي طبق ارز او مكرونه او لازانيا و يبقي صغير مش لازم كتير
وواخد بس اما الفراخ او قالب اللحمه
مع التورته
كدا جميل اوي ان شاء الله لان انتوا 2 بس
و كل سنه و انتوا متهنيين يارب و يشفي جوزك ان شاء الله

انا ممكن اعمل خضار سوتيه جنبها اصلى مش عايزة نشويات لانه اكيد هياكل عيش مع الاكل ده فميبقاش نوعين نشويات ولسه التورتة يبقى كده اخر لخبطة
ايه رايك؟

حلو الخضار السوتيه
يعني انتي اساسي العيش علي السفره؟ طيب يبقي فعلا بلاش الارز
طيب ايه راءيك مادام عندك لحمه مفرومه ما تعملي محشي بطاطس باللحمه المفرومه بتبقي احلي كتير و هتشبع اكتر من الخضار السويته و في السريع المريع برضه يعني هتلحقي ان شاء الله
و ممكن بدل الكولسلو علشان المايونيز اعملي تبوله فيها خضار كتيير و بتشبع حداا
انتي اساسا ممكن تزودي من المقبلات الجانبيه بدل الارز زي مثلا فته الفراخ بتبقي بالعيش يعني مش هياكل عيش من بره تاني
ربنا معاكي يا جميل