مبروك العربية يا مى

ربنا يرزقكم خيرها ويكفيكم شرها و إن شاء الله تتهنوا بيها

تسلمي لي يا ميمي على طريقة البسبوسة

بارك الله فيكي

و البيتزا شكلها خرافة .. ما شاء الله .. والله يعطيكي العافية

يا جماعة ممكن حد يقولي طريقة الحجازية اللي بالقرفة والسميد ؟؟

شوفوا كده وقولولى رايكم
بحاول اريح نفسي من التفكير كل يوم هاعمل ايه لبكرة

قعدت النهاردة كتبت شويت قوائم افطار بسيطة كده على قدى وعلى قد قدراتى المتواضعة فى المطبخ

والاهم انها سريعة ومش بتاخد وقت لانى معنديش وقت :)


بفكر انزلها فى موضوع لوحده بمكن حد يستفيد منها حاجة

بس بعد اذنكوا هاحطها هنا اخد رايكم فيها الاول :




======================افطار====================
ارز ابيض+فراخ محمرة+ملوخية+لسان عصفور

أرز ابيض+بسلة+لحمة+شوربة

ارز ابيض + شوربة خضار+لحمة

ارز بالشعرية+كوسة بجزر مبشور +لحمة او فراخ محمرة

ارز بالشعرية+بامية+لحمة

ارز بالشعرية+سبانخ باللوبيا+لحمة

ارز بالشعرية+بامية+لحمة

ارز ابيض+صينية بطاطس فى الفرن+لحمة او فراخ

ارز ابيض+مسقعة باللحمة المفرومة+لحمة+شوربة

كشرى اصفر+شوربة عدس+باذنجان مقلى بتقلية طماطم

كشرى
(ارز بعدس اصفر +عدس اسمر +مكرونة+بصل محمر+دقة)

مكرونة باللحمة المفرومة بولونيز+شوربة

صينية مكرونة نجرسكو بالفراخ المسلوقة والبسلة المسلوقة

كبدة اسكندرانى وبطاطس محمرة وعيش وشوربة نودلز

سجق بصوص (طماطم وفلفل وبصل وتوم)+ مكرونة اسباجتى او عيش وطحينة

ارز ابيض+سمك مقلى+سلطة خضرا

ارز ابيض+سمك مشوى+سلطة خضرا

ارز ابيض+صينية سمك بالبصل والتوم والطماطم والفلفل

بريانى فراخ
فراخ + ارز بسمتى +خضار(بصل+بسلة+جزر+بطاطس)

بريانى لحم

مكرونة محمرة +كفتة فى الفرن بطشة فحم

مكرونة اسباجتى +بفتيك بانيه+ سلطة خضار روسي

ارز ابيض+فرخة مقطعة فى كيس فرن بالخضار(بذنجان+كوسة +جزر+بطاطس+بصل+بسلة)

فتة شاورمة لحم +شوربة

شاورما لحم او فراخ + ارز بسمتى او مصرى بالخضار(بسلة وجزر)

ارز ابيض مع كفتة داود باشا بالدمعة

ارز ابيض+ حمام محشى بصل+بطاطس بالسلق والليمون

لحمة كباب حلة بالبصل بطشة فحم +ارز ابيض او عيش بلدى

فرخة متبلة مشوية فى الفرن ومعاها بطاطس محمرة وعيش وسلطة طحينة وبابا غنوج

لحمة باردة ترنشات + ارز اسبانى(بالفاصوليا الحمرا وبصل اخضر وخلطة ميلرز )+ شوربة

ارز ابيض+ صينية كوسة محشية لحمة معصجة وبطاطس محشية لحمة معصجة وتسقى بعصير الطماطم فى الفرن



ملحوظة عامة :

مع اى خلطة او طبخة او اى تسبيكة طماطم اضيقى قليل جدا من السكر ربع معلقة مثلا لاضافة طعم جميل

اضافة بشر جوزة الطيب مع اللحم المفروم يعطى نكهة ورائحة رائعة سواء كفتة او عصاج

====================الحلو==================

قطايف محشية ريكوتا

كنافة محشية مهلبية

خشاف(بلح منقوع فى لبن)

ارز بلبن مع كرات ايس كريم على الوجة

جيلى

سلطة فواكة الموسم مع وحدات كريم شانتية على الوجه

====================عصائر===============

كركدية

مكس تمر مع كركدية

عصير مانجو

عصير ليمون فى الخلاط (ممكن اضافة لبن ونعناع اخضر)

عصير كنتالوب

عصير بلح باللبن

جوافة باللبن

ملحوظة عامة :

مع اى عصير اضيفى قليل من قطرات الليمون لابراز النكهة

مع بعض العصائر مثل الليمون والكنتالوب والجوافة والبلح اضافى اللبن يعطى مذاق افضل وقيمة غذائية اعلى

====================مخلل وسلطات==================

بدنجان مخلل
(يسلق البذنجان الاسود الرفيع نص سلق ويوضع فى ماء وملح وتوم مفروم وخل مع قطع فلفل حامى)

خيار مخلل
(يوضع الخيار فى ماء وملح وتوم مفروم وشطة وفلفل حامى ترنشات)

طماطم وخيار كله حلقات بدقة توم وخل وليمون وملح وفلفل وكمون

سلطة خضرا(طماطم بصل خيار فلفل جرجير مقطع صغير ومتبل بملح وفلفل ورشة زيت وليمون )

سلطة خضار روسي
نسلق بسلة وجزر وبطاطس وفاصوليا نصف سلق
نصفيهم
نضيف ملح فلفل مايونيز مستردة ونقلب

سلطة كول سلو
كرنب سلطة مقطع وجزر مبشور
فى طبق نخلط مايونيز معلقة سكر ملح خفيف معلقة زبادى
ثم نضيف الخليط على الكرنب والجزر

سلطة طحينة
طحينة وميه ساخنة نقلب جيدا بحيث تختفى تماما الطحينة فى الماد ثم نضيف ملح وفلفل وعصير ليمون وخل

سلطة باباغنوج
نشوى باذنجان بقشرة وبصلة بقشرها على الشياطة فوق البوتجاز العادى
ثم نقشرهم ونضعهم فى طبق غويط مع معلقة كبيرة طحينة ومعلقة زبادى وملح وفلفل وكمون وعصير ليمون ونقلب جيدا بشوكة


سلطة زبادى
زبادى وخيار مقطع صغير ونظبط الملح

======================سحور===============

جبن انواع بيضاء ورومى وشيدر

عسل ابيض

بيض مسلوق او مقلى

فول بالبيض

شكشوكة بيض

جبنة بالطماطم

فول بتقلية طماطم

فول بالزيت والليمون

سمبوسك مقلى

مسقعة بدنجان وبطاطس وفلفل وطماطم

بيتزا
بالفرخ او الخضار(بصل فلفل مشروم) او هوت دوج

فطائر محشية خلطة اجبان او هوت دوج او خلطة جبنة بيضا

طعمية

قرص طعمية بالبيض

بذنجان مقلى

توست بالبيض البقدونس ونشوحة فى طاسة تيفال بذبدة خفيفة

ساندوتشات هوت دوج وكاتشب ومايونيز

ساندوتشات هامبورجر بالكاتشب والمايونيز

ساندوتشان سجق

ساندوتشات كبدة اسكندرانى

ساندوتشات عيش سورى بشاورما فراخ او لحم

صنية جلاش بحشوة خضار الوصفة تحت


======================مقبلات====================

سمبوسة
فلفل ملون +بصل اخضر+زيتون+خليط جبن شيدر موتزريلا رومى
او
جبنة بيضاء +فلفل ملون+بقدونس+(نعناع)

كبة بطاطس ورز محشية لحمة معصجة

صنية جلاش الحشوة
فلفل الوان + بصل اخضر + طماطم +زيتون + بسطرمة او هوت دوج او سجق باقى عندك(بس انا بفضلها اكتر بالبسطرمة) + خليط اجبان كلة مقطع صغير
وندهن بين الطبقات بذبدة خفيفة خالص او لحسة سمن ونحطة فى الفرن يحمر اكب علية كوب لبن مضروب معه بيضه
وملح وفلفل وادخلة يكمل سويه

نورا الصور مش طلعت عندى :(

معلش هاتتطرى تعمليهم تانى وتبعتهوملى بقى وهاديكى العنوان :)


تصدقى بالله يا نورا انا 3 مرات اكتب رد طويل اباركلك فيه على الفرن ومرة النت فصل ومرة الجهاز هنج ومن شوية بنتى العزيزة معدية جنبى وبمنتهى البراءة داست على بور


بقولك ايه عامة مبروك

صبحكم ربى بالخير يا احلى بنات

تسلمى يا قمر اللهم آميييين ايه الشغل الجامد ده يا روش حلوة جداً و مفيدة للغاية ربنا يكرمك و منظمة و سهلة نزليها موضوع و انا ربنا يكرم ابتديت احضر كام اكلة من بتوع ميكى ماوس ينفعوا احطهم معاكى فى الموضوع اتصل انا بنتى عندها بطولة ان شاء الرحمن بعد رمضان فحكون مطحونة شغل و تمارين محتاجة ديزنى لاند كلها مش ميكى ماوس بس:39:


ايه الاختراعات دى ما شاء الله شكلها يهبل جوعتينى عايزة عجينة العشر دقايق و سؤال انتوا بتشيلوا الخميرة بعد الفتح فى التلاجة ولا برة انا بجيب خميرة فورية تركى ساعات مش بلاقى باكيتس صغير و باضطر اجيب عبوة كبيرة مرة حد قالى ان الخميرة بتبوز فى التلاجة بس مش عارفة اسيبها برة فى الحر دة مش يحصلها حاجة افيدونى الله يكرمكم
مبروك العربية يا مى

ربنا يرزقكم خيرها ويكفيكم شرها و إن شاء الله تتهنوا بيها


اللهم آميييييييين ربنا يخليكى يا جميلة
خلاص يا بنات حجيب جاااااااااااااااهز