مصرية رقيقة :

شيري المكرونه بالباشاميل بلجلاش طريقتها زي المكرونه بالباشاميل بالظبط بس تحت جلاش بس صح ؟ يعنى المكرونه الباشاميل العاديه طبقة مكرونه وطبقه لحمه وطبقه مكرونه وطبقة باشاميل في الاخر يعنى كده بالظبط بس تحت نص باكيت جلاش صح ؟

شيري المكرونه بالباشاميل بلجلاش طريقتها زي المكرونه بالباشاميل بالظبط بس تحت جلاش بس صح ؟ يعنى...

sama_sehab :

ماشاء الله تبارك الله ام كريم تسلمي على المعجنات الجميله طير الحرم الف سلامه عليكي دينا الف سلامه عليكي الم الودان صعب ربنا يشفيكي ويعافيكي مرمر ماشاء الله تسلم ايديكي النهارده خليت فراخ لان مش بيوصل عندي فراخ مخليه وتبلتها كالاتي وشلتها في الفريز البانيه عملت الصدور شرائح رقيقه +عصير بصل +عصير ليمون +فلفل اسمر+رشة جنزبيل+ م زبادي بيطريها واوقات باحط معلقتين حليب لو مش عندي زبادي+توم مفروم شيش طاووق اخدت الجزء العريض من الورك مش عارفه اسمه ايه والدبابيس شيلتها علشان بنحبها بالكورن فليكس وخليته وقطعته قطع كبيره كوب زبادي +توم مفروم +بصله مفرومه +كاتشاب +م صلصه +بابريكا +عصير ليمون +فلفل اسمر +رشة جنزبيل باحب احطه في كل حاجه (انا لو هاعمله تاني يوم باقطع معاه مربعات فلفل اخضر وبصل وطماطم علشان تشرب من التتبيله لكن علشان فرزنته ما حطيتش) شاورما الطريقه دي من فتاة المستحيل هنا في المنتدى سهلللله وخفيفه واعتمدتها قطعت الصدور شرائح صغيره +عصير ليمون+خل +توم +فلفل اسمر +رشه خفيفه جوزة الطيب( الحقيقه لسه باستخدمه واتمنى تادو لو تقدر تتاكد لنا من موضوع الحرمانيه وتاخد لنا فتوى من احد شيوخ السعوديه) الطريقه بتتشال في التتبيله قبلها بيوم في التلاجه وتاني يوم توضع في صينية فرن وعليها حوالي ربع فنجال زيت زيتون انا وتغطى بورق فويل وتدخل فرن نولع من اسفل فقط وبعد ساعة نولع من فوق كمان علشان تتحمر وطبعا تعمليها ساندوتشات بخبز الصاج مع الطحينه والبقدونس والخيار المخلل او الاضافات المفضله شاورما الزبادي شرائح صدور دجاج+معلقتين بصل مبشور+خل +رشة قرفه +رشه خفيفه حبهان مطحون+رشه خفيفه قرنفل مطحون+رشة جنزبيل +زبادي في طاسه على النار نضيف الفراخ بتتبيلتها لحد ما تنزل ميتها وتستوي والميه تنشف ننزل عليها بشرائح بصل وفلفل اخضر ثم طاطم كاريهات صغيره وتلف في الخبز زي اللي قبلها هي تتبيلات سهله ومعروفه بس قلت ممكن واحده من اخواتي تحتتاج لها سيلفانا ماشاء الله شكل الوصفه رووعه بس للاسف المكان هنا لايصله اي كائنات بحريه ان شاء الله اجربها لما ننزل مصر اجازه

ماشاء الله تبارك الله ام كريم تسلمي على المعجنات الجميله طير الحرم الف سلامه عليكي دينا...

hamdy916 :

البقاء للة يا ايمان سيلفانا انا ماما كنت واخدة منها طريقة كفتة حلوة اوى ومش بتفك بتجيبى اللحمة المفرومة تبشرى عليها بصلة وتقطعى كسبرة خضرة عليها وتفضلى تفركى جامد اوى فى الكفتة لحد ما تحسى انها اتجانست مع بعض وبعين تجيبى صنية وتتدهنيها سمنة وتصبعى الكفتة وتحتيها فيها وبعدين تحطى فى الصينية ماء لغيت لما تغطى سطح الكفتة وتغطيها وتعطيها على النار لما الماء ينشف هيتفضل السمنة اللى فى اخر الصينية تروحى مشوحة فى الكفتة وتقعدى تهزى الصنية كل شوية علشان الكفتة تاخد لون جربيها ومش هتندمى

البقاء للة يا ايمان سيلفانا انا ماما كنت واخدة منها طريقة كفتة حلوة اوى ومش...