كوبونات الراقية تسجيل الدخول

*فراشةالربيع*
*فراشةالربيع* •
الطوفي التقيل مناسب للحشو
بطريقة غير التقلدية اللي هي كريمة وسكر محروق

نفس طريقة ا لحليب المكثف بس تضيفي مع البن والسكر رشة بيكربونات الصوديوم
وممكن معلقة عسل نحل أو معلقة جلوكوز
فايدتها إن التوفي السكر مش يتبلور فيه بعد مايبرد
تحطيهم على نار هادية لحد مايتقل ويتغير لونه بيغمق شوية مع التقليب كل 5 دقايق
تطفي عليه وتضيفيله معلقة زبدة كبيرة مليانة
وتقلبي كويس لحد ماتدوب وبس
كتكوتة كتكوتة
كتكوتة كتكوتة •
*فراشةالربيع* *فراشةالربيع* :
طريقة الدريم ويب المنزلية هي نفسها الميرانج الإيطالي اللي قلتلكم عليه هصللي المغرب وأرجع أكتبلكم طريقة الحليب المركز والتوفي الصوص واللزج اللي ينفع للحشو
طريقة الدريم ويب المنزلية هي نفسها الميرانج الإيطالي اللي قلتلكم عليه هصللي المغرب وأرجع...
أم كريم
جزاكي الله خيرا على الوصفات


ما شاء الله عليكي يا فراشة ده إنتي لازم تعملي كورسات في الحلويات و أنا أول تلميذة هاحضر :26:
يا ترى جربتي توابل الشيبس ولا لسة يا ريت بعد اذنك لما تجربيها تعرفينا وكمان الطريقة إزاي


تسلمي على الحاجات الحلوة دي عاوزين افكارك في حشوات و تزيين التورتة من الأول للاخر


ابلة دينا
رحاب لسة في مصر بس الشبكة وحشة اوي عندها جوزي كلم جوزها امبارح و طمنا انها و النونو بخير الحمدلله


كل عام و إنتي وكل البنات بخير ويكرمك يا مها و يقر عينك بالذرية الصالحة


أنا قاعدة مستنية أهو وربنا يتقبل يا جميل
ذكرى الورد
ذكرى الورد •
يعطيك العافيه
*فراشةالربيع*
*فراشةالربيع* •
صوص الكراميل
مناسب للأيسكريم والتزيين العشوائي
ده طريقة عملتها قريب غير طريقتى القديمة
3/4 كوب من السكر
2 معلقة كبيرة حليب بودرة
كوب من الماء
إعملي الحليب البودرة مع الماء عادي سخنى المية بس ماتغليش دوبي الحليب وإتركيها على جنب
إحرقي السكر بس إوعي يغمق منك قوي خلليه دهبي غامق
إبعيه عن النار ضيفي كوب الحليب المجهز رجعيه على النار وقلبي لحد مايدوب السكر
هدي النار وسيبيه لحد مايتقل قبي كل شوية
خللي بالك برضوا إنه هيتقل أكتر بعد مايبرد جربي كده تحطي معلقة في طبق بارد وتشوفي لو لاقيتيها قوامها كويس طفي لولسه سااايل إستنى شوية

قولوا بقى تفرق إيه عن الطرق التانية اللي هي بالقشطة أو باللبن الطبيعي؟؟؟؟؟؟؟؟؟؟؟؟؟؟؟؟؟؟؟؟؟؟

أقوللكم أنا جربت كل الطرق والطريقة ده طعمها أحسن بكتير من اللي بالقشطة بجد تحفة
اللبن البودرة بيطلع الكراميل معاه لمعته أحلى وصافي أكتر من اللبن الطبيعي
توافر اللبن البودرة أسهل من اللبن الطبيعي حتى لو جبتى الكيس الصغير ده أبو جنية


شوفوا الصورة ده بس أنا مش تقلته قوي عشان كنا بالليل و كنت عايزة أنااام
231220091645

كمان لونه أحلى من كده بس التصوير مغير شكله شوية
كتكوتة كتكوتة
كتكوتة كتكوتة •
أنا كاتبة الطلب ده في ملف فيدي بس قلت احطه هنا عشان الملف هناك بينش

لو سمحتم يا بنات كنت عاوزة أعرف اسعار قوالب الكيك و الصواني البرستيج في مصر و بتتباع فين في مدينة نصر و هل فيه أنواع تانية أحسن ولا دي كويسة؟
يا ريت تردوا عشان واحدة صاحبتي محتاجة تعرف ضروري