المندي
المقادير
لحمه او فراخ حسب الرغبه
بصله متوسطه -فص واحد توم-مكعب مرق ماجي او في في الخليج حاجه اسمها ملح جاوى نحط منه ملعقه صغيره-زيت-رز بسمتي
البهارات
ملح -فلفل اسود- ورق غار -فص حبهان-كركم
الطريقه
نجيب الحله ونحط فيها شويت زيت صغيرين يعني 2ملعقه كبيره زيت ملعقت اكل
ونقطع البصل شرايح رفيعه ونقطع فص التوم قطع صغيره ونحطه في الزيت لحد ما يتشوح اوعي ياخد لون يدبل بس نحط عليه اللحمه او الفراخ ونشوحهم
ونكون غلين ميه ونحطها عليهم ونضيف الملح والفلفل وورق الغار وفص الحبهان لحد ما يستوي
ونكون نقعين الرز قبل الطبخ بنص ساعه
وبعدين ننشل اللحمه او الفراخ ونخلط نص ملعقه صغيره كركم وحبة زيت وندهن بيها اللحمه او الفراخ ونحطها تحت الشوايه لحد ما تاخد لون
ونحط الرز عادي خالص على كل كوباية رز كوبايه ونص شوربه الي احنا عملناها من شويه ونحط في الشوربه ملح الجاوى او مكعب الماجي وتولعي على الفحمه والرز بيستوي ولمه ينشف الرز هتكون الفراخ او اللحمه اتحمرت والفحمه ولعت وبقت جمره هنجيب فنجان ونحط فيه نص ملعقه كركم وملعقتين ميه ونقلبه كويس ونحطيه على جنب واحد من الرز وهوه بيتردد على النار يعني على نار هاديه وتكون الميه بتاعت الرز كلها نشفت يعني الرز خلاص هتنزليه من على النار كمان خمس دقايق
وترصي الفراخ او اللحمه على وش الرز بعد ما حطيتي الكركم وبعد ما تكون الفراخ او اللحمه اتحمرت وتعملي في نص الحله حفره وتجيبي فنجان وتحطي فيه شوية زيت وتجيبي الفحمه المولعه وتحطيها في فنجان الزيت وتغطي الحله بسرعه علشان الريحه بتاعت الفحمه وتسيبهم خمس دقائق من غير ما تفتحي عليها الحله وبعدين دوقي وبالف هنا وشفى
للاخت عاشقه مكه من فتاكت علي فكرة الطريقه دي ممتازة جربوها علي ضمانتي .
فراشه الربيع
شيرين ام ادهم مأممنانى اوصلك سلام وشكر جامد لانها جربت الجبنه الكريمي بتاعتك وعجبتها جدا وبتقول انها في السندويتشات وهمممم
ده طبعا للامانه
وانا ان شاء الله جربها قريب واقولك الاخبار
شيرين ام ادهم مأممنانى اوصلك سلام وشكر جامد لانها جربت الجبنه الكريمي بتاعتك وعجبتها جدا وبتقول انها في السندويتشات وهمممم
ده طبعا للامانه
وانا ان شاء الله جربها قريب واقولك الاخبار
فراشه ماشاء الله عليكي ربنا يحفظك ومستنيين التشيز كيك ان شاء الله وكنت باسال فعلا ينفع قشطة العلب زي التاج ونستله؟
ام كريم ماشاء الله ايه الجمال ده وما قلتيش عجنتي بميه ولا حليب؟ كمان تقترحي حشوات ايه حلو ومالح للعجينه دي
كتكوته ياريت من فضلك طريقة الحواوشي اللي عملتيها
ابله دينا ربنا يديكي الصحه ويحفظك
مصريه رقيقه وحشاني ليه مش بتيجي هناك وحشانا
ام كريم ماشاء الله ايه الجمال ده وما قلتيش عجنتي بميه ولا حليب؟ كمان تقترحي حشوات ايه حلو ومالح للعجينه دي
كتكوته ياريت من فضلك طريقة الحواوشي اللي عملتيها
ابله دينا ربنا يديكي الصحه ويحفظك
مصريه رقيقه وحشاني ليه مش بتيجي هناك وحشانا
الصفحة الأخيرة
ممكن تكون خبز او ممكن تكون فطيرة محشية جبنة لحمة او سبانخ او بحشوة السينامون
انتم و ذوقكم
لكن نتيجتها تجننن
كل ماسبق للاخت ام البنات من لك ربنا يباركلها وجزاها الله خيرا .