اخر مغامراتى (جت بالصدفة والله بس استغليتها اسوء استغلال)

روحت هايبر وان لاول مرة فى حياتى

بس تحفة تحفة من هنا لبعد بكرة عجبنى جدا احسن سوبر ماركت روحته فى مصر

جبت من هناك اخيرا وبعد طول انتظار صدر رومى خليت الرجل لفه بدوباره وروحت عملته زى عرق اللحمة وقطعته ترنشات رفيعة ما شاء الله جميل وينفع فى الساندوتشات الصبح زى االلانشونات الجاهزة مع فرق النضافة ونوعية اللحمة طبعا وارخص


ولقيت حاجة جديدة عليا جدا بس جبتها اجربها قال اية يا بنات خير اللهم اجعلة خير رقبة الديك الرومى ناس كتير عمالة تشترى فيها هات 2 واقطعة هات 3 واقطعة هات واحد وانا واقفة عمالة ابصلهم قمت قايلة للراجل انا كمان هاتلى واحد واقطعة :) اشنعنى انا يعنى

فى ثوانى كانت الكمية اللى قدام الرجل خلصت سألت الست اللى جنبى بتعملوا بيها ايه دى قالتلى بنسلقة بيبقى جميل جدا او بنعمله ببصلة فى صنية فى الفرن ينشف بميتة وما شاء الله بيبقى فيه لحمة

وسعرة رخيص اوى ب 15 الكيلو والرقبة يوزنها وزى ما تطلع

انا جيبتة سلقتة فى بصل وحبهان ومستكة لسة ما اكلتش منه بس مبدئيا شوربته طعمها حلو

عايزة افكاركم للشوربة اعمل بيها اية ولا اقدمها كده وخلاص مع ليمون

وبالنسبة للرقبه هاشوحها فى حته زبدة وفص توم وهوافيكم بالنتيجة ان شاء الله


يا دينا عيزين نعمل حمله يعملولنا هايبر وان فى مدينة نصر :( اصل انا مش عاعرف اروح تانى والصدفة مابتتكررش

قال

مبروك الملف الجديد يا بنات

اللهم بارك لنا فى ملف الجديد ...دينا الف حمد لله على السلامه ودايما مجمعانا على الخير وفى ميزان حسناتك ان شاء الله

ام كريم تسلم ايديكى ممكن طريقه التشيز كيك مستنيكى ما تتاخريش

ايه يا روشى الحركات الجامدة ديه بس
بالهنا و الشفا و بالنسبة للشوربة اعملى عليها ملوخية او كشك او ممكن شوربة بفارخ بالكريمة و الماشروم هتبقى حلوة اوى

و مستنين اخبار الرقبة بتاعت الديك الرومى

أبله دينا مبروك الملف الجديد و ربنا يديكىالصحة و العافية و تفدينا دايما
و شوفتى رشا بتطالب انهم يعملوا هاير وان فى مدينة نصر

اغيظها بقى :p زى ما كنتو بتعملوا معانا فى التوبر وير و لا ايه رأيك ؟؟:hahaha::hahaha::hahaha:

اممممممممممممم اخيرا لقيت الناس المختفيه ....دينا صباح الفل وحشاني جدا وليه مش بتدخلي المضيفه زي زمان

مني ....عامله ايه وروان اخبارها ايه فينك ؟