مين امانى هيا معانا هنا فى الملف :35:
بس اشوفك يا رشا :mad:

ازيك يا حنون وحشانى خالص وبالنسبه للكيكه دى جربتها من كام يوم وكانت حلوه اوى تسلم ايدك:39:

اهداء لمحبيى مربى البرتقال زييييي بعد الفحص والتمحيص عن طريقه حلوه للمربى استقريت على طريقة اسامه السيد لان اغلب الطرق كانت من غير قشر البرتقال وانا بحب طعمه وطعم المزازاه اللى بيديه للمربى المهم امبارح عملتها وطلعت تحفه يا بنات والله من حلاوتها بقيت اكلها بلمعلقه وشكلى ادمنتها خلاص زى ما شيرى ادمنت الحلاوه انصحكم تجربوها وتدعولى بالنسبه للمقادير بتاعتى

2كيلو برتقال ابو سره وكيلو وربع سكر انا مش بحب اكتر السكر ونص لمونه وكم وحداية قرنفل لاعطاء مزيد من النكهه
فى الاول تقشرى البرتقال بالمقشره او بسكينه حاده على قد القشره الخارجيه من غير الجزء الابيض وطبعا الجزء الابيض مش ترميه اعملى بيه فروته مسكره بتاعة فراشه وبعدين تروحى مقطعه القشر لقطع صغيره وحطاها فى ميه تتسلق اول ما تغلى تشيلى القشر وتصفيه من الميه بتاعته وتحطيله ميه بارده وتفضلى تغير الميه كل نص ساعه تلات مرات على الاقل لحد ما المرار يروح فى اثناء ده تكونى مقطعه البرتقال لقطع كبيره وحاطه السكر عليه لحد ما تجهزى القشر بعد كده هتلاقيه منزل ميته تحطيه على النار من غير اى اضافات بس قطع البرتقال والسكر والميه اللى نزلت منه تحطيهم لمدة ربع ساعه وبعد كده تروحى باليد بتاعة براون او فى الكبه ضرباه لحد ما ينعم الخليط وترجعيه تانى على النار لحد الخليط ما يبداء يتجانس تروحى ضايفه القشر المسلوق ياما كله او لو مش تحبيها مززه تحطى نص الكميه انا طبعا حطيته كله ( جدعه مش كده ) وتسيبيهم كمان ربع ساعه وتروحى ضايفه عصير نص لمونه وحاطه كام وحداية قرنفل واول ما توصلى للقوام المطلوب تروحى طافيه عليها وسايباها تبرد خالص وتجهزى البرطمان بتاعك وتمليه احلى وانضف مربة برتقان وبالهنا والشفا دا انا على حسها هازيد كمان خمسه كيلو خلال الاسبوع ده طبعا مدة تواجد المربى لانى ما اظنش تفضل اكتر من كده




وده الرابط بتاع اسامه السيد مفيهوش مقادير بس الطريقه لكن الحمد لله مقاديرى طلعت مظبوطه ميه الميه

بسومه تسلم ايدك على التشيز كيك شكله روعه نفسى اجربه المشكله ان مش عندى الصينيه بتاعته تفتكرى ممكن تنفع فى صينيه التارت ولا بلاش اجازف فى الموضوع ده ؟؟؟؟؟؟؟
بنات لو سمحتو كانت رشا نفسى فى توام منزله كام طبق فى الملف اللى فات او اللى قبله ياريت اللى محتفظه بيهم تنزلهم لانى مش لاقياهم عندى خالص وعايزه اعمل حاجه منهم بلييييييييييييز يا بنات تردو عليا

السلام عليكم ورحمه الله وبركاته عليكم جميعا
جزاكم الله خيرا جميعا وربنا يبارك فيكم يارب
وربنا يتقبل منا ومنكم الدعاء ويسمعنا عنكم كل خير.