بصى هنقلك الوصفة بس مش بالصور ابعتيلى ايميل برة المنتده وانا ابعتلك اللينك لو عايزة

نيجى بقى حبايبى للرز

اولا الشوربة : 2 معلقة ملح - معلقة فلفل اسمر حب - 3 بصلات مدبس فيهم قرنفل وورق لورا - معلقة حبهان
فاكرين طبعا الجزء اللى هنعمل منة الشوربة اللى هو الرقبة والهيكل والكبد والقوانص اوك

عملنا الشوربة تعالو على الرز ومكوناتة


1/4 فيلية من اللى كان منقوع فى اللبن الرايب.
معلقة شطة حارة .
معلقة بابريكا.
3 بصلات متوسطين الحجم مقطعين قطع صغيرة .
2 فص ثوم متوسط مقطع قطع صغيرة .
ملعقة صغيرة ملح.
1/2 كيلو رز.
2 ملعقة زبدة.
2 ملعقة صلصة حمراء مدوبين فى شوية ماية.
اليكم الطريقة
نحمر قطع اللحم فى الزبدة

ننشل قطع اللحم ونضع البصل لحد ما يدبل ونحط التوم


اول ما ريحة التوم تظهر حطى قطع الفراخ تانى وقلبى


وبعدين نحط الرز والتوابل ونقلب

وبعدين نحط الصلصة


وبعدين نحط الشوربة ونغطى ونسيبها على نار عالية لمدة دقيقتين ونهدى النار خالص لمدة 12 دقيقة


يالا ناكل ريزو مع صوص باربكيو

نقول البطاطس شوفى يا فتوكتى هتروحى للست بتاعت الخضار وتقوليلها عايزة كيلو بطاطس بتاع القلى اوك تاخدى البطاطس تروحى على طول تقشريها وتغسليها وتنقعيها فى ماية ساقعة ومعلقة خل لمدة ساعة تصفى البطاطس وتنشفيها وتاخديها نص قلية وبعدين تفرزيها وتبقى تقلي منها وقت ما تحبى.
نيجى لطريقة سلطة كول سلو

ربع كرنباية +2 جزر+2 ملعقة سكر+بولا ماية ساقعة+2 ملعقة مايونيز+رشة ملح+رشة فلفل اسود+ملعقة خل ابيض
الطريقة
ننقع الكرنب والجزر فى الماية والسكر لمدة لا تقل عن ساعة فى التلاجة



نقطعهم قطع صغيرة ....ثم


نخلط المايونيز والخل والملح والفلفل ويفضل ان تبقى الكول سلو فى الثلاجة حتى يتركز الطعم اكثر واكثر وبالهنا والشفا

قوليلي يا جميل...انتي بتقطعي الكرنب ازاي عشان يكون صغير كده..زي بتاع السلطة...انا معنديش سكينة كهرباء...ازاي يطلع متقطع صغير كده؟؟؟؟

ام زوما .....basmahmed و انتو طيبين ربنا يخليكو ...و عيد اضحي مبارك عليكو و انتو في صحة و سعادة يا رب

بسمة ..البوفيه بتاعك حلو قوي و الله....شكلي كده هنفز معظم افكارة ...و بالنسبة للباقي للي هيفيض ..انا لقيالها بقي حل بخلي شوية للبيت و الباقي بيتوزع علي الناس ...عشان برده الناس تفرح..يلا كل سنة و انتو طيبين

في يا جماعة حد قال هنا تقريبا يعني علي طريقة الميلفاي بالبافباستري السنبلة ...انننا نقسمة بالنص و ندخلة الفرن و كده و يبقي طبقات بينهم مربي و بعدين سكر علي الوش...السؤال بقي الطريقة دي اطعم و لا الميل فاي الجاهز بتاع درب البرابرة؟؟؟؟؟؟؟
و عندي فكرة اني اعملة زي الجاتوه السواريه..يعني مربع الميل فاي اقطعة اربع تربع...و احطة في ورق بليسيه تفتكرو فكرة حلوة؟؟؟

سموحة ... انا عملت تارت التفاح وطلع جميل جدا وتحفة بس كان ليا كام سؤال كده عليه .. وانا بعمل العجينة بالكيتشن ماشين ملمتش اوي وكانت بتمسك في ايدي وانا باشيلها ده عادي وبعدين لما جيت افردها علي الترابيزة بعد ماحطيت دقيق كانت بتمسك بالنشابه ؟ ثاني حاجة وانا بحطها بالصينيه الطبقة اللي تحت رفيعه جدا هي المفروض كدة ؟ ومعلش بقي بعد ما طلعت من الفرن وبردت حسيت ان العجينة نشفت شويه ..دة برضو عادي :35: علي فكرة رغم كل الملاحظات ديه الصنيه اتنسفت في اقل من نصف ساعه:27: مش عارفة المرة الجايه لما الحاجات ديه تتظبط معايا هنعمل ايه :) بس بجد تسلم ايدك يا سموحة