ملف استشارة مطبخيه .*.5*

basmahmed • 14 سنة

لميا2008 :

ااكل ابنى 5شهور ايه ولا استنى

ااكل ابنى 5شهور ايه ولا استنى

يا بنات عملت كيك الزبادى بالطريقه اللى رشا كانت قالت عليها انا كنت جربتها قبل كده كذا مره وكنت اعتمدتها خلاص لانهاكانت بتطلع هشه وجميله المره دى عملت معايا حركه غريبه جدااااااا بعد ما حطيتها فى الفرن وعدى اكتر من نص ساعه فتحت عليها لاقيتها سايله خالص (مع ان العجينه كانت ماسكه نفسها وتقيله مش خفيفه) وعامله زى ماتكون بتغلى ووشها احمر شويه المهم عليت عليها النار شويه وسبتها ولما فتحت الفرن كانت استوت بس هبطت جدا ومن جوه بقيت مكتومه اوى حسيت انى باكل بسبوسه مش كيك هى طعمها حلو بس مش هى دى اللى بعملها كل مره حد يقولى العيب منيييين؟؟؟؟:44::icon33::44:

ما شاء الله يا ايمى تسلم ايدك شكلها رووووعه وفعلا زى بره واحلى كمان يلا قوليلنا الطريقه بس معلش ماوعدكيش انى اجرب دلوقتى لان استحاله ادم يسيبنى من غير زن حتى ولو نص ساعه :44:

ما شاء الله شكلها تحفففه يا رشا تسلم ايدك يا قمر

الف حمد الله على سلامة معاذ يا موتى

بصى يا لميا فى ناس بتبدا تاكل ولادها من سن 4 شهور بس الدكتور بتاع ابنى قالى قبل ال 6 شهور اعتماد كلى على الرضاع الطبيعيه لما يتم 6 شهور يبدا اكل الاطفال العادى وانا عملت معا كده

*فراشةالربيع* • 14 سنة

السلام عليكم
ده ياقمرات طريقة الكيكة بالتفصيل وكل خطوة مصوراها
أهم حاجة
تقروا الكلام كويس عشان تعرفوا شكل الخليط في كل مرحلة وكمان تركزوا في الصور عشان تعرفوا شكله وحجمه أثناء مراحل الخفق
لأن ناس عملوها وقالوا مش عليت أوي كده وهما أصلا كان الصفار مش مضروب كفاية

على فكرة أنا كنت بستعمل الكيتشن بتاعتي لخفق البياض ومضرب ماما بضرب بيه الصفار وبكده ماحتاجتش إني أغسل المضرب في النص

نبدأ بسم الله

المقادير:
صفار 6 بيضات كبيرة ،( لوحسيت إن الصفار صغير شوية ممكن تضيفي صفار واحد كمان زيادة ).مش عارفة ده مشكلتنا في مصر بس ولا الكل كده حجم الصفار بيكون قليل بالنسبة للبياض
3 باكو فانيليا أو ملعقة صغيرة ونصف .
1و 1/2 كوب سكر بودرة ، 1 / 3 كوب ماء بارد.
ملعقة صغيرة بشر ليمون .
1 و 1/2 كوب دقيق ورشة صغيرة ملح .
1 ملعقة صغيرة ممسوحة بيكينج باودر.
3 / 4 كوب بياض بيض من 5 لست بياض بيض، ملعقة صغيرة عصير ليمون .

ده صورة الصفار عملت 7 لأن كان في حبات صفارها صغير

ركزوا حجمهم قد إيه قبل الخفق وشوفوا بعده أد إيه

حاولوا الضرب يكون في حاجات مش واسعة أوي عشان يدي نتيجة أسرع وأعلى

أنا هنا ضربت في شفشأ سعته لتر ونص
يدوب الصفار مغطي قعره وبعد الضرب ماشاء الله بيملاه على أأأأأأأأأأأأأأأأأأأأأأأأأخره

وده البياض 6 بياضات

الطريقة:
1_يخفق صفار البيض حتى يغلظ ثم يضاف إليه نصف كمية السكر تدريجيا ملعغة ملعقة مع استمرار الخفق ، يضاف الماء تدريجيا وبشر الليمون والفانيليا ويستمر في الخفق حتى يفتح اللون ويغلظ القوام

لازم قبل ماتبدأي بإضافة المية يكون المزيج تقل أوي والسكر داب كويس

إضافة المية لازم تكون تدريجييييا

· ملحوظة : قوام مزيج الصفار والسكر والماء يكون كأنه قوام عجينة كيك إسفنجية

شوفوا الشفشأ إتملى على أخره واللون إفتح جدااااااااااااااااااااا وفي نفس الوقت القوام هايش جدا وإسفنجي
ومش ساااااائل

الحجم بيكون أكتر من 10 أضعاف الحجم اللي كان عليه الصفار

ينخل الدقيق والملح والبيكينج باودر مرتين ، ثم يضاف ملعقة ملعقة للخليط مع التقليب بخفة من تحت لفوق باستخدام ملعقة خشبية .أو بلاستيكية ينفع

· ملحوظة : نفس الحكاية خليط الصفار هيتقل شوية ،أثناء إضافة الدقيق ففي هذه الحالة ممكن نأجل شوية دقيق نضيفهم مع البياض في النهاية ، بس مش شوية كثير يعني بيكونوا كام ملعقة أقل من نصف الكوب مش أكثر من ذلك .

ده مجموعة من الصور المتتالية أثناء إضافة الدقيق للصفار لاحظو القوام

الصورة ده الوحيدة اللي جوزي صورهالي لاحظو إزاي فاتحة وحلوة وده اللون الطبيعي لأني لما بصور أنا وانا بشتغل بعمل ضل على الصورة فبتطلع غامقة ده طبعا بعد ماوعدته إنكم هتدعولو فياريت بقى توفوا بالوعد لو سمحتم ودعوة حلوة كده ليه

ركزوا في القوام إزاي هايشة جدااااا وماسكة نفسها مش سائلة

· ملحوظة : بعد الإنتهاء من الخليط السابق قومي فورا بغسل المضرب وتجفيفه جيدا جيدا ، وإذا كنت تستخدمين الكيتشن ماشين أو الفوود بروسسيسور قومي بإفراغ المزيج في سلطانية عميقة ثم قومي بغسل وعاء الآلة وتجفيفه جيدا
المهم أن يكون عندك وعاء ومضرب نظبفان تماما وجافان تماما لتقومي بضرب البياض فيهما فيما بعد
والمشكلة في اللي معندهاش غير آلة واحدة للخفق ستضطر لاستخدامها لضرب كلا من الصفار والبياض
وطبعا كلكم شطار وحلوين وعارفين أنه لا يمكن خفق البياض مكان الصفار ، ولذلك عليها أن تقوم بإفراغها من مزيج الصفار وغسلها وتجففيفها جيدا جيدا وذلك حتى قبل البدء في الخطوة رقم 2 حتى تسمح للآلة أن تجف جيدا لأن أي نقطة ماء أو حتى رطوبة ستخرب البياض ، وطبعا لابد أن تتم هذه العملية بمنتهى السرعة بقدر الإمكان
أنا الحمد لله عندي كيتشن ماشين ومستعيرة مضرب ماما إستعارة غير مستردة فبعمل ايه بضرب الصفار والماء في اناء خارجي بالمضرب العادي واثناء إضافة الدقيق على الصفار بشغل الكيتشن على البياض عشان يكونوا الإتنين جاهزين في نفس الوقت
· طيب واحدة شاطرة وأمورة تقوللي أضرب البياض الأول وأفرغه في سلطانية ثم أضرب الصفار مكانه ؟ أقوللها أنا لا أحبذ ذلك لأن عملية ضرب الصفار بتاخد وقت ولو تركت البياض فترة بعد خفقه هيخرب منك ولا يمكن أن تسترجعي القوام المطلوب بإعادة الخفق مرة أخرى ، أضمن طريقة هي خفق البياض في النهاية وإضافته فور خفقه خللو بالكو
وعموما اللي عندها مضربين لن يكون لديها أي مشكلة ، ويااااارب ميكونش فيه أي مشاكللللللل .
_يخفق بياض البيض حتى تتكون رغوة كبيرة ،ثم يضاف عصير الليمون ونخفق شوية ثم نص كوب السكر الباقي تدريجييا مع استمرار الخفق حتى يجمد.

· ملحوظة : لا يضاف عصير الليمون في البداية ، لأن إضافته قبل تكوين الرغوة تمنع تكونها ، لكن إضافته بعد تكونها تعمل على تثبيتها ، كما أنه يفتح اللون جدا ويعطي لكيكتك رائحة مميزة سوف تصبح سرا من أسرار مطبخك وسيسألك عنها الجميع !!!!!!!!!!!(لكن لا تضيفي أكثر من ملعقة صغيرة )

يابنات في حاجة مهمة بخصوص ضرب البيض أخدت بالي منها مع التجارب
لما تضربي البيض مش تطولي عليه أوي لدرجة إنه يبقى قاسي أوي لأ حاولي توصلي لقوام زي الكريم شانتيه مش أكتر لأن القوام الأكثر شدة بيخللي عملية التقليب مع خليط الصفار تاخد وقت عشان مش بيندمج بسهولة معاها بينما القوام الكريمي بيسهلها جدا ومبتاخدش وقت ولا تقليب كتير وبكده بتحافظي على كمية الهوا اللي دخلتيها أثناء الخفق

+4

*فراشةالربيع* • 14 سنة

_يقلب بياض البيض المخفوق بخفة بالملعقة الخشبية مع الخليط السابق
· ملحوظة : لا تضيفي البياض كله دفعة واحة ، من الأفضل أن تضيفيه على مرتين أو ثلاثة بالتبادل مع الكمية القليلة السابقة المتبقية من الدقيق

وده صور مختلفة أثناء إضافة البياض والدقيق المتبقي مرتبة

بس مهم جدا اخر إضافة تكون كمية كبيرة من البياض حاولي تخلصي باقي الدقيق على مرة او مرتين

وده الشكل النهائي اللي بيكون عليه قوام عجين الكيك

أرجع أأكد عليكم تاني ركزوا الحجم ماشاء الله ده حلة كبيرة ستانلس وركزوا اللون وأهم حاجة القوام مش سائلة لأ قوامها ماسك نفسه

_يصب الخليط في صينية مقاس 28 أو 26 مرتفعة الجوانب ومبطنة بالدقيق انا بدهن الجوانب سمن وارشها بالدقيق والقعر ورقة زبدة وده أسهل عند القلب بس مش دايما بعمل كده بس لو الورق موجود

لاحظو قوام الكيك في الصينية بيكون متماسك وسطحه غير مستوي

بنخبط الصينية بالراحة حتى يتساوي السطح بس لاتكتروا يدوب كده كفاية

6_يخبز في فرن درجة حرارته 204م أو 400ف في الرف العلوي (الربع الأعلى وليس في المنتصف لمدة حوالي 30 دقيقة أو حتى تمام النضج .
· ملحوظة هامة : لا بد من تسخين الفرن وضبطه على درجة الحرارة الصحيحة قبل البدء في العمل .
· ملحوظة : لا تفتحي باب الفرن أبدا قبل 30 دقيقة
· ملحوظة :لا تطيلي فترة الخبز أكثر من اللازم ،بحد أقصى45 دقيقة حتى لاتنكمش أكثر من اللازم وتجف.
· آآآآآآآخر ملحوظة : للحصول عل كيك اسفنجي بالشوكولاتة يضاف للمقادير السابقة2 ملعقة كاكاو كبيرة تخلط مع الدقيق وتنخل معه ، وينقص مقدار الدقيق ملعقة واحدة كبيرة .