صباح الفل يا احلى بنات دندووون انا معاكى لو عايزة تعملى وصفات حلوة و سعراتها قليلة و كمان صحية انا بفتكس كل يومين حاجة جديدة من دول عشان لما افتح العيادة اعرف اكتب وصفات لطيفة و سعراتها قليلة عشان الناس متزهأش
ربنا كريم حكتب الوصفات تانى و يارب يظهروا
فراخ فيليه متبله بمياه بصل، مستردة، خل بلسمى، زبادى و ورسسترشاير صوص شويتها على الشواية الكينوود و قطعت الخضار و حطيت فى طبق صغير زيت زيتون و اوريجانو و دهنت بيهم الخضار من الناحيتين و شويته على الكينوودد و لما الفراخ استويت حطيت جبنة سلايس لايت و سيحتها و بعدين الخضار المشوى فوقها بس بالف هنا
دى مهلبيه
كوب مياه باردة دوبت فيها 8 م نيدو من معلاق المكيال اللى معاه، م ك كريم شانتية، 2 م ك كورن فلاور و دوبتهم كويس و زودت سكر و كوب مياه بتغلى و حطيتهم على النار و زودت شوية مياه تانى لأنها كانت تقيله شوية و دقت السكر انا حطيت بالبركة و بعدين حطيت غطا الازازة مياه زهر و طفيت طلعت ما شاء الله تحفة حطيت على وشها فستق و رشة قرفة بس
فراخ مشوية بكريمى ليمون صوص
بتبل الفراخ نفس التتبيلة و بعدين على الشواية المعرجة اللى على النار بدهنها زيت زيتون و اشوح الفراخ تاخد لون ابيض اعصر عليها ليمونة و نص و احط شوية كريمة لبانى و زبادى، ملح، فلفل ابيض، سبرنكل، بابريكا و بهارات ايطالية او بهارات بيتزا و اوطى النار شوية و اغطى الشواية بالفويل لغاية م تستوى
شوربة عدس
عدس اصفر، بطاطسية، جزرة، طمطماية، فصين توم و اسلقهم فى مياه مع واحدة ماجى خضار لما يستووا اضربهم فى الخلاط و بعملها تقلية سمن و كمون و بالف هنا
بتبل الفراخ نفس التتبيلة و بعدين على الشواية المعرجة اللى على النار بدهنها زيت زيتون و اشوح الفراخ تاخد لون ابيض اعصر عليها ليمونة و نص و احط شوية كريمة لبانى و زبادى، ملح، فلفل ابيض، سبرنكل، بابريكا و بهارات ايطالية او بهارات بيتزا و اوطى النار شوية و اغطى الشواية بالفويل لغاية م تستوى
شوربة عدس
عدس اصفر، بطاطسية، جزرة، طمطماية، فصين توم و اسلقهم فى مياه مع واحدة ماجى خضار لما يستووا اضربهم فى الخلاط و بعملها تقلية سمن و كمون و بالف هنا
دى فطيرة بالسبانخ و الجبنة عملتها النهاردة و طلعت وهمية ما شاء الله
كوب و نص دقيق
1/2 كوب زيت
كوب زعتر فريش او ربع كوب زعتر ناشف
زبدية
م ك بيكينج بودر + ذرة ملح
3 بيض
ضربت البيض و ضفت له الزيت، الدقيق، الزبادى و البيكينج بودر
حتبقى عجينة زى بتاعة الكيك بس تقيلة دهنت صينية زيت و فردت العجينة فيها
جبت كيس سبانخ مجمدة و شوحته بزيت زيتون، بصل و توم مفرومين و حطيت بابريكا، جوزة الطيب، ملح، فلفل، سبرنكل و سماق و نشفته خاااالص من مياته و حطيته على العجينة و على الوش جبنة موتسريلا و بيببر جاك و على الفرن
كوب و نص دقيق
1/2 كوب زيت
كوب زعتر فريش او ربع كوب زعتر ناشف
زبدية
م ك بيكينج بودر + ذرة ملح
3 بيض
ضربت البيض و ضفت له الزيت، الدقيق، الزبادى و البيكينج بودر
حتبقى عجينة زى بتاعة الكيك بس تقيلة دهنت صينية زيت و فردت العجينة فيها
جبت كيس سبانخ مجمدة و شوحته بزيت زيتون، بصل و توم مفرومين و حطيت بابريكا، جوزة الطيب، ملح، فلفل، سبرنكل و سماق و نشفته خاااالص من مياته و حطيته على العجينة و على الوش جبنة موتسريلا و بيببر جاك و على الفرن
الصفحة الأخيرة
الاقتراح جميل ياعمدتنا
ولو وصفه فيها فراخ او سمك احسن
بما اننا مقاطعين اللحمه
لان كترها مضره صحيا وماديا
وياريت تبقى هنا احسن ف الصفحه عشان نخف من الحلويات
والبرد داخل ولو استسلمنا لها هنروح فى خبر كان