*فراشةالربيع* :

الله يبارك فيكي يادودي وعقبالك شكرا لدعواتك الحلوة ياقمر الجناش عبارة عن كريمة لباني(أنا طبعا بستخدم قشطة اللبن البايت في التلاجة) + شوكولاتة مبشورة بتغلي الكريمة على النار وتشيليها وتحطي الشوكولا وتقلبي لحد ماتسيح وكمية الشوكولا حسب السمك اللي عايزاه كيكة التفاح فكرتها في القاع عبارة عن نص كوب سكر مع معلقة كبيرة عسل إسود مع معلقة زبدة طرية ورشة قرفة لو بتحبيها إفرديهم في قاع الصينية ورصي التفاح وصبي فوقيها خلطة الكيك بس بالرااااااااااحة عشان التفاح ميتحركش لفوق شرايح التفاح تكون رفيعة أحسن حاولي تستعملي كيكة خفيفة مش دسمة أوي عشان تستوي كويس أه ياني من شغل الحموات حتى في المحشي

الله يبارك فيكي يادودي وعقبالك شكرا لدعواتك الحلوة ياقمر الجناش عبارة عن كريمة لباني(أنا طبعا...

امانى61 :

صباح الخير على احلى بنات رشروش حبيبتى منوره الملف ربنا يخليكى ليا بجد بحس انك اختى اللى حاسه بيا وشايله همى ونفسك تخدمينى بعينيك الاتنين ربنا يديكى على اد نيتك الطيبه وقلبك الابيض ويعوضك خير فى صحتك وولادك وتشوفيهم احسن ناس فى الدنيا اللهم اااااااامين هاشوف وارد عليكى ماتحرميش من قلبه الابيض اللى زى الفل ايمى تسلم ايدك حبيبتى على فكره انا امبارح عملت قرص لمامتى كانت طلبتهم منى انا بعملهم بنفس الطريقه اللى قلتى عليها بس من غير بيض خالص وبحط اكتر زيت ومعلقة زبده يعنى مثلا على الاربع كوبيات دقيق بحط كوبايه ونص زيت ومعلقة زبده وبحط كيس لبن بودره كمحسن بدل البكينج بودر ورشة ملح وربع كوب سكر و وبحط علبة زبادى صغيره بتدى قوام وهشاشه روعه للعجينه وبعجن بميه دافيه او لبن دافى وساعات بكتفى وبعجن بللبن رايب بتطلع برضه واااااو طلعو حلوين اوى وعجبو ماما انا كنت عايزه اعمل بعجينة البريوش وبعدين قلت استنى ردك واستعجلت وعملتهم بطريقتى المتعوده عليها وسبحان الله طلعت قريبه اوى من طريقتك اللى سالتك عنها الحمد لله اطمنت على نفسى بعرف اهو هههههههه دندونه حبيبتى بالنسبه لبهارت المحشى انا بحط فلفل اسود وحبهان مطحون وممكن رشة صغيره قرنفل واهم حاجه بقى قرفه وكبابه صينى دول الاتنين بيدو ريحه وطعم خرافه وما تنسيش قبل ما يستوى وتطفى عليه تديله على الوش معلقة سمن بلدى وشمى الريحه بقى وااااااااو بجد جعت زمان ما عملته ياااااااااسلام لو يجينى كده طبق على البارد من غير تعب ااااه فى الاحلام طبعا ميوش يا جميل تسلم ايديك على الاكلات اللى بتحطيها بجد روعه متبعاكى على طول وبسيف كل اللى بتكتبيه خلى بالك هههههه تسلميلى وربنا يباركلك فى وقتك وصحتك وكتاكيتك ويكرمك فيهم يارب هبهوبه بعتلك على الخاص ياريت تردى عليا معليش بتعبك معايا ربنا يجزيكى عنا كل خير

صباح الخير على احلى بنات رشروش حبيبتى منوره الملف ربنا يخليكى ليا بجد بحس انك اختى اللى حاسه بيا...