هههههههههههههه
ميه ميه يا رشا ادى الكلام
طب انا عندى روح موز وبرتقال مش بستعملهم
ينفعو ؟؟:hahaha: عشان ابقى ابعت للعمده وقت عوزه

امانى
وحشيتنى جدا
روعه التورته بتاعتك وشكلها مغرررررررى بس انصحك متمشيش ورا مها وحنان
هتروحى ورا الشمس :35:

بنات الله يخليكم عندى برجر حلوانى مش بستعمله
حد يقولى بليز على اى طريقه ليه غير السندوتشات والقلى العادى
او عموما يعنى ايه احلى نوع برجر او ناجتس هنا ؟ لانى بخاف من اللحوم المصنعه عموما
والواحد زهق كل يوم يطبخ ايه سمك فراخ لحمه حاجه تزهق
جبت فاصوليا ناشفه وبقوليات مع طلبات الشهر كنوع من التغيير
بس طبعا خدت تريقه للركب من البيبى افندى وارث وراثه سودا من عيلته عندهم شرااااهه لللحوم
مع انه اصلا مش اكول بطبعه بس هوا كدا وخلاص طفاسه وعرق مصرى ميعرفوش ان قطعه زى عشره بل بالعكس
كترها مضر اكثر من فوايدها
وللاسف بنتى شكلها خدت الوراثه:06:
بسم الله عليها وهيا ع السفره تعلق على كلمة لحمه لحمه او كوكو او سمك مش عوزه غيرهم
طبعا انا مش بسكت لها وبقطع اللحوم صغاار خالص واحطها على وش معلقة الرز او الخضار عشان اغريها وتشبع
بس هتفضحنى لو رحنا ناكل عند حد فهمتها بالذوق وبزعق لها كتير واضرربها متقوليش كدا مفيش فايده
معندكوش نصيحه اخليها تبطل العاده الزفت دى والفضايح :06:

ازيكو يا بنات
ايه نافورة الحلويات المفتوحة من اول الملف ولسه مخلصتش
موعتو نفسي يا جماعة وبالذات مها البنت دى لازم نقضى عليها قبل ما تقضى علينا لازم نعمل عليها خطة محكمة ونكتف ايديها ونغمى عنيها عشان تبطل تحطلنا الحاجات الفظيعة اللى توجع القلب دى
نكسر الحلويات بطبق مكرونة بالصلصة البيضا على السريع مفيش اسهل من كده والطعم ايطالى 100% كانك بتاكلى مكرونة من محل ايطالى فعلا
مكرونة اسبجتى قسميها نصين بس واسلقيها بس متتهريش
وهى بتتسلق تجيبي فى حلة صغيرة عشان الصوص اصغر بصلة عندك متقطعة ناعم جدا دبليها فى شوية زيت بس متحمريهاش عشان متمررش وفص ثوم صغير مدقوق ودبليهم شوية وبعدين حطى كوباية لبن وكوباية مية ونص مكعب ماجى وملح وفلفل وبسسسسسسس
لما يغلى المية واللبن تكونى مجهزة نص كوب لبن مدوب فيه معلقة دقيق كبيرة وحطيى وقلبى وتكونى مقطعة قلقل رومى صغير ومشروم حطيهم وقلبي شوية 5 دقايق عشان الفلفل يطرى وبعدين رشي زعتر اخضر او مجفف او اوريجانو حسب اللى عندك بس مش زعتر ابو سمسم بتاع الدقة خلو بالكو وبقدونس مفروم واطفى عليها
تكون المكرونة اتسلقت صفيها بس متشتطفيهاش واغرفى وعليها الصوص ودوقو احلى طبق مكرونة

اسماء سندريلا يا جميل اعملى سلطة البرجر بتبقى فظيعة
اشوى 2 او 3 برجرات يا اما فى الفرن او فى صينية تيفال بتقطة زيت واحدة بس وقطعيهم مربعات وبعدين حطى عليهم خس وكرنب ابيض او احمر وذرة وجزر مبشور لو حابة وكرفس افرنجى حطى شوية صغيرين من العود نفسه مش الورق
الصوص زبادى علبة كبيرة مثلا عليها معلقة كبيرة مليانة مايونيز وفص ثوم مدقوق وملح وعصرة لمون ومعلقة خل وقلبيهم كويس وصبيهم على الحاجات ودخليها التلاجة ساعة
بتبقى خطيرة

مها ما تقوليش كده تعب ايه بس الكوبايه الصغيره هنا 110 جرام

وفعلا المنتدى بيقع كتير وباعمل ريفريش كتير جداااا لحد ما الصفحه تفتح

مع انه عالم حواء زمان ما كانش كده



كيكة الكريم كراميل

انا برضو للاسف مش مصوراها مع اني باعملها كتيييييييييييييييييير جدااااااااا بس دي صورة تطبيق مدام شيرين ام ادهم




كتكوته لو سمحتي لو لسه معاكي صورة تطبيقك ممكن تحطيها ؟؟؟


مقادير الكريمه

3 بيضات -كوب سكر- 2 كوب حليب بودره-كوب ونص ماء- م فانيليا

للكراميل كوب سكر

الكيكه

4 بيضات -نص كوب زيت - 3 م حليب بودره-نص كوب ماء -كوب سكر- م عصير ليمون -م كبيره بيكنج بودر- 3 م كاكاو-2كوب دقيق

نبتدي بعمل الكريمه

نضع اولا كوب السكر في الصينيه على النار حتى يصبح كراميل بني (خدي بالك يتحرق لانه بيمرر) ونتركه يبرد

نعمل الكريمه

نخلط البيض مع السكر وباقي مقادير الكريمه لمدة 7 دقايق بالمضرب ونسكب الخليط في الصينيه فوق الكراميل

عمل الكيكه

نضرب البيض مع الليمون جيداااا ثم نضيف السكر والحليب البودر بعد ما نقلبه في نص كوب الماء وتخلط جيدااا

ثم نضيف الزيت والكاكاو ونخلط ثم نضيف الدقيق والبيكنج بودر ونخلط المقدار جيدااا

ثم نسكب الخليط فوق خليط الكريمه بشرررررط ان يكون صب الكيكه في المنتصف ونضع الصيينيه في صينيه


اكبر بها ماء (حمام مائي)ونضعها في الفرن نص ساعه او حتى تمام النضج

بمناسبة الزيت هنا بيعملوا الكيك بزيت وبيطلع هش جداااا

(وهم مشهورين بجمال حلوياتهم المنزليه وفي سيدات كتير بتشتغل في الموضوع ده لان مناسباتهم بتعتمدعلى الحاجات دي وخصوصا البسكويتات اشكال واصناف رهيبه

بس عايزه طول بال في التزيين )وهتلاحظوا ده كمان في مقادير الكتاب

والبسكويتات معظمها بيدخلوا فيه الزيت


كيكة موس الشيكولاته (مجرباها وحلوه اوووي وان شاء الله تعجبكم والموس هش )

الكيكه

1:2 بيضه حسب حجم البيض- 3/4كوب سكر- ربع كوب زيت - م فانيليا-م بيكنج بودر - كوب ونص دقيق

الموس

1:2 صفار( بياضهم هنضيفه مع مقادير الكيكه) - كوب سكر ناعم -كوب حليب -4 م كاكاو - ك كريم شانتيه - ورقة جيلاتين - قليل من الماء الدافيء لاذابة الجيلاتين


عمل الكيكه

نضرب البيض وعليه بياض البيضتين والسكر جيدااااا ثم نضيف الزيت والفانيليا ونخلط جيداااااا

ونضيف الدقيق والبيكنج بودر وتخبز وتترك لتبرد

عمل الموس

يضرب الصفار مع السكر حتى يصبح كالقشده نضيف الجيلاتين المذاب (يجب ان يكون ذائب جداااا حتى لا يكون كتل في الموس)

ونضع الحليب والكاكاو على النار ونضيفه سرسووووووووب صغييييييير على خليط الصفار مع الخفق المستمر يعني نضيف بايد

والمضرب في ايد ثم نضيف الكريم شانتيه ونضعها قليلا في الثلاجه لتتماسك ونصبها فوق الكيكه وتخل التلاجه تاني 6 ساعات

على الاقل وتخرج من التلاجه وتزين الجوانب ببشر الشيكولاته ووردات كريمة للوجه


******* طبعا يفضل استخدام قالب التشيز كيك انا م كانش متوفر عندي فبطنت صينيه بورق سيلفر وخليته مرتفع علشان اقدر

اشيلها كامله بدون تقطيع


يتبع ان شاء الله

صباح الخير
اذيكم شوفتوا البرد ده انا متكتكة

فراشتى شكرا شكرا يا جميل على ردك عليا وانا ان شا الله هاصلح فرنى واجيب دقيق كويس وخلى بالك من نفسك انتى والنونو وعمور من البرد
وبخصوص كيكة البرتقال انا عندى والله قشطة وزبده وسمن بلدى لما تفضى وتروقى ابقى قولى الطريقة

سموحتى اذيك يلا يا جميل نجرب البسبوسه بس مع قوالب الفويل ونشجع بعض بلاش صينيه ما حلاوتها فى شكلها يابننتى اما تتقدم كده للضيوف بصراحه يا كهرمانتى انتى ما شا الله عليكى صو ر الحاجات ايلى بتعمليها تجنن انا قريت مشاركة ليكى زمان وانتى بتشتكى من الكيك دلوقتى انتى استاذه ما شا الله والى الامام
ياسموحة بقه انتى كنتى عملت القرص زمان وحطيتى ريحة كعك جبتيها منين بقه انا جبتها من المحمل مغلفه كده ورميتها ريحتها مش حلوة اعرف منين الحلوة من المش حلوة واحط قد ايه على كيلو الدقيق
بصى اما تشترى قراقيش من بره بتحسى بطعم جميل كده ده من ايه انا باعملها بسمن بلدى وقشطة وبتطلع عاديه مش زى بتاعة بره