تسلم ايدك ياسموحة عالبسكويت التحفة دة ان شاءالله ابقي اعمله قريب

ميرا....اسئلي زي مانتي عاوزة ياجميل هدور عالمازوة واقيسلك الصاج لان شكلها فقدت في ظروف غامضة بس هو صاج عادي لو متوفر عندك بتاع البيتزا دة


بسومة.....اسالي ياجميل براحتك المهم نشوف تورتاية جميلة منورة الصفحة هنا

امبارح يابنات عملت بلح الشام اخيرا بس طلع عيني عالنار عشان لازم النار تكون واطية فاخد وقت طويييييييل كنت مليت بصارحة مالها الكيكات اقلب ودخل الفرن ماليش في وجع القلب دة بس الحمد لله النتيجة كانت حلوة اوي بالنسبة لاول مرة مع ان كان فيه وحدات مقرمشة اوي ووحدات طرية شوية مش عارفة ازاي؟؟؟؟
استنوا بقي في حاجة عرفتها من واحدة اننا نضيف سميد بيقرمشه هي كانت حاطة معلقة انا حطيت معلقتين وفيه ناس كمان بتحط 3 م ك عالمقدار كله بس بجد كان هش اوي وخفيف جدا ومقرمش

المقادير:

كوب ونص دقيق
ربع كوب زيت او زبدة
4 بيضات
م سميد اساسي(لو هتحطي م واحدة مش هنشيل دقيق لو هتحطي اكتر يبقي تشيلي قصاده من دقيق القمح)
ربع م ص ملح
تمن م ص كربونات صوديوم

والشربات يكوت تقييييييل زي سمك العسل كدة

صباح الخير على احلى بنات
سندريلا وروشانا مش عارفه افرح ولا ازعل بس انا خلاص جوزى فاجائنى ولقيته جايبلى الميكرويف كينود 3فى1 مش يستنى نسأل ونطقس ونختار سوى قالى لااااااااا ودى تبقى مفاجاءه ازاااااااى شوفتو الهنا اللى انا فيه يالا الحمد الله وبارك الله فيما رزق
سموحه تسلم ايدك بجد ماشاء الله عليكى ويوم ما بتنزليش حاجه بجد بقلق عليكى ياربى ما يحرمنا من مشاركتك ومن الحاجات التحفه اللى بتعمليها
رشروووش تسلم ايدك على الكويكز شكله روعه وتزويقه فعلا على هوى العيال الف سلامه عليكى وعلى لولى الجميله
شيموووو يا جاااااامد هاتعملى الكوارع ربنا معاكى بس ابقى طمنينا ووافينا بالاخبار يا جميل
على فكره انا كلمت دندون بتسلم عليكم وبتشكركم اوى على التشجيع والصور الرهيبه بتاعتك يا مها هيا بس مشغوله بالمسابقه وهاتبقى تدخل تشارك معانا فى انتظارك يا احلى دندون

سماح انا هنا اهو رجعت بس نفسى ارجعلكم مرة بطبخة ولا صورة عليها القيمة بدل ماانا زى قلتى كده
امبارح اتعشينا اندومى كنت بفكر انزلوكم الصور اصل انتم عارفين الاندومى صعبة اوى فى عمايلها ومحتاجة نفس جامد بس انا ايه شاطرة اوى فيها:35:

يابنات هو ليه اما بعمل الباف باستري بيطلع معجن من تحت ومش نافش خالص اما بعمله ام علي بدخله عادي طبعا من غير اضافات وبيطله نافش وباف باستري علي حق لكن امبارح عملته فطيرة جبنة يعني عجنته كدة في بعض وفردتها وحطيت عليها جبنة طلعت معجنة جدا من تحت مش مورقة كدة حد فاهم حاجة؟؟؟؟ اصل الحكاية دي مش اول مرة تحصل معايا ونفسي اعرف السبب
حد يعرف؟؟؟

مبروك عليكى يا امانى
خلاص بقى افرحى هوا قطع عرق وسيح دمه
ف الاول هتحسى انه قليل الاستخدام بس شويه شويه لما تعرفيله مش هتستغنى عنه

وقوليلى صحيح المكرونه بتاعه نورا لاروزا جربيتها بالبقدونس ولا من غير؟؟
بفكر احطه المره الجيه بس خيفه

جربتوها يا بنات ولا لسه ؟؟
تحفففه لا تفووتكم



التواقه للخير
تسلم ايدك روعه البساكيت والمعجنات

العمده فين يا رجاله ايه اخبار المسابقه ؟؟