ماشاء الله شغلكم جميل

انا كمان تحمست اجرب سينابون رشا
عجينة دردشه صحيح قريبه من الجاهز بس لما يبات لتانى يوم بينشف

هوا الصح فى المعجنات يا بنات نعلى الفرن على اخر حاجه ونحط فى الرف اللى فوق على اساس انه اسخن حاجه
والا فى النص ونخلى النار وسط؟؟

تسلم ايدكم بسومة وام زوما جوعتوني وانا عاملة دايت

وتسلم ايدك يامهموهة شوية صور في الجوووووووون بجد

يابنات انا عندي فراولة فريش مش عارفة اعمل بيها ايه شيفات كتير عاملين شارلوت الفراولة بس مفهوش فراولة خالص كريمة وحاجات علي سويسرول فراولة هو شكله رووعة بس انا عاوزة استغل الفراولة نفسها

ممكن لو حد عنده طريقة المربي بتاعة لوزا الي كانت منزلااها في الملف الي فات ينزلها تاني

بارالله فييييييك

حنان دى طريقة لوزة
http://forum.hawaaworld.com/showthread.php?t=2087969&page=269

ودى طريقتى باعملها كل سنة
2 كيلو فراولة (الوزن النهائى بعد تنظيف الفراولة)
كيلو سكر (بس انا بحط كيلو الا ربع علشان مبحش الحاجة المسكرة اوى )
عصير لمونتين(حوالى نص فنجان قهوة)
باكو جلى فراولة (يعطيها لمعان وقوام المربى الجاهزة )
للى يحب ممكن تضيفى 4او 5 اعواد قرنفل
نيجى للطريقة سهلة جدا
تقطع الفراولة قطع صغيرة او حسب الرغبة ثم يضاف اليها السكر وتترك حوالى ساعة علشان الفراولة تنزل ميتها ثم ترفع على النار (لاحظى الحلة تكون اكبر من كمية الفراولة لانها ممكن تفور منك ) بعد ما يدوب السكر تضيفى باكو الجيلى وبعد ما يدوب تماما يضاف عصير الليمون والقرنفل وتستمرى فى التقليب حوالى نص ساعة او لما يصبح قوامها غليظ يعنى لو خدتى نقطة من السائل وحطتيها فى طبق تلاقيها سميكة ومتفرديتش فى الطبق وبعد ما تبرد تعبيها فى برطمنات زجاجية وبالهنا والشفا

مبروك