صباح الفل.......

رشا والله ياقمر انا عيني ليكي انا فكرت والله اصور الخطوات عشانك بس كلها في الخلاط فمفيش حاجة هتبان زي مانتي عارفة كله علي بعضه وخلاص نفسي اعملك اي حاجة في موضوع الكيك دة..... دة كيك الشاتوه الي انتي عارفاه وخليطه بيبقي خفيف كيك البرتقال مثلا لما بعمله بيبقي تقيييييل لكن ان شاءالله يومين كدة واعمل واصورلك الخليط دة انت تؤمر أمر ياجميل والله وتسلم ايدك علي الفراخ الي تجوع

حبيبة.....بصي ياحبيبتي خليط الكيك
1 ك سكر
1 ك ماء
نص ك زيت
4 م ك لبن بودرة
4 م ك كاكاو خام يفضل هينتز بما انك في السعودية هو افضل نوع كاكاو

هتضربي كل دة في الخلاط كويس وبعدين تشيلي من الخليط دة تلات اربع كوب وتركنيه علي جنب وتضيفي علي بقية الخليط الي في الخلاط 2 بيضة وفانليا و2 غطا خل عشان يضيع ريحة البيض وكمان بيخلي الكيك هش وتضربيه شوية وبعدين تصبي الخليط دة في طبق عميق وتضربي بمضرب البيض الكهربائي (1 ك دقيق مضاف عليه 1 م ك بيكنج بودر) وتضيفي الدقيق تدريجيا بس كدة

والكريمة الي حشيت بيها:
كريم شانتيه كيري شوية كاكاو شوية نسكافيه وساعات بضيف قشطة بس كدة اخف




مروي........ربنا يكرمك علي الدانيت ان شاءالله هجربها ياااااارب تعجبهم احسن حبيبة هرتني عاوزة دانيت عاوزة دانيت والواحدة معلقة ياشيخة وانا عارفة انها في مصر مش رخيصة حرام فيها الفلوس والله

بصي ياحبيبتي ممكن تكون الصينية صغير ة بالمنسبة لكمية الدقيق لو الدقيق 1 كوب اعمليه في القالب المستطيل لو اكتر 2 كوب مثلا اعمليه في صينية مقاس 24
والفرن درجة حرارته 180 لمدة 35 دقيقة وبعدين اختبريها بعود خشبي لو طلع نضيف يبقي استوت لو طلع فيه عجين اتركيها 3 دقايق وتابعي تاني وهكذا

ووالله مامنع الصالحين أن يفجروا إلا علمهم أنهم سيرجعون إلى الله ، وماجعل أهل الفجور يفجروا إلا بجهلهم بأن هناك رجوع إلى الله ، قال الله في سورة مكية من أوائل ما أنزل (إن إلى ربك الرجعى)
*صالح المغامسي

حنونة ... جربيه والله هيعجبها جدا ان شاء الله انا مبقتش اشتريه خلاص من برة بعمله علي طول لملوكه وبتاخد معاها في الحضانه كمان وعلي فكرة ممكن لو عندك قشده اللبن تحطيها علي الخليط بتدي طعم جميل وطبعا فانيليا انا مكتبتهاش لأني بستعمل كورن فلور بالفانيليا

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 84KB.
بسم الله ماشاء الله روعه ياام كريم ربنا مايحرمنا منك يارب وربنا يطعمكم من ثمار الجنه يارب .