انا مش فاهمة الناس زعلانة ليه كده؟؟؟

حد مستوعب اللى بيحصل

ما هو خلاص الدستور واتعدل وفوض اللى معاه لسليمان لحين انتخابات رئاسية جدية بالدستور الجديد


فى حد مش فاهم يا اما انا يا اما الملايين اللى ف الشارع

والله يا روشانا ناس كتير مش مابقتش فاهمه فى ايه بيحصل كلنا بقينا عايشين كده انا بيتهيئلى اللى بيتظاهروا نفسهم مش عارفين عايزين

طيب بجد لي طلب عندكو بجد اللي هتصلي الفجر حاضر تدعي ربنا يعدي بكره علي خير لان البلد علي جمر ودا اللي كلنا حاسين بيه يا رب استر علينا بكره

دينا بما انك اكبرنا (عقلا طبعا) وجدتك حكيتلك كتير على ايام زمان والحرب

عايزة افهم الناس ليه خايفة من الاحكام العرفية؟؟؟؟؟؟ حساها بعبع

انا هاطق و مالقتش حتة انفجر فيها غير هنا
انا الي فاكراه والي قرته على الصفحات الي دعت للمظاهرات انهم كانوا عايزين شوية اصلاحات
ازاي بقى بقدرة قادر بقت تغيير الريس
طيب شال الوزارة وحط نايب ونسف الحزب يبقى ايه بقى الي مش عاجب الناس
هم حسوا انهم قوة كبيرة وخوفي انهم كمان هيستبدوا بالبلد دلوقت الي مش مع المظاهرات بقى خاين الثورة
وبيصفوا حسابات مع الصحفييين و غيره
مجنون الي بقول انه مع استمرار ميارك بس بالعقل بالطريقة الي تضمن امان البلد
يعني سكتوا التلاتين سنة وسكتوا يوم تزوير الانتخابات و خدوا حبوب الشجاعة دلوقت
وهو فعلا بلا سلطة الضغط عليه من كل ناحية داخلي و خارجي يعني هو فعلا رئيس بلا سلطات
اول ما عينوا النائب عمر سليمان قالوا فيه شعر وهم نفسهم كانوا بيطلعوا على التلفزيون و يقولوا الرئيس يفوض سلطاته واحنا نتفاوض
دلوقت قى عمر سليمان بيخونوه و الوجه التاني للنظام وكلام كده انا مش فاهماه الناس بتنفخ في النار ليييييييييه
ولا هو علشان بقوا قوة
يا خوفي الي يوصل فيهم يبقى مستبد اكتر ماهو كل الزعماء العرب من اول عبدالناصر الى القذافي كانوا جايين يقولوا كلام حلو قوي حرية و عدالة القضاء على الفساد والناس وقفت وراهم برضه لحد ما كل واحد مسك الحكم وبعدين يبقى هو الي بفهم و الشعب الي ايده لأ
وبعدين يعني كلها كام شهر صعب علينا نتعايش مع النظام لغاة حتى ما يعدلوا الدستور علشان نعمل انتخابات زي الخلق
انتم عارفين انا خوفي كله انهم هم كمان مش متفقين يعني بعد شوية بعد ما يرحل بجد يعني الناس هتتقسم و كل يوم و التاني هتلاقوا ناس مش عاجبها قوم تعمل ايه تنزل ةتقعد في الميدان و الحكومة دي لأ والتمثيل بتاعنا مش كافي و فرق بقى
علشان كده انا عن نفسي باتمنى يتعدل الدستور ونعمل انتخابات نزيهة تبقى على رقبة الكل لكن طريقة انزل الشارع كل ما يبقى عندي طلب دي هتودينا كلنا في 60 داهية
وبعدين اللجنة بتاعة تعديل الدستور دي كلها معارضة وياما كافحوا علشان الموضوع دا وكانوا لوحدهم مش معاهم الشعب ولا حاجة ولا محميين بالاعداد الغفيرة دي يعني بصراحة ناس نثق فيهم اكتر من الي راكبين الموجة دلوقت
وبعدين يا ريت نضرب بعينا كده لغاية تونس و نشوف بعد ما رحل الوضع ايه الحكومة الانتقالية مش عاجبة الناس لأ والامن بيضرب فيهم برضه !!!
وبعدين الناس الي بتشكي من القر و الفساد الاول كان فيه اقتصاد لكن الناس كانت سرقاه دلوقت هنقعد كام سنة عقبال ما نرجع الاقتصاد دا يعني الي فاكرين انه اول ما يرحل مصر هتبقى جنة ينسوا
وقبل ماحد يزعل مني لحسن دي لازم ديباجة كنت اقولها الاول والا ممكن اتهم ني من الحزب انا مع الي حصل بس كفاية بقى العقل كويس برضه وعلى فكرة احنا كمان متغربين و طافحين الكوتة علشان ماكانش فيه فرصة في بلدنا بس انا شايفة انه مصلحة البلد مش في الي بيحصل دا
وخصوصا مع القلق الي في رفح و القناة و اعتقد مفهوم ايه الي ممكن يحصل

اه معلش حاجة تانية بانسبة للاحكام العرفية يعني نبقى باختصار من غيييييييير دستور و كل شيء تحت حكم الجيش و الحاكم العسكري يعني حكم فرد برضه و بالقوة
ونقعد كدة شوية لغاية ما يبقى الوقت ملائم عشان نعمل دستور جديد ونعيد الموضوع بقى من اول سنة 52
وا عتقد مش هم دا الهدف الي الناس طلعت علشانه
السياسة فن وممكن الواحد يتنازل في مرحلة علشان هدف ابعد
لكن مش شطارة ابدا انه الاخ يكتب على صفحته انه احنا هننجح علشان ما بنفهمش في السياسة و التوافقات لأ دي بلد و بيتلعب بيها لعبة اكبر بكتييييييييييير من الي الشباب عايزه وما ينفعش المغامرات السياسية دي و فيه ناس كتير معارضة للنظام من زمان قبل الثورة ودا رايهم فاعتقد انه لازم الشباب يسمع لصوت العقل ولصوت ناس طول عمرها وطنية وياما كتبوا ضج الفساد وماكانش حاميهم غير ربنا
سامحوني بس انا فعلا مش لاقي حد اتكلم معااااه ولو كلامي ضايق حد هامسحه